2 PETER 1:3 - DAÜLANGPÜ LAIHING (BSI)

³ Büpalei müknyinshekhang hatü meipai jen kü nyükpü büpa nyingpü homei yangnyu hatü Kahvang nyinghen shingvaishi napü lemphü büpalei ngan homei jen kü shuohteke.

2 PETER 1:3 Iomraidhean Croise

MENVIH KESHO 110:3

Daülangpü kahshangei nüngi nüngei veshanthü thepjulei deishingkü jom nyingi lanei shuohhen. Nepnüng dhom kübü nyien keiha nüngei nethe wong nyokei leikahen.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

KANDOK 12:4

Meipü shembünyü hükü bahalei hon athen, shejao veü koei leipü nyü-ü vang shepükei nyüke.

KANDOK 31:10

Kenhingpü nyüha üpai dangaokhen? Pinnyü-ü douvang yaong mao nyeinya meipüba.

KANDOK 31:29

“Nyüha longi nyümei dou düknyüke, shejao peü mü nüng-üng nyeipü khih” shei eshuohnyüke.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

ROM SHAHSHA APPÜ 9:24

Jenphongao büpai nyüklangpüthü, Jehoda am mon nevai, shejao Kung amao omshi jeyei nyüklangpüthü.

1 KORINT 1:9

Kahvangü shahhing; büpai laophülei Ha Jisu Khrista jenei Shembüpa mü mongjemhühen am kü nyükpeih.

2 KORINT 12:9

Shejao büpai ngei kü, “Ngelei phahji nüng shingvaishi changshi nyüpeih; mehenangkü ngelei wongü wong nekohpü kü changpüshapü leihünyeih” shei eteke. Hanangkü Khristalei ngan ngei kü nyuihen shingvaishi ngei wong nekohpü kü ngei nyeinya mongongshi changmeihen.

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

EPHESIA 4:4

Am nyükpü monglem hük kü nyükpü keiha büm hük hatü Laangha hük,

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

PHILIPPI 4:8

Shompülei, bampüthü, mepa shahhing, mepa dhüm kohbenüng, mepa jiüshangpü, mepa daülangpü, mepa bamhübenüng, mepa menvihbenüng nyu, meibenüng nevaijü menvih shuohbenüng lemhük dangkao nyuküjema, henüng keipü douthü deih-ei dangtuh.

KOLOSI 1:16

Mehenangkü büpa kü vangsho hatü kahdoknyü kübü müki eepü, hatü müki ne-eepü dou peü ling: Ong uoshing vaijao, vanglem lempü vaijao nevaijü vanglem lempüthü nevaijü yemya yapüthü vaijao dou peü büpa homei ling, hatü büpa shing ling.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

1 THESALONIKA 4:7

Mehenangkü Kahvangi jenphongü nedaünelangpü kü nevai, shejao daülangpü yangnyu nyuhen nyükpeih.

2 THESALONIKA 2:14

Hapa nangkü ammi jenei Shembüpa Jisu Khristalei müknyinshekhang yahhen shingvaishi hami venpü shahjangmei homei büpai am nyükpeih.

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

1 PETER 1:15

Haleimü am kü nyükpüba daülangi nyupü keiha ammei dükhiling peü kü am daülangi nyutuh;

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

1 PETER 2:21

Ha shingvaishi amphong nyükpeih; mehenangkü Khrista am shing shangpong; amphongi büpalei mien dhaümhen shingvaishi am kü lappü hük tuh-ei nyüke.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 PETER 3:9

Ammi ten kü ten, thaüvaü kü thaüvaü tekhangtei, shejao ha nang jeiyei moihimaneishuoh. Moihiman mükjüp danghen tata kü amphong nyükpeih.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

2 PETER 1:10

Hanangkü jeihinaü nyahinaüthü, nyeinya vaishi am kü nyükpü hatü jepü lekhen kentuh; ammi ha dükjema am huluh neshuohpih.

2 PETER 1:2

Kahvang hatü Jisu jenei Shembüpa nyingpü kü changpüshapü phahji hatü chingmei ammei vaituh.

2 PETER 1:5

Ha tata kü am hinglempü kü meipü ühen kentuh, hatü meipü mü nyingpü,

2 PETER 1:6

hatü nyingpü mü ungeiaeipü, ungeiaeipü mü nenteiaokpü, nenteiaokpü mü Kahvang nyingpü;

2 PETER 1:8

Mehenangkü hathü meipü ammei vaihüjema hatü am mü nyeinya dahüjema, hathüi jenei Shembüpa Jisu Khrista nyingpü kü am wong nekoh-i hatü betjük nejüki neleihühen.

2 PETER 2:20

Jenei Shembüpa hatü Yemleipü Jisu Khrista nyingpü homei kahdoknyülei ten kübü yangpheikü, jomi shao ha kü manei neühahjema, shongpü laphen meyü jomphongü dohpülei-üng nemeipüba nyunyeih.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

RUTH 3:11

Hanangkü, lamei, nüng mongteshang; nüngi mehe nanya, ngei peü dükphahen; mehenangkü hapa jila kü nyupü küphüanaü peüi nüngü nyümeihama shei nyingei nyüke.