1 SAMUEL 7:3 - DAÜLANGPÜ LAIHING (BSI)

³ Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

1 SAMUEL 7:3 Iomraidhean Croise

KAHBHAO 35:2

Hanangkü Jakobi büpa mü nyupü shem am peü kü, “Am mü nyupü kung amei kahvang peü yaktüktuh hatü am nyingi daütüktuh hatü ashakviha jeituh,

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.

1 ONGPATHÜ 8:48

hatü jom wüpküpei deipü vepa kahdokei jomei mong hatü laangha kempai lepjema, hatü nüngi chebü chepa kü shuohpü kahdok, nüngi jepü chingnyü, hatü nüngei men kü ngei vepü shem philei meetü phopjema,

2 ONGPATHÜ 17:39

Shejao ammi Shembüpa, ammei Kahvang kü mon khümtuh; büpai ammei vepathülei lak kübü yangphahen” shei shahkungnyü shuohteke.

2 ONGPATHÜ 23:15

Nebatei cheha Jeroboami Bethelei lingpü moidü, mepa homei Israel am mang thahhü, büpai hapayao bentük. Büpai vaümchongthü awi haptük hatü khih mü nihtük hatü Asherah kahvangao aw kü jaktük.

1 SHÜPPÜKENGPÜ 22:19

Shaang, ammei mongdang, laangha kempai Shembüpa, ammei Kahvang yemtuh. Ammi Shembüpalei Vangpüshuwpü Pela koei leihen hatü Shembüpalei men kü vehen phopshemei Kahvangei daülangpü douhinangthü leiyei tuhhen shingvaishi daülangpü shem vehen chongpangtuh” shei e.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 SHÜPPÜKENGPÜ 19:3

Shejoongpa nüng kü meipü hük nyupeyü nüngi kahdok kübü Asherah kahvang lajeithü yaktük, hatü nüngei mongdangi Kahvang yempü ha khih” shei e.

2 SHÜPPÜKENGPÜ 20:33

Shejoong, vaümchongthü nemangtük; hatü nanglakthüi chebü chepalei Kahvang kü jomei mong lanei neshuoh.

2 SHÜPPÜKENGPÜ 30:19

Üamei mongdangi Kahvang, chebü chepalei Shembüpa Kahvang yemnya, vanglem kü jiüpükei daüeilangei nedükjao mang tükshih.”

KANDOK 16:1

Hangkui mongei küpjan temnyüpeih, shejao hapa kü jangpeyü SHEMBÜPAleipü peinyüpeih.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

JEREMIAH 24:7

“Ngeiyü Shembüpa khih” shei nyinghen mongdang ngei jom kü shuohhen. Jomü ngelei nanglak, hatü ngeiyü jomei Kahvang; mehenangkü jomei mongdang kempai ngei touei mong lepei leihen.

JEREMIAH 36:3

Üpai nyingpa, mechem Judah ami ngei jom kü shuohhen shei tempü shanghah jung danhenshang, jom peüi jomei mang lemthü kübü mong lephen aokpeih; hapakei vaijema ngei jomei mang hatü jomi shaitükpü mang peü tükhen.”

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

EZEKIEL 14:6

Hanangkü Shembüpai hapakei enyüke shei Israel am phang kü eyeishuoh: “Mong leptuh hatü lajeithü leipü lepei leidaikei; jiühitnalaipü douthü peü yakphongtuh!”

EZEKIEL 18:31

Ammi thahpü mangthü peü yaktüktuh, hatü mongdang ja hatü laangha ja yahhahtuh. Am mehekei dihenang, Oh Israel am phang?

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

MATHI 15:8

“Hathü shennyakthüi jomei ju-i mon ngei kü dhüm hunyüke, shejao jomei mongdang ngei toueipü taishi lüdaiteke;

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

MATHI 6:24

Üpaiyao shembü nyi chongphonüng neaok; mehenangkü aa hüki shembü hük kü jiühithen hatü hük kü bamhen, nevaijü shembü hük kü lanei shuohhen, hük ne-ienelemi yakphonghen. Nüngi Kahvang hatü mop nyi chemi chongphonüng neaok.

LUK SHAHSHA APPÜ 4:8

Jisui büpa kü, “Ha nyangei nyüke: Shembüpa, nüngei Kahvang kü mon khümtuh, hatü büpa mon chongphotuh” shei jangei e.

JOHAN 4:24

Kahvangü laangha, hatü büpa kü khümpüthüi laangha kü, hatü shahhing kü khümhen vongbong.”

SHAHKÜP 10:20

Shembüpa, ammei Kahvang kü nyemtuh hatü büpa chongphotuh. Büpa kü wongshongi shongtuh hatü büpalei men vihtuh.

SHAHKÜP 13:4

Ammi Shembüpa, ammei Kahvang phei mon mütuh, hatü büpa kü dhüm shuohtuh; büpalei shahkungthü düktuh hatü ven bangtuh; büpa chongphotuh hatü hinglemtuh.

SHAHKÜP 4:29

Shejao ammi halei Shembüpa, ammei Kahvang kü veijema, hatü ammei mong kempai büpa yemjema, ammi büpa danghen.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

JOSHUA 13:31

Gilead kahdok hükkeishing hatü Ashtaroth hatü Edrei, Bashan kü Og ongpalei ongchingthü kemei omei shuoh. Hathüyü Manassehlei cheha Makirlei hühihathü, Makir kü phaakpü hühihathü phang kü hanpü mükjüp nyuteke.

JOSHUA 24:14

“Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.

JOSHUA 24:23

Joshua-i, “Shejema shaangüng am toueipü kung amei kahvangthü yaktüktuh, hatü Shembüpa, Israel amei Kahvang kü ammei mongdang shuohtuh” shei e.

SHAHPHENBÜTHÜ 10:16

Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

SHAHPHENBÜTHÜ 2:11

Hahepak kü Israel ami Shembüpa touei mang thah, hatü Baal kahvang chongphoteke.

SHAHPHENBÜTHÜ 2:13

Jomi Shembüpa yakphong, hatü Baal kahvang hatü Astartes kahvang khümei chongphoteke.

1 SAMUEL 31:10

Hatü jomi büpalei vehok ow Artarte kahvang khümshemei tuh, hatü jomi büpalei büm Beth-Shean chingnyü bhamba kü sheüshi tuh.