DANIEL 11:4 - DAÜLANGPÜ LAIHING (BSI)

⁴ Hatü mechem büpai vanglem lempü wongkoh hepak nyuhen, büpalei ongching mangdaihen, hatü shing ali antü handaihen. Büpalei iy kübü nephaakpü hüki vanglem lemhen, shejao büpai kei wong kohshi vanglem nelemhen; mehenangkü büpalei ongchingü bhitükhen hatü mih kü shuohtükhen.

DANIEL 11:4 Iomraidhean Croise

MENVIH KESHO 39:6

Hingmei peüha vangdhüm laang keiha longteinyüke; meheyao nevaihen kü shangpongei nyunyüke; Jomi thaiyei shüngnyüke, shejao ha üpai yahlanghennenyingnyu.

CHONGVENBÜ 4:8

Hepak hük kü shennyak hük büpa monha, hapeü hatü jeihinaü neshiüi nyu. Büpai mechemao nedoh-i dou mon dük, shejao büpai büpa angpü mop kü mükmong nema. “Üpa kü ühnüng ngei hajükjük dou düknya, ngei mongongshi nyuhen neaoki mehekei ngei nyunya?” shei büpai phehahteke. Hapayao angsha hatü mongmangbenüng dousho khih.

JEREMIAH 12:15

hatü ngei jom yah-ei daipheikü ngei jom kü phahjihen, hatü ngei shao jomei mükjüp kahdokei jom peü müei leihen,

JEREMIAH 12:17

Shejao mepa jati ha nebanghen, ngei chemjalak kü bhitükhen hatü mangtükhen shei Shembüpai enyüke.

JEREMIAH 18:7

Hepak jiüjiü hük kü ngei jat hük nevaijü ongching hük bhitükhen, vütükhen, mangtükhen shei ejü,

JEREMIAH 31:40

Mahng vüpü hatü nyüphinya yakpü kahji kemei, hatü heongphi Kidron Kahji thahshi kübü kahthü, ha kübü heihdaipü Koyei Peshaden shoukbaong thahshi Shembüpa kü daülangi leihen. Hapa chingnyü sheyü nebhitükhen nevaijü nemangtükhen.

JEREMIAH 45:4

“Büpa kü ha etuh” shei Shembüpai eteke: Shembüpai hapakei enyüke: “Ngei mehe vetepa, ha bentükhen; ngei mehe shei, ha bhitükhen; hapayü kahmük peü.

JEREMIAH 49:36

Ngei Elam am khüei vangsho jung ali kübü vanglük lem ali kü peihühen; ngei hathü kahdok jung peülei haitükhen hatü jom daiyei nelakneloipü jat hükao netuhhen.

EZEKIEL 37:9

Hahepak kü büpai ngei kü e, “Ngü kü teteivanei etuh, shennyak ha: vaungjung ali kübü vanglük peikei hatü yem leihen shingvaishi hathü mahng kü ngü heeyeishuoh shei Shembüpa Kahvangi enyüke.”

DANIEL 7:2

Ngei, Danieli yanüng manghkhang kü vangsho jung ali kübü vanglük vamei longpü yungching kü lükei eepeih.

DANIEL 7:6

Hapheikü ngei veishi nyushingkü, lebü yemha hük veiheni shangpi shahnyü kei vamteke; hapa yemha kü dok kü yang ali hatü shangjing ali kohshi nyuteke, hatü vanglem lemhen büpa kü shuohteke.

DANIEL 7:8

Mechem ngei ha vaungthü nang deihhah-ei nyupa, hatü hathü khongkü shao lebü maanpü vaung hük vam, hatü hapa shingvaishi shing linghen shelei nyupü vaung jem bhitük. Hapa vaung kü hangkulei mük kei mükthü kohshi, hatü ngam epü jubenyeijaang kohshi nyuteke.

DANIEL 8:22

Shongpü vaung bhagtükpü shingkü vaung ali vampü lappeyü, hapa jat kübü ongching ali hanteitü vamkahen, hatü hathü-ü shongpü ongching kei wong kohshi nechongkahen.

DANIEL 8:8

Hapa yum chebaong longi wong koh-ei long; shejao büpa wong kohpü den ngoipü hepak kü büpalei vaung bhagdai. Ha shingkü longpü vaung ali vangsho jung ali kü meeshi neenei vamteke.

ZEKHARIAH 2:6

“Leikei, leikei! Apsha kahdok leipü nyaidaikei” shei Shembüpai enyüke; mehenangkü ngei am vangsho jung ali kü yantükpeih, shei Shembüpai enyüke.

ZEKHARIAH 6:5

Hapa phongshani, “Hathüyü kahdoknyü peü shak kü Shembüpa touei nyupü vamei daiküpü vangsho laangha ali khih” shei ngei kü e.

MATHI 12:25

Jomphongi mehe deih, büpai ha nyingei büpai jomphong kü, “Ongching hük laophü khüei hanpeyü dodainyeih, hatü mepa chingnyü nevaijü shemong laophüi laophü khüei hanhen neyaongaoknyih.

LUK SHAHSHA APPÜ 12:20

Shejao Kahvangi büpa kü, “Nüng ngapa! sheya-üng nüngei yangnyu nüng kübü yülanghen. Hahepak kü nüngi laophü tempü üpa shing vaihen?

SHAKEI VAMPÜ 7:1

Hapheikü ngei vangsho phongshan ali kahdoknyü vaungjung ali kü kahdoknyü kü nevaijü yungching kü nevaijü mepa pü kao vanglüki nelükhen shingvaishi kahdoknyü vanglük ali kü düktü ee.