2 PETER 2:3 - DAÜLANGPÜ LAIHING (BSI)

³ Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

2 PETER 2:3 Iomraidhean Croise

JOB SHAHSHA APPÜ 6:27

Ammi hashihhathü shingvaishi phongyomhen, hatü küphü leipü yah-ei shemmei leihen.

MENVIH KESHO 18:44

Jomi ngei jung danhinüng, jomi ngelei shah bangnyüke; kung ami nyemei kheüyaki ngei touei peikünyüke.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

MENVIH KESHO 81:15

Shembüpa kü jiühitpüthü büpa kü aümei khümhen, hatü jom den kü mahdaihen.

ISAIAH 5:19

Jeni eehen shingvaishi Shembüpai dükhen shei epü douthü shülangi nyingshah shei epüthü onyükei!

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

ISAIAH 60:22

Peü mü maanpü phangi wong kohpü jat, hatü maanpü shemdepi jat longpü leihen. Ngeiyü Shembüpa; mechem hepak ngoihen, ngei lomi hapa dükhen.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

HABAKKUK 3:3

Kahvangü Teman leipü peikünyüke, Daülangpüba Paran Kahshang leipü peikünyüke. Büpa müknyinshekhangi vangshothü jümlangteke, hatü büpa menvih-i kahdoknyü mateke.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

MATHI 23:14

Akhümmong-üm shahkung nyuhbü hatü Phariseethü, onyükei! Mehenangkü ammi vaümnyülei shem bomei yahnyüke, hatü mih-i eehen shingvaishi luangi phopnyüke. Hanangkü am nyeinya mangpü hanghi danghen.

LUK SHAHSHA APPÜ 18:8

Ngei am kü enyeih, büpai shülangi jom kü shahhing shahphenhen. Mechem Shennyak Ha peihen, büpai kahdoknyülei hinglempü eehen je?”

LUK SHAHSHA APPÜ 20:20

Hanangkü jomi büpa kü mükhingshi vei, hatü hingshangpüthü keiha yawhdou shuohtü büpai epü shah kü mang yephen hatü jomi büpa governorlei wong kü lanei shuohhen gühshukpüthü shom.

LUK SHAHSHA APPÜ 22:47

Mechem büpa shah eyei nyupa, khongnyü longpü hük pei, hatü anpünyi khong kü hük, Judas shei menpü shennyaki jomphong müei pei. Büpai Jisu touei heih-ei büpa kü ju kü jüp,

JOHAN 2:16

Büpai athuba yupüthü kü, “Hatoueipü hathü dou yahlangtuh! Opalei shem amphongi bhei leihshing teleitük!” shei e.

ROM SHAHSHA APPÜ 16:18

Mehenangkü hapa keipü shennyakthüi jenei Shembüpa Khrista chongnephonyih, shejao jomei shünyü chongphonyeih, hatü inyainyemi epai hatü yawhshah-i lapja-i nyupüthü luhahnyeih.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

SHAHKÜP 32:35

Bhüh yempeyü ngelei, ngei hapa bhüh yemhen, Jom dodaihen hepak ngoikahen; Mehenangkü jom shangponghen nyih ngoikünyüke, jom dihen lomi peikünyüke.

1 THESALONIKA 2:5

Hami am touei yawhshah eshi nevaijü ham hahnempü jümtükhen shahmei eshi nepei shei ammi nyingei nyüke– Kahvangü hamei denbü.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

1 TIMOTI 3:8

Hapa keiha deaconthüao nyingnyoi meipü, shüpünyiükpü, yei nyi nekohpü, yiü neyingpü, lop kü nenempü,

1 TIMOTI 6:5

hatü sholi mongdang tendai, shahhing neshiüi düngei dokteikhaungkhei vamnyeih. Kahvang yempeyü mop danghen lem shei jomi deihnyüke.

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

TITUS 1:7

Mehenangkü attoi mübü hükü Kahvangei dou kü khei vaibü vaipü nangkü eela neshiüpü vaihen vongbong; büpayü changmeipü nevaijü mongshih lomi vampü nevaijü yiü chokteipü, nevaijü depülaopü hatü lop kü bampü nevaihen vongbong;

1 PETER 2:8

Shao lebü lai kü hapakei enyüke: “Jom huluh shuohhüpü yaong, hatü jom dohüpü yaongnyü-ü hapa hih.” Jom huluh shuohpeih; mehenangkü jomi ha shah nebang; jomi hapa dükhen demtükpü am nyuteke.

1 PETER 5:2

Am kü yomhen tuhpü Kahvangei mikhong kü veiyei haümtuh; hapayü kangeishungei nevai, shejao Kahvangi dükhahhüpükei monghumpai düktuh; lop kü kenei nevai, shejao chongphohüei chongphotuh.

2 PETER 1:16

Mechem hami ngan hatü jenei Shembüpa Jisu Khrista peipü am kü nyinghüpa, hami kon kohshi lingpü yimpilathü phei müei ne-e, shejao hamphongü büpalei müknyinshekhang müki eepü denbüthü hih.

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

JUD SHAHSHA APPÜ 1:11

Hathüyü Onyükei! Mehenangkü jomi Kainei lem kü kamnyüke; nanglei shingvaishi Balaami pungpü lem kü dainyüke, hatü Korah-i khüei yaongpü mang kü mahnyüke.

JUD SHAHSHA APPÜ 1:15

büpai Kahvang nenyingpü lem kü Kahvang nenyingpü dou dükpüthü peü kü, hatü Kahvang nenyingpü mangthüi büpa khüei epü shahlong peü kü shahphenhen.”

JUD SHAHSHA APPÜ 1:16

Ha shennyakthüyü nümnümpü hatü mih-ei mang yempüthü; jomi mangi vaüpü lem kü münyüke; jomi bom bhaopükei shah enyüke, hatü jom vangmeihen tata kü mih yawhlangnyüke.

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

JUD SHAHSHA APPÜ 1:7

Ha aihük mü Sodom, Gomorrah hatü shinpü chingnyüthüi mükbongjuyung hatü nyongnyongpü kü lanei shuohpeih. Jomü nedohnetenpü molo awi hanghipü lappü nyüpeih.