DANIEL 2:9 - DAÜLANGPÜ LAIHING (BSI)

⁹ ngei deihshi nyupü aimü amphongi hepak luangi yahnüng shei khenyüke. Hepak ngoijü lemphü yeiyadaihen shei monglemei amphongi ngei kü shahshem hatü nemeipü ehen phaüshah showteke. Hanangkü shaang ngei kü mangh eshih, hatü amphongi hapa lappü ngei kü nih-aokteke shei ngei nyinghen.”

DANIEL 2:9 Iomraidhean Croise

1 ONGPATHÜ 22:22

Shembüpai, ‘Mepakei yawhhen?’ shei phe. Laanghai jangei, ‘Ngei daiyei Ahabei thibüthü kemei shahshem ehen mü leihühen’ shei e. Hahepak kü Shembüpai, ‘Daituh, hatü nüngi büpa yawhtuh; nüngi aokpü danghen hih’ shei e.

1 ONGPATHÜ 22:6

Hanangkü Israel ongpai thibüthü jom kho ali hükshing nyükei leiyei jom kü, “Ngei Ramoth-Gilead hahnüng daihen hi nedaihenang?” shei phe. Jomi büpa kü, “Daituh, mehenangkü Shembüpai ongpalei lak kü hapa shuohhen” shei e.

ESTHER 4:11

“Ongpalei chongphobüthü hatü büpalei ongching phangkü nyupü nanglak peüi shahkung hük nyingei nyüpeih, hayü ongpai nenyükpü kü üpai nyüha nevaijü bahai mongpa dungei shühenshang, jütükhen shei nyüpeih. Yanglem hük mon nyüpeih: Hayü ongpai büpalei hon lenshuoh noei anjü mon hapa shennyak yangnyüpeih. Ngei kü dangkao mongei shükei shei ongpai nenyükpü nyih hapüan lomdaiteke.”

KANDOK 12:19

Shahhing epü jubenyeijaangi yangnyu shoshoei nyunyeih, shejao shahshem epai denshohvanloh pongnyüpeih.

ISAIAH 41:23

Amphongü kahvangthü khih shei nyinghen shingvaishi hapheikü mehe vamkahen ha ham kü eshih; Ham nyemhen hatü hanhen shingvaishi ten hük nevaijü mei hük dükshih.

ISAIAH 44:25

Ngei lak-ow veipüthü ngapa leitüknyeih, hatü phongyompüthüi tetpü ngashah leitüknyeih. Ngei nahpülangpüthülei kihikon yaktüknyeih, hatü ngashah yoishah leitüknyeih.

EZEKIEL 13:17

Shaang, shennyak ha, laophü kü deihja deihja kei teteivanei epü ammei yiükhathü khüei veituh. Hathü nyonghütuh,

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

EZEKIEL 13:6

Jomei manghkhangü nejiü, hatü jom tetpüvanpü kemei shahshem. Shembüpai jom neshomshomi, “Shembüpai hapakei enyüke” shei enyüke hatü jomi epü nyemjiüja shei deihnyüke.

DANIEL 2:16

Ha danei Danieli ongpa touei peiyei büpa kü mangh mehe lappa, ha tetei ehen hepak yüteke.

DANIEL 2:21

Büpai hepak vangpanthü yeiyahünyeih; büpai ongthü ong vaihünyeih, hatü jomphong nüngtüknyeih. Büpai nahpüthü kü kon shouhnyüpeih, hatü yao-aokpüthü kü nyingpühingpü shuohnyüpeih.

DANIEL 2:8

Hahepak kü ongpai eteke, “Amphongi ngei kü mangh ne-ejema am peü kü aihük hanghi shuohhen ngei temtükpü ammi ha nyingei,

DANIEL 3:15

Shaang, ammi amit, liping, kongkoih, harp, phaam hatü lebü kesho lokpü hadir vüngpü danhinüng, aümei shaei lajei kü khümtuh. Shejao ammi hapakei nekhümjema, am peü shaang-üng yepei bah-ei nyupü awbhaong kü shüktükhen. Mepa kahvangi am ngelei lak kübü yangaokhenang?”

DANIEL 5:28

Peres: Nüngei ongchingü hantü Media hatü Persia am kü shuohtükteke.”

DANIEL 5:31

hatü Media am Darius ongpai nyübüh vangbong pejempünyi nyushi hapa ongching aetlangteke.

DANIEL 7:25

Büpai Jaipüba Kahvang khüei ehen hatü Jaipüba Kahvangei nanglakthü kü shüveidoideihen. Büpai jomei shahkungnyüthü hatü daülangpü mohitapthü yeiyatükhen khehen, hatü Kahvangei nanglakthü büpalei vanglem phangkü vangbong jem mü hükkeishing nyuhen.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.