DANIEL 9:2 - DAÜLANGPÜ LAIHING (BSI)

² Büpai ong vaipü shongpü bong kü Shembüpai Jeremiah thibü kü Jerusalem bong pejempüan lavüngtoiyei yakphonghen shei epü nang ngei, Danieli daülangpü laithü kü yemei nyu.

DANIEL 9:2 Iomraidhean Croise

2 SHÜPPÜKENGPÜ 36:21

Jeremiah homei epü Shembüpalei shah jiüei vangbong pejempüan manglom thahshi lavüngtoiyei nyupü hepak kemei kü hapa kahdokei Sabbath themei nyu.

EZRA 1:1

Persia kü Cyrus-i ong vaipü shongpü bong kü Shembüpalei shah Jeremiah homei epü jiühühen shingvaishi Shembüpai Persia ongpa Cyrus-i hapa nyangtü büpalei ongching peü kü baonghen mongnang thonghü:

MENVIH KESHO 119:24

Nüngei shahkungü ngelei mongong, hathüyü ngelei shahnying venbüthü.

ISAIAH 64:10

Nüngei daülangpü chingnyüthü phaü leidaiteke, Zionü yingnyü yingchong, hatü Jerusalemü lavüngtoiyei leidaiteke.

JEREMIAH 1:1

Benjamin kahdok kü Anathothlei nyupü ngongpathü khong kübü Hilkiahlei cheha Jeremiah-i epü shah:

JEREMIAH 25:18

Jerusalem hatü Judah jilathü, haleipü ong hatü lakchongbüthü, jom shinnyih nyupükei lavüngtoiyei leihühen, peüi yaüpülungpü, mihnyi pü, eelanyongnya dou hatü thaüvaüthemthe leihühen;

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

JEREMIAH 27:7

Büpalei kahdok dohen hepak mangngoi thahshi jatthü peüi büpa, hatü büpalei cheha hatü chehü chongphohühen; hapheikü mon jom jati wong kohpü jatthü hatü longpü ongthü chongphohühen.

JEREMIAH 29:10

Shembüpai hapakei enyüke: Mechem bong pejempüan lomhenshang, ngei am touei peihen, hatü am hapa shingei müei leihen shei ngei lahpü jiühühen.

JEREMIAH 7:34

Ngei jomei mongongmonglepü ngeü, Judah chingnyü hatü Jerusalem chingyangshongei yiükyah lashompü ngeühinga kemei dohtükhen; mehenangkü hapa kahdokü lavüngtoiyei leitükhen.

YOUNG LAI 1:1

Chemü shennyak maei nyupü chingnyü, shaang mekei lavüngtoidaipa! Pinnyü chemü jatthü peü mü longpü vaihampü, shaang mekei vaümnyü kei leidaipa! Pinnyü chemü ongchingthü shak kü onglanyü vaihampü shaangü aa leidaiteke.

EZEKIEL 29:11

Shennyak nevaijü yemhimakei lakhila-i ha kü shoupei nekamhen, hapayü meheyao nenyui vangbong pinyi thahshi tuhhen.

DANIEL 9:3

Hanangkü ngei Shembüpa Kahvang touei lepei leiyei büpa kü phopei, khümei, shüaeiyungleyei hatü dhoila ashak ümtü, depla nyiotü phop.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

MATHI 24:15

Hanangkü Daniel thibüi epü keiha mechem amphongi daülangpü shingei nyembenüng jiühitnalai yaongshi eehenshang (iepüthüi ha nyinghahtuh),

MARK 13:14

Shejao mechem ammi nyembenüng jiühitnalai neyaonghen shingei yaongshi eehenshang (iepüthüi ha nyingtuh), Judealei nyupüthüi kahshangthülei nyaidaituh;

PHONGSHANTHÜ DOU 8:34

Hapa ban tüktükpü shennyaki Philip kü, “Hapa thibüi üpa nang enya, büpa nang hi hanei am nang enya ngei kü eshih” shei e.

1 TIMOTI 4:13

Ngei mangpei thahshi banghnyüha touei Laihing iepü kü, chongvenpü hatü nyuhpü kü mong shuohtuh.

SHAKEI VAMPÜ 1:3

Üpai hapa thihivam shahthü wongmü ie, büpa moihiman, hatü üami ha danei halei nyangei nyupü noteinya, jom moihiman; mehenangkü hepak yopailei nyüke.