DANIEL 7:1 - DAÜLANGPÜ LAIHING (BSI)

¹ Babylon kü Belshazzar ong vaipü shongpü bong kü Danieli mangh hük mangh hatü yanüng manghkhang hük eeteke. Büpai hapa mangh nyangteke:

DANIEL 7:1 Iomraidhean Croise

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

KAHBHAO 46:2

Kahvangi Israel kü yanüng manghkhang hük kü, “Jakob! Jakob!” shei nyük. “Ngei hammü nyüpeih” shei büpai jang.

JOB SHAHSHA APPÜ 4:13

Shinmangh kü manghkhang deih-ei mük paoei nyushingkü,

ISAIAH 30:8

Shaang daituh hatü ngoikahen nyihthü kü denshing denbü vaihen shingvaishi, jom nang yaongshung kü hatü laitap kü nyangtuh.

ISAIAH 8:1

Shembüpai ngei kü, “Yaongshung longpü hük yahtuh, hatü hapa kü laknyang kuk longshi Maher-shalal-hash-baz shei nyangtuh,

JEREMIAH 23:28

Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei Shembüpai enyüke.

JEREMIAH 27:7

Büpalei kahdok dohen hepak mangngoi thahshi jatthü peüi büpa, hatü büpalei cheha hatü chehü chongphohühen; hapheikü mon jom jati wong kohpü jatthü hatü longpü ongthü chongphohühen.

JEREMIAH 36:32

Hanangkü Jeremiah-i lebü laidü hük yah-ei Neriahlei cheha Barukh laknyangbü kü shuoh, hatü Jeremiah-i ju mü eshuohshingkü Barukh-i Judah ongpa Jehoiakimi aw kü jaktükpü laidü leipü shahthü peü nyang. Shao hapa mü leteipü shahthü longi üei nyang.

JEREMIAH 36:4

Hahepak kü Jeremiah-i Neriahlei cheha Barukh kü nyük, hatü mechem Shembüpai eshuohpü shahthü peü büpai shah mü eshuohpa, Barukh-i hathü shah laidü kü nyang.

EZEKIEL 1:1

Vangbong hapüan mü lenyang alipabü nyih ngapabü kü ngei Kebar yungyenei wüpküpei deipüthü mü nyushingkü vangshothü ap hatü ngei Kahvangei manghkhang eeteke.

EZEKIEL 40:2

Manghkhang hük kü büpai ngei Israel kahdokei müei dei, hatü shaopü kahshang hükei uohü. Pehephi lemei veiheni chingnyü hük leshi shemthü longi eeteke.

DANIEL 1:17

Ha nethethü jom ali kü Kahvangi nyingpühingpü, laiyung, hatü lemphü yao-aokhen kihikon shuoh. Ha mü chemi, Danieli mangh hatü manghkhang lemphüli tetei eaokteke.

DANIEL 2:1

Nebukadnezzar ong vaipü vangbong nyipabü kü büpai mangh hük manghteke. Hapai büpa longi mongshanghü hatü büpa neshiaok.

DANIEL 2:26

Hahepak kü ongpai Daniel (üpa kü Belteshazzar sheiyao nyüknya) kü, “Nüngi ngei kü, ngei mehe mangh manghpa, hatü hapa mehe lappa, ha tetei ephaaokhen je?” shei pheteke.

DANIEL 4:13

Ngei mechem lüngei lemtü manghkhang jung deih-ei nyupa, phongshan hük, thamashi, vangsho leipü yiükei-ei eeteke.

DANIEL 4:5

Ngei mangh hük manghpai nyemhüteke. Ngei ngelei lüngei lemshi nyushingkü nyembenüng manghkhang hük ngei eeteke.

DANIEL 5:1

Belshazzar ongpai büpalei chinglong chingvang haja longi nyükei mo longpü üh, hatü büpa jomphong mü yiü yingei nyuteke.

DANIEL 5:22

Shejao büpalei hapeü, nüng, ha jung peü nyinglangmao nüngi laophü nyingi nenteiaokei maanpü neleinyu.

DANIEL 5:30

Ha ya-üng Babylon ongpa, Belshazzar jütükteke,

DANIEL 7:13

Yanüng manghkhang kü ngei veishi nyushingkü, veiheni shennyak hük leshi phumi ngeihtü vamei Aivangpa touei peiyei yaong.

DANIEL 7:15

Ngei, Daniel, longi mongshanghü, hatü ngei eepü manghkhangi ngei nyemhü.

DANIEL 7:7

Hapheikü yanüng ngei manghkhang kü alipabü yemha hük, nyemshi hatü hanshi, longi wong kohshi ee. Hapa kü nyiambha longpü shiüteke, hatü hapai khih mü shaaitü lühtük shejao aopüthü peü la-i shouptükei ee. Shelei eepü yemhathü peü mü hapa hayaoha shiüteke, hatü hapa kü vaung an kohshi shiüteke.

DANIEL 8:1

Belshazzar ong vaipü bong jempabü kü, shongpü manghkhang pheikü shao ngei nyipabü manghkhang hük eeteke.

JOEL 2:28

Hapheikü ngei nanglak peü kü ngelei laangha khapshuohhen; Ammei nethe hatü nelathüi teteivanhen; ammei bajeithüi mangh manghhen; ammei nethethüi manghkhang eehen.

AMOS 3:7

Hingmei, Shembüpai büpalei küpjan büpa chongphopü thibüthü kü ne-epheikü meheyao nedüknyih.

HABAKKUK 2:2

Hahepak kü Shembüpai ngei kü jangei eteke: Mokyakiyao ieaokhen mü hapa manghkhang yaongba kü nyangtuh.

BHEI-IE 12:6

“Ngei epü bangtuh: Mechem am mü thibüthü nyuhen, ngei jom touei manghkhang homei shakei vamnyüpeih; Ngei jomphong mü mangh kü eteinyüpeih.

ROM SHAHSHA APPÜ 15:4

Mehenangkü nenteiaokpü homei hatü Laihingi mongnang thongpü homei jen monglempü nyuhen nangkü mepa mepa shelei nyang, hayü jen kü nyuhhen nangkü nyangpeih.

2 KORINT 12:1

Hapa kübü mehe nangleiyao nedangjao ngei changmeihen nadang khih, shejao ngei SHEMBÜPAleipü manghkhang hatü shakei vampü kü nedoh-i daihen.

SHAKEI VAMPÜ 1:19

Hanangkü shaang mehe nyu, hatü hapa pheikü mehe vamkahen nyu, ha nang nüngi shaang eepü nyangtuh.

SHAKEI VAMPÜ 10:4

Mechem vangmuk nyet khungpa, ngei nyangnüng shei nyu, shejao vangsho leipü ngeü hüki, “Vangmuk nyeti mehe e, ha kü füoshang shüngtüktuh, shejao hapa tenyang” shei epü ngei dan.