DANIEL 8:3 - DAÜLANGPÜ LAIHING (BSI)

³ Ngei ngangei veishuohshingkü ngei shekü yungyen touei mi chebaongha hük vaung luangi nyi kohtü yaongshi ee. Vaung hükü lushi shiüteke shejao hükpayao pheishi lupüba aongteke.

DANIEL 8:3 Iomraidhean Croise

1 SHÜPPÜKENGPÜ 21:16

David ngangei veishuoh shingkü phumshang jiamei vangsho phongshani yanlu notü Jerusalem tentükhen lak yiüei ee. Hahepak kü David hatü mübüthüi dhoila ashak ümtü dhe shüshi lemteke.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

EZRA 4:5

hatü Persia kü Cyrus ongpai vanglem lempü kübü Darius ongi vanglem lempü thahshi jomi lakchongbüthü yawhdoui lak lingtüktü hapa küpjan bentükhen kheteke.

ESTHER 1:3

hatü büpa vanglem lempü bong jempabü kü büpai laophülei longhivang hatü lakchongbüthü kü mo longpü hük ühteke. Persia hatü Media kübü veshan mübüthü, ongthü hatü kahmükthü kübü longhivang peü om.

ISAIAH 13:17

Veituh, ngei jom khüei hon kü hon shei nedeihpü, ngin kü ne-ienelempü Medes am vamhühen.

ISAIAH 21:2

Vongshüh peihen manghkhang hük ngei kü huteke, hapayü lueilemhen hatü mangtükhen nang nyuteke. Elam veshanthü, ching hahtuh! Media veshanthü, ching shümtuh! Babylon ami shuohpü hanghi ngei dohtükhühen.

ISAIAH 44:28

Ngei Cyrus kü, “Ngei nangjei nüng vanglem lemhen; Ngei mehe mongnya, ha nüngi dükhen, Jerusalem ne-ei leiyei lingtuh, hatü Phopshem chongnyiam yaong shao sheituh shei nüngi ngeükhüam shuohhen” shei epeih.

JEREMIAH 51:11

Lahhanthü daüptuh! Inyüshung paituh! Shembüpai Babylon am mahtükhen shei deihpü nangkü Media ongthü vamhüteke. Shembüpai laophülei phopshem nangkü bhüh yemhen.

DANIEL 10:5

Ngei ngangei veishingkü shennyak hük nyemin ashak ümtü büpalei shüngshep honi mon sheptü eeteke.

DANIEL 2:39

Nüng pheikü nüngei ongching mü shuipü ongching hük vamkahen, shejao hapheikü jempabü melangnyiam ongching hük vamei kahdoknyü kemei kü vanglem lemkahen.

DANIEL 5:31

hatü Media am Darius ongpai nyübüh vangbong pejempünyi nyushi hapa ongching aetlangteke.

DANIEL 6:28

Hanangkü Darius-i vanglem lempü hatü Persia am Cyrus-i vanglem lempü hepak kü Daniel men-e shennyak leiteke.

DANIEL 7:5

Shao nyipabü lebü yemha hük ngei touei veiheni sheptao kei vam. Hapayü la phihük noei antü, hapalei julei bha hi bha aa kü haampat jem japtü hapakei eteke, “Yaongtuh, hatü nüngi aokpü thahshi phai moh-ei hahtuh!”

DANIEL 8:2

Manghkhang kü ngeiyü Elam ongching kü Susa chingnyülei nyunyeih shei manghteke; ngei Ulai yungyenei hih shei yaongshi manghküteke.

DANIEL 8:20

Nüngi mi chebaongha hük vaung nyi kohtü eepeyü Media hatü Persia ongthü nang nyüke.

ZEKHARIAH 1:18

Hapheikü ngei ngangei veishingkü vaung ali ee.

ZEKHARIAH 2:1

Hahepak kü ngei ngangei veishingkü shennyak hük büpalei lakei shethen vü hük notü yaongshi ee.

ZEKHARIAH 5:1

Shao ngei ngangei vei, hatü ngei laidü hük piyei ee.

ZEKHARIAH 5:5

Hahepak kü ngei mü shah eteipü phongshan ngei touei peiyei ngei kü, “Ngangei veihümao, antolei vamei daiküpü ha mehe khih?” shei eteke.

ZEKHARIAH 5:9

Ngei ngangei veishingkü nyüha nyi yungou kü kei yang kohtü piyei peiküteke, hatü jijinyi-i kahdok hatü vangsho aa kü hapa mühdow yüngei aongdai.

ZEKHARIAH 6:1

Shao chem ngei ngangei veishingkü melangnyiam kahshang nyi-aa kübü koyei khari ali vamküpü ee.

BHEI-IE 24:2

hatü büpai Israel am jat jat baümtap vetü eeteke. Kahvang laangha büpa kü peiteke,

JOSHUA 5:13

Mechem Joshua Jeriko yopailei nyupa, ngangahük kü büpai veishuohshingkü shennyak hük yanlu notü yaongshi ee. Joshua-i büpa touei heih-ei, “Nüngü hamphong khong kübü veshan hük hi vepa hük ang?” shei phe.

SHAKEI VAMPÜ 13:11

Hapheikü ngei shao kahdok leipü yemha hük miha kü kei vaung nyi kohtü vampü ngei ee hatü Dragoni kei shah eteke.

SHAKEI VAMPÜ 5:6

Hapheikü ngei ong uoshing hatü yemmü nyupü yemhathü aa kü, hatü behethü khong mü Mi Cheha hük jütükphei keiha vaung nyet hatü mük nyet, mepa kahdoknyü peü lemei shompü Kahvangei laangthü nyet nyu, ha eeteke.