DANIEL 1:2 - DAÜLANGPÜ LAIHING (BSI)

² Shembüpai Judah ongpa Jehoiakim büpalei lak kü shuoh, hatü Kahvangei Phopshem leipü douhinangthüao shuohteke. Büpai hathü koei Babylonei leiyei büpalei kahvang khümshem dou tuhshingei tuhteke.

DANIEL 1:2 Iomraidhean Croise

KAHBHAO 10:10

Shongpü büpalei ongchong chingü Babylon, Erekh, Akkad hatü Kalneh nyu. Hathüyü Shinar kahdokei nyu.

KAHBHAO 11:2

Jom heong lemei daishingkü jomi Shinarlei kahji hük heü, hatü halei nyu.

2 ONGPATHÜ 24:1

Jehoiakim Judah kü ong vaipü hepak kü Babylon am Nebukadnezzar ongpa peiyei Judah hah, hatü bong jem thahshi büpa phangkü angteke. Hapheikü büpa mong yeiyaei Nebukadnezzar khüei yaong.

2 SHÜPPÜKENGPÜ 36:5

Jehoiakim ong vaishingkü büpa nyübüh vangbong hapünga nyu, hatü büpai Jerusalemei bong anpühük vanglem lem. Büpai Shembüpa, büpalei Kahvang touei mang dou dük.

2 SHÜPPÜKENGPÜ 36:7

Shao Nebukadnezzari Shembüpalei phopshem leipü douthü yah-ei leiyei halei büpalei khümshemei tuhteke.

EZRA 1:7

Anyei vaishi Nebukadnezzari Jerusalem leipü yah-ei leiyei büpalei kahvang khümshemei tuhpü Shembüpalei phopshem leipü douhinangthü Cyrus ongpai yah-ei ngaiteke.

ISAIAH 11:11

Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.

ISAIAH 42:24

Üpai Jakob aetpüshepüthü kü, hatü Israel am gühpathü kü shuohtükpa? Jeni büpa khüei mang thahpü nangkü, büpalei lemthü kü nekampü, hatü büpalei shahkungthü nebangpü nangkü Shembüpai shuohtükpü nevaipü je?

JEREMIAH 25:1

Hapayü Babylon kü Nebukadnezzari ong vaipü shongpü bong, hatü Josiahlei cheha Jehoiakimi Judah kü ong vaipü bong alipabü kü Judah nanglakthü nangkü Jeremiah touei peipü Shembüpalei shah.

JEREMIAH 27:16

Hahepak kü Shembüpai hapakei enyüke shei ngei ngongpathü hatü nanglakthü peü kü eteke: “Shembüpalei shemei nyupü yungshongthü lomi Babylon leipü leikahen” shei am kü shahshemi teteivanei epü thibüthülei shah tebang; mehenangkü jomi am kü shahshem enyüke.

JEREMIAH 28:3

Bong nyi mong kü Babylon ongpa Nebukadnezzarlei shem leipü yungshongthü ngei hapa shingei yah-ei leihen.

JEREMIAH 35:11

Shejao mechem Babylon ongpa Nebukadnezzari hapa kahdok neütükpa, hami, ‘Kei, jeni Babylon hatü Aram amei veshanthü kübü yanghen shingvaishi jen Jerusalemei daishah shei eteitü heih-ei ha Jerusalemei nyuei dainyüpeih’ ” shei eteke.

JEREMIAH 50:2

Jatthü kü etuh hatü baongtuh, khüamlung haongtuh hatü baongtuh, Ami nejo-i, “Babylon doteke! Bel kahvang veü dangteke, Marduk kahvang mong laaiyei nyüke, pinnyülei lajeithü veüpai hatü nyempai maei nyüke.”

JEREMIAH 51:44

Ngei Babylon leipü Bel kahvang kü hanghi shuohhen, hatü pinnyüi mehe lühtükpa ha bhaitükhühen. Jatthüi hajük kü pinnyü kü nekhümhen, Babylon amei bham laamdaiteke.

DANIEL 5:13

Hanangkü ongpa touei Daniel müei dei hatü ongpai büpa kü, “Nüngü ngelei opa, ongpai Judah leipü wüpküpei müei leipü Daniel je?” shei phe.

DANIEL 5:18

Oh Ongpa, Jaipüba Kahvangi ampa Nebukadnezzar kü ongching hean, longhiong leihen müknyinshekhang lemphü shuohpeih.

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

ZEKHARIAH 5:11

Büpai jangei, “Hapa shingvaishi phopshem hük vehen nangkü Shinarlei yah-ei dainyu khih, hatü mechem phopshem temhen, hapa mühdow kü khümhen shingvaishi halei shingnüngei tuhhen” shei ephüteke.

SHAHKÜP 32:30

Mekei bahüki haja hük kü neüaokpa, nevaijü pa nyi moni haja an mü hokaokpa? Hapayü jomei Yaongi jom tuhphongpü nangkü, hatü Shembüpai jom yaktükpü nangkü khihma.

SHAHPHENBÜTHÜ 2:14

Hanangkü Israel am khüei Shembüpa mongshih vam, hatü büpai jom aetpüshepü hatü gühpathülei lak kü shuohtük. Büpai jom ngeih-ei shonei nyupü vepathülei lak kü shuohtük, hatü jomi vepathü khüei nehokaok.

SHAHPHENBÜTHÜ 3:8

Hanangkü Shembüpai Israel am kü mongshih, hatü büpai jom Aram-Naharaim amei ongpa Kushan Rishathaimei lak kü shuoh, hatü Israel am büpalei lakmongei vangbong shet nyuteke.

SHAHPHENBÜTHÜ 4:2

Hanangkü Shembüpai jom Hazorlei vanglem lempü Kanan amei Jabin ongpalei lak kü shuoh. Büpalei veshan mübüyü Harosheth Haggoyimei nyupü Sisera nyuteke.

1 SAMUEL 5:2

Jomi hapa Kahvangei Vangpüshuwpü Pela koei leiyei Dagon kahvang khümshemei Dagon lajei touei haüshi tuh.