DANIEL 5:2 - DAÜLANGPÜ LAIHING (BSI)

² Yiüi meüei, Belshazzari chepa Nebukadnezzari Jerusalem Phopshem leipü yah-ei leipü hon hatü ngini lingpü yungshongthü kü büpa hatü büpalei chinglong chingvangthü, büpalei nyühathü hatü yiükphüthüi hathü shong kü yiü yinghen deikei shei ngeükhüam shuohteke.

DANIEL 5:2 Iomraidhean Croise

2 SAMUEL 9:7

Davidi, “Mephibosheth” shei nyüktü, “Nüng tenyem; mehenangkü ampa Jonathanei men kü ngei hingmei nüng kü phahji yahyang huhen. Ambü Saulei kahdok kemei nüng kü nyokei shuohhen, hatü nüng düngei ngei mü nükdü hük kü hahhen” shei e.

2 ONGPATHÜ 24:13

hatü Shembüpai epü keiha, büpai Shembüpalei shem hatü ongshem leipü mopnyümopha kemei shetlangkem, hatü Solomoni Shembüpalei shemei noteihen lingpü hon dükhi-ümthü kemei nihtük.

2 ONGPATHÜ 25:15

Hapa veshan mübüi chilimji hatü awtao hokteipü shung, hon hatü ngin yah-ei lingpü douhinang kemei shetei leidai.

2 SHÜPPÜKENGPÜ 11:20

Pinnyü pheikü büpai Absalomei yiükha Maakah yah, hatü pinnyüi Abijah, Attai, Ziza hatü Shelomith hathü büh.

2 SHÜPPÜKENGPÜ 15:16

Asa ongpai chenyü Maakah-ao Asherah kahvang lajei lingpü nangkü ongpalei nyü shei epü hean kübü nüngtük. Asa-i lajei bentü nihtük, hatü Kidron Kahjilei aw kü jaktük.

2 SHÜPPÜKENGPÜ 36:10

Sheileilila hepak kü Nebukadnezzar ongpai büpa yahnüng deishih-ei büpa mü Shembüpalei phopshem leipü dounyünangba kemei shetei lei, hatü büpa jeiyei chepa naü-eepa Zedekiah Judah hatü Jerusalem kü ong vaihüteke.

2 SHÜPPÜKENGPÜ 36:18

Kahvangei shem leipü yungshong longpü maanpü peü, hatü Shembüpalei shem leipü mophimo peü, ongpa hatü büpalei lakchongbüthülei mophimo kemei Babylonei shetei deilang.

EZRA 5:14

Nebukadnezzari Jerusalem phopshem leipü shetei deiyei büpalei kahvang khümshemei tuhpü hon hi ngin dükhi-ümthü peü ngaipeih, hatü Cyrus ongpai governor vaishi jepü Sheshbazzar kü shuohpeih,

JEREMIAH 27:7

Büpalei kahdok dohen hepak mangngoi thahshi jatthü peüi büpa, hatü büpalei cheha hatü chehü chongphohühen; hapheikü mon jom jati wong kohpü jatthü hatü longpü ongthü chongphohühen.

JEREMIAH 50:35

Babylon am khüei yanlu hük, Babylonei nyupüthü khüei pinnyülei lakchongbüthü hatü kon kohpüthü khüei yanlu peikünyüke shei Shembüpai enyüke.

JEREMIAH 52:19

Ongpalei veshan mübüi chilimji, awtao shihteipü shung, iy shangteipü shung, dük, awdükshong, dük hatü chilimjithü peü daülangpü hon hatü ngini lingpü koei leidai.

DANIEL 1:2

Shembüpai Judah ongpa Jehoiakim büpalei lak kü shuoh, hatü Kahvangei Phopshem leipü douhinangthüao shuohteke. Büpai hathü koei Babylonei leiyei büpalei kahvang khümshem dou tuhshingei tuhteke.

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

DANIEL 5:13

Hanangkü ongpa touei Daniel müei dei hatü ongpai büpa kü, “Nüngü ngelei opa, ongpai Judah leipü wüpküpei müei leipü Daniel je?” shei phe.

DANIEL 5:18

Oh Ongpa, Jaipüba Kahvangi ampa Nebukadnezzar kü ongching hean, longhiong leihen müknyinshekhang lemphü shuohpeih.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

DANIEL 5:3

Hanangkü jomi Jerusalem leipü Kahvangei Phopshem leipü hon yungshongthü yah-ei dei, hatü ha kü büpa hatü büpalei chinglong chingvangthü, büpalei nyühathü hatü yiükphüthü peüi yingteke.

DANIEL 5:30

Ha ya-üng Babylon ongpa, Belshazzar jütükteke,

DANIEL 5:4

Mechem jom yiüi chokkempa, jomi hon, ngin, melangnyiam, nyiam, pü hatü yaongi lingpü kahvangthü men long.

BHEI-IE 7:79

Büpalei moilayü ngini lingpü nükshung hük dokshuohjü dok 1.5, hatü ngini lingpü chilimji hük dokshuohjü gram 800, phopshemei dokteipü dok aimü nyuteke, hatü ha nyiphen kü maei atta kü olive mainga nyettü hahying moila shuohhen koei pei;