DANIEL 4:3 - DAÜLANGPÜ LAIHING (BSI)

³ Büpalei yashanyale meshük longpüang! Büpalei thamapü dou mekei wong kohpüang! Büpalei ongchingü nedohnetenpü ongching nyüke; büpa vanglem lempü hüdenhalenshi nyuhen.

DANIEL 4:3 Iomraidhean Croise

JOB SHAHSHA APPÜ 25:2

Vanglem lempü hatü nganhilongü Kahvangei; büpai shaopü vangsholei chingmei lingnyüke.

MENVIH KESHO 104:24

Oh Shembüpa, nüngi douthü longi lingteke! Kihikon kü nüngi hathü peü ling; kahdoknyü-ü nüngei yemhimakthüi maei nyüke.

MENVIH KESHO 105:27

Büpai jom mü nyangeihepü dük, Ham amei kahdokei yashanyale dükteke.

MENVIH KESHO 145:13

Nüngei ongchingü nedohnetenpü ongching, hatü nüng vanglem lempü hüdenhalenshi nyunyeih. Shembüpai büpalei shahthü peü jiüshi düknyeih, hatü büpai phahjipai douthü peü düknyeih.

MENVIH KESHO 66:7

Büpai düngei büpalei ngani vanglem lemnyüpeih; büpalei müki jatthü kü veinyeih khüpüthüi büpa homei teyaonghü.

MENVIH KESHO 72:18

Shembüpa, Israel Kahvang kü moihimantuh, büpai mon thamapü douthü düknyeih.

MENVIH KESHO 77:19

Nüngei lemü yungching homei, nüngei lemnyü yung homei nyüke; shejao nüngei lameen ne-eenyu.

MENVIH KESHO 86:10

Mehenangkü nüngü longpü, hatü thamapü douthü düknyüke; nüng monha Kahvang.

MENVIH KESHO 92:5

Nüngei lakdouthü meshük longpüang, Oh Shembüpa! Nüngei mongdeih ahshi chüshi nyüke!

ISAIAH 25:1

Oh Shembüpa, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

ISAIAH 28:29

Hapayao Jeiyong SHEMBÜPAleipü peinyüpeih; büpayü thamapü kon hatü ngan kohpüba.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

DANIEL 2:2

Hanangkü büpai thibüthü, lashüh dokpüthü, phongyompüthü, hatü lithilen kü veiyei tetpüthü kü büpai mehe mangh manghpa, ha eshih shei nyükteke. Mechem jomphong peiyei ongpa touei yaongpa,

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

ROM SHAHSHA APPÜ 11:33

Oh Kahvangei mop meshük longpa! Büpalei kihikon hatü nyingpühingpü meshük chüpa! Büpa shahphenpü mekei yemei neaokbenüng, hatü büpalei lemthü mekei neyaobenüngang!

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

HEBREW 1:8

Shejao Hapeü nang büpai ha epeih, “Nüngei ong uoshing, Oh Kahvang, den den kü nyüke, hatü daülangpü lenshuoh-ü nüngei ongchingei lenshuoh.

HEBREW 2:4

Kahvangiyao hapa kü nyangeihepü, thamapü hatü yashanyale longi, hatü büpai mongpü aimü Laangha Daülangpü thinthothü shuohpü homei denpü shuohnyüke.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”