DANIEL 3:12 - DAÜLANGPÜ LAIHING (BSI)

¹² Shejao nüngi Babylon ongching kü chinglingbü vaishi tuhpü Jehoda am Shadrakh, Meshakh hatü Abednego hathüi, Oh Ongpa, nüngei ven lenyüke. Jomi nüngei kahvang chongnephonyu nevaijü nüngi lingpü hon lajei kü nekhümnyu.”

DANIEL 3:12 Iomraidhean Croise

ESTHER 3:8

Hahepak kü Hamani Xerxes ongpa kü, “Nüngei ongching phangkü haishi, hatü lebü nanglak khongmü hayaoha nanglak khong hük nyüke; lebü nanglakthü mü jomei shahkung hayaoha, hatü jomi ongpalei shahkung nebangnyu; hanangkü ongpai henüng kü hei-üng netuhhen vaipü khih.

KANDOK 27:4

Mongshihpeyü ahshi mangshi; lohpeyü longi nemei, shejao mükhüh mongyungpü touei üpa yaongaokhen?

CHONGVENBÜ 4:4

Hangkui dükpülingpü hatü dangaokpü kemei laophülei chingyow leipü kü mükhühpü nangkü khih shei ngei nyingteke. Hapayao angsha; vanglük phei changteipü mon khih.

DANIEL 1:7

Lakchongbü shopübai jomphong kü men ja menshuoh: Daniel kü Belteshazzar; Hananiah kü Shadrakh; Mishael kü Meshakh, hatü Azariah kü Abednego shei menteke.

DANIEL 2:48

Hahepak kü ongpai Daniel shaopü uoshing kü uohütü thintho longi shuohteke, hatü Babylon ongching kü vanglem lembü leihü hatü nahpülangpüthü peü shak kü khei vaiyei tuh.

DANIEL 2:49

Danieli ongpa kü yüpü nangkü Shadrakh, Meshakh, hatü Abednego jom peü Babylon ongching kü chinglingbüthü vaiyei tuh, hatü Daniel ongpalei ong uoshingei chongphoei nyu.

DANIEL 3:11

hatü üpai ha kü aümei nekhümhenshang, bah-ei nyupü awbhaong kü shüktükhen shei shahyan shuohteke.

DANIEL 3:16

Shadrakh, Meshakh hatü Abednego hathüi ongpa kü, “Oh Nebukadnezzar, hapa nangkü shei hamphongi nüng touei yanglem linghahhen nadang neshiü.

DANIEL 3:29

Hanangkü ngei shahkungnyü hük lingnyüpeih: Üam nanglaki, jathili-i nevaijü shahlemi Shadrakh, Meshakh hatü Abednego hathülei Kahvang thaüvaüei langmaanhenshang, lakjaang lajaang laaishi shaaktükhen hatü jomei shemthü benei nyüphinya leitükhen; mehenangkü hapakei jangaokhen mü lebü kahvang meleiyao neshiü” shei eteke.

DANIEL 3:30

Hapheikü ongpai Shadrakh, Meshakh hatü Abednego hathü Babylon ongching kü uoshing dokpa kü anshihteke.

DANIEL 6:13

Hahepak kü jomphongi ongpa kü, “Judea am wüpküpei nyupü khongkü shennyak hük, Daniel, büpai dhüm neshuohnyu nevaijü nüngei shahkungnyü nebangnyu, Oh Ongpa, büpai düngei nyih kü jempa jempa phopnyüke” shei jang.

DANIEL 6:14

Mechem ongpai ha danpa, büpa longi mongmang hatü vanghe mangshü thahshi büpai Daniel yanghen lem yemteke.

PHONGSHANTHÜ DOU 17:7

hatü Jasoni hathü kü yen keiha ühyingei angpeih. Jom peüi Rom ongpalei shahkung kü nejiüi shao lebü ong hük Jisu shei menpü nyüpeih” shei enyüke shei lenteke.

PHONGSHANTHÜ DOU 5:28

“Hami amphong kü hapa men jung nenyuhhen hami am kü ngeükhüam wongmü shuohphei, shejao hatouei amphongi Jerusalemü ammei nyuhpüvenpai mateke, hatü amphongi hapa shennyakei iy ham shak kü kohühen temnyu khih” shei e.