DANIEL 7:9 - DAÜLANGPÜ LAIHING (BSI)

⁹ Mechem ngei veishi nyupa, Aivangpai hapa ong uoshing kü uoteke, Büpalei owhiai shüdao kei, hatü büpalei sho phümphah kei shoshi shiüteke; Büpalei ong uoshing awlom kei, hatü hapa uoshinglathü awyei kei shiüteke.

DANIEL 7:9 Iomraidhean Croise

1 ONGPATHÜ 22:19

Mikaiah-i nedoh-i, “Hanangkü Shembüpalei shah bangtuh: Shembüpai büpalei ong uoshing kü uotü büpalei laknyong lakdah kü vangsho phongshanthü shinei yaongtü eenyüke.

2 SHÜPPÜKENGPÜ 18:18

Mikaiah-i nedoh-i shao e, “Hanangkü Shembüpalei shah bangtuh: Ngei Shembüpa ong uoshing kü uotü büpalei laknyong lakdah kü vangsho phongshanthü yaongshi eeteke,

MENVIH KESHO 45:8

Nüngei büm-ow kemei myrrh, aloe, hatü cassia vong meipai bünyüke. Meinyübha yah-ei ow shih-ei lingpü ong uoshing kü vü shihpü hadir vüngei kesho lokpai nüng mongonghünyüke.

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

MENVIH KESHO 93:2

Nüngei ong uoshing aivang den mebü lingei nyüke; nüngü nedohnetenpü leipü khih.

ISAIAH 6:1

Uzziah ongpa dipü bong, Shembüpa ong uoshing longi shaopü kü uoshi ee, hatü büpalei ashak maijung Phopshem maei yaüshi nyu.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

JEREMIAH 49:38

Ngei, ngelei ong uoshing Elamei linghen, hatü jomei ong hatü lakchongbüthü mahtükkemhen shei Shembüpai enyüke.

EZEKIEL 1:26

Jomei shangnyüshang leipü nyiam athen kei thuhpü shangei sapphir douvang yaongi lingpü ong uoshing hük nyu, hatü hapa shangkü veiheni hangkulei deiaei kei hük uoshi nyuteke.

DANIEL 7:13

Yanüng manghkhang kü ngei veishi nyushingkü, veiheni shennyak hük leshi phumi ngeihtü vamei Aivangpa touei peiyei yaong.

DANIEL 7:22

Hahepak kü Aivangpa peiyei Jaipüba Kahvangei nanglakthü khüambakei shahphenteke, hatü Kahvangei nanglakthüi longhiong hean yahhen hepak ngoiteke.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

HABAKKUK 1:12

Nüngü aivang den mebü nevaipü je? Oh Shembüpa, ngelei Kahvang, ngelei Daülangpüba. Nüng nedidaihen. Oh Shembüpa, hamei shahphenhen nüngi jom jeteke, hatü nüng, Oh Yaongnyü, ham kü hanghi shuohhühen shingvaishi nüngi jom wong kohhüteke.

MATHI 17:2

Büpai jomphong touei hangbong jeile, hatü büpalei dhe vanghe kei, hatü büpalei owhiai nyangnyangtoptopshi shoei vam.

MATHI 28:3

Büpalei dhe klang kei, hatü büpalei ow shüdao kei shoshi nyu.

MARK 9:3

hatü büpalei büm-ow nyangnyangtoptopshi shoshi kahdoknyü kü üpaiyao hapakei ashak nedhuaokhen mü vam,

PHONGSHANTHÜ DOU 2:30

Büpayü thibü hük vaipü nangkü büpalei ong uoshing kü büpalei hühiha hük uohühen shei Kahvangi büpa kü lahpü büpai nying.

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

PHILIPPI 3:9

hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

1 JOHAN 1:5

Kahvangü vangngai hatü büpa kü vangnyak lanshei neshiü shei hapa shahjang hami büpa leipü danpü am kü baongnyeih.

SHAKEI VAMPÜ 1:14

Büpalei shangjing hatü sho-ü phümphah kei hatü shüdao kei shoshi; büpalei mükü awlom kei;

SHAKEI VAMPÜ 19:18

hatü ongthülei phai, veshan mübüthülei phai, wong kohpüthülei phai, koyei hatü halei uopüthülei phai, aa hatü bümei, longpü hatü maanpüthü peüei phai hahtuh” shei nyükteke.

SHAKEI VAMPÜ 20:4

Hapheikü ngei ong uoshingthü, hatü halei uopüthü kü shahphenhen wong shuoh-ei ee. Shao ngei Jisu jung denpü shuohpü hatü Kahvangei shah nangkü sho mahpüthülei laanghathü ee. Jomphongü yemha hatü hapalei lajei kü nekhüm, hatü jomei shangba hatü lak kü yemhalei füoshang neshüngpüthü nyuteke. Jom yangei leiyei Khrista mü bong haja hük vanglem lemteke.

SHAKEI VAMPÜ 4:2

Chem ngei Laangha kü nyu, hatü vangsholei ong uoshing hük vam hatü hapa ong uoshing kü hük uoshi nyu,