HOSEA 1:2 - DAÜLANGPÜ LAIHING (BSI)

² Mechem Shembüpai shongei Hosea homei Israel am kü epa, büpai Hosea kü, “Daituh, nüngi laophü shing mükbongjuyungla hük yahtuh, hatü mükbongjuyung hapeüthü bühtuh; mehenangkü nanglakthüi ngei yakphongtü daiyei mükbongjuyung longi düknyüke” shei e.

HOSEA 1:2 Iomraidhean Croise

2 SHÜPPÜKENGPÜ 21:13

shejao nüngi Israel ongthülei lem kü kamei nüngi Judah hatü Jerusalem nanglakthü mang thahhüei Ahab am shemi dükpükei dükteke. Nüng mao meipü anjei anaüpeü nüngi jütükteke.

MENVIH KESHO 106:39

Hapakei jomei doui jom nedaüi lei, hatü jomi dükpü dou kü mükbongjuyung.

MENVIH KESHO 73:27

Nüng mebü yanei nyupüthü peü mahhen; nüng kü shahshem epüthü nüngi dohtükhen.

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

JEREMIAH 2:23

“Ngei nesheih-angpih hatü Baal kahvang kü nekhümangpih” shei eaokhen je? Kahjilei nüng mekei nyupa veihümao, nüngi mehe dükpa deihhümao. Nüngü shülangi mokpü ut chenyü khih,

JEREMIAH 3:9

Pinnyüi mükbungjuyung dükpü longi maanteke shei kahdok kemei sheihtük, hatü pü hi yaong peü mü mükbungjuyung dükteke.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

HOSEA 2:7

Pinnyüi maithü changei daihen, shejao phei nethahhen, hatü jomphong yemhen shejao nedanghen. Hahepak kü pinnyüi ehen, “Ngei ngelei shongpü baha touei nyokei leishah; mehenangkü shaangpü laphen meyü sheleipü-üng meipü khih.”

HOSEA 3:1

Shembüpai ngei kü, “Shao chem daituh, hatü pinnyü mih mü bamteiyei mükbongjuyung düklangmao hapa nyüha kü nüngi bamtuh. Israel am lebü kahvangthü lemei lepei hapa kü jeetükpü nyalingngupai aan kü kenlangmao, ngei jom kü bampükei bamtuh” shei e.

HOSEA 5:3

Ngei Ephraim am nyingnyüpeih, hatü Israel am ngei tou kü nejoaokpih; Oh Ephraim, am mükbongjuyung philei lepdaiteke, Israel am sheihdaiteke.”

MARK 1:1

Hapayü Kahvang Ha Jisu Khristalei shahjangmei chongpangpü nyüke.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

SHAKEI VAMPÜ 17:5

hatü pinnyülei shangbalei shahjo men hük, “LONGPÜ BABYLON, BÜM YUPÜ HATÜ KAHDOKNYÜLEI JIÜHITNALAILEI NYÜ” shei nyangtü nyu.