2 JOHAN 1:3 - DAÜLANGPÜ LAIHING (BSI)

³ Jen touei Opa Kahvang hatü Shembüpa Jisu Khrista, Palei Ha shahhing hatü bampü kü phahji, yahyang hatü chingmeivangmei jen mü nyemnyuma.

2 JOHAN 1:3 Iomraidhean Croise

ZEKHARIAH 8:19

Jeiyong Shembüpai hapakei enyüke: “Len alipabü, ngapabü, nyetpabü hatü anpabü shüaeiyunglepeyü Judah am shingvaishi mongongbenüng hepak hatü mongongpü mohitap vaikahen. Hanangkü shahhing hatü chingmeivangmei kü bamtuh.”

ROM SHAHSHA APPÜ 1:7

Kahvangi bampü hatü daülangpüthü vaihen nyüklangpü Romei nyupüthü peü touei: Jenei Pa Kahvang hatü Shembüpa Jisu Khrista leipü phahji hatü chingmei am mü nyute.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

1 TIMOTI 1:14

Khrista Jisu kü nyupü bampü hatü hinglempü mü jenei Shembüpalei phahji ngei kü changshi khüpphopeih.

1 TIMOTI 1:2

Vaipü kü ngelei mong hahpü hapeü Timoti touei: Pa Kahvang hatü jenei Shembüpa Khrista Jisu leipü phahji, yahyang hatü chingmei nyute.

2 TIMOTI 1:13

Khrista Jisu kü nyupü hinglempü hatü bampü mü nüngi mepa ngei leipü nyuhpüvenpü meipü dantepa, ha kü wongshongi shoungtuh.

1 JOHAN 4:10

Hapa bampü kü, jeni Kahvang kü bampü nevai, shejao büpai jen kü bampeih, hatü jenei mang shing mang tükhen moila shuohhen nangkü büpai laophülei Halom shompeih.

2 JOHAN 1:1

Behe leipü jelangpü nyüha hatü pinnyülei hapeüthü touei: Am kü ngei hatü ngei mon nevai shahhing nyingpüthü peüi shahhing kü bamnyeih;