1 SAMUEL 4:3 - DAÜLANGPÜ LAIHING (BSI)

³ Mechem veshanthü baümtapei leijapa, Israel am behethüi, “Mehekei shinnyih Shembüpai jen kü Philistia ami-ang aokhüpa yo? Hanangkü jeni Shiloh leipü Shembüpalei Vangpüshuwpü Pela yah-ei leishah, shejüang büpa jen mü omshi daikahen hatü vepathülei lak kübü jen yangphahen” shei e.

1 SAMUEL 4:3 Iomraidhean Croise

2 SAMUEL 15:25

Hapheikü ongpai Zadok kü, “Kahvangei Vangpüshuwpü Pela chingnyülei leiyei tuhphongtuh. Shembüpai ngei kü phahjiei deihjema, büpai ngei shao halei müei leihen, hatü ngei hapa Pela hatü büpalei nyushing eehühen.

1 SHÜPPÜKENGPÜ 17:1

Davidi büpalei ongshemei uopheikü büpai Nathan thibü kü, “Shembüpalei Vangpüshuwpü Pela ashakshem hükei tuhphongtü ngeiyü cedar püi vepü ongshemei nyunyu khih” shei e.

MENVIH KESHO 74:1

Oh Kahvang, mehekei ham hapakei düngei yakphongnya? Mehekei nüngi haümhahpü mi kü nüngei mongshih awshit vamhünya?

MENVIH KESHO 74:11

Mehekei nüngi nüngei lak temlangnya? mehekei nüngei lak leilangnya?

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

ISAIAH 58:3

“Shembüpai neveiyaki mehekei jen shüaeiyunglehen? Büpai nenyingyaki mehekei jen nük nehah-i nyuhen?” shei jomi enyüke. Veituh, am shüaeiyunglepü nyih ammi lümbenüng mon düknyüke, hatü ammei dou dükbüthü kü shüveinyüke.

ISAIAH 59:1

Hingmei, am yanghen shingvaishi Shembüpalei lak shohloh-i neshiü, nevaijü danhen büpalei dhaong hüei neshiü.

ISAIAH 59:2

Shejao ammi phoppü büpai nedanhen mü ammei mangi am Kahvang toueipü yandaipeih, hatü am pungpü homei büpalei dhe am toueipü jodaipeih.

JEREMIAH 3:16

Hathü nyih kü mechem am daeisheyei, angeideiyei leihen, nanglakthüi “Vangpüshuwpü Shahkungnyü Pela” shei ne-ehen; jomi ha deih-ao nedeih-i bedaihen, hatü shao lebü ja nelinghen.

JEREMIAH 7:4

‘Hapayü Shembüpalei shem, Shembüpalei shem, Shembüpalei shem’ shei lueilempü shahthü kü hingtelem.”

BHEI-IE 10:33

Hanangkü jomi Shembüpalei daülangpü Sinai Kahshang kübü layaongei nyih jem thahshi dai. Jom metouei yaongei baümtap vehen, shing yemhen shingvaishi Shembüpalei Vangpüshuwpü Pela jom shekü daiteke.

BHEI-IE 10:35

Mechem Vangpüshuwpü Pela paiyei layaongpa, Mosai eteke: “Layaongtuh, Oh Shembüpa! nüngei vepathü yantüktuh; Nüngei vepathü nüng tou kübü nyaitükhütuh.”

BHEI-IE 31:6

Mosai Eleazar ngongpalei chepa Phinehas, üpai daülangpü shing leipü amit vüngei shah baonghen dousho yahpa, büpa mütü jom vehokei shom.

SHAHKÜP 29:24

Mih jatthü peüi, “Mehekei Shembüpai hapa kahdok kü hapakei dükshuohpa? Mehe tata kü hapakei mongshihpa yo?” shei pheteihen,

SHAHKÜP 31:26

Hapa shahkungnyü laitap yahtuh hatü Shembüpa, ammei Kahvangei Vangpüshuwpü Pela touei haütuh. Hatouei hapayü am khüei denpü hük nyuhen.

2 TIMOTI 3:5

shakdoki Kahvang nyingnyu kei shejao hingshangpü büpalei ngan yaktükpüthü vamkahen. Hathü kübü khaatei nyutuh.

HEBREW 9:4

Hapa mongei ayingshü jakhen hon moidü hatü Vangpüshuwpü Pela kü shing peü lemei honi jümtü halei hondük kü manna shihtü, hatü Aaronei lenshuoh kü nien vamei hatü vangpüshuwpü yaongshungthü nyuteke.

JOSHUA 4:7

ammi jom kü, ‘Shembüpalei Vangpüshuwpü Pela yungdang homshingkü Jordan yung nesha-i yaongdaipeih’ shei eyeishuoh. Ha yaongthüyü Israel am kü denden deih-ei danghen shingvaishi nyukahen” shei eteke.

JOSHUA 6:6

Hanangkü Nunei cheha Joshua-i ngongpathü nyükei jomphong kü, “Amphongi Shembüpalei Vangpüshuwpü Pela paituh, hatü ngongpa nyeti amit nyet notü hapa shekü kamhütuh” shei eteke,

JOSHUA 7:7

Hatü Joshua-i, “Oh Shembüpa Kahvang, mehekei nüngi ha nanglakthü Jordan yung homei Amor ami jütükhen shingvaishi jomei lak kü shuohhen müei deipa? Jordan yungdangei nyudailangmeyü meihah shepeih!

JOSHUA 7:8

Oh Shembüpa, Israel amü vepathü kü nyemei nyaiyei leiyei nyüke; ngei mehe ehenang?

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

JUD SHAHSHA APPÜ 1:5

Shembüpai denshing chem mon laophülei nanglak Ijip leipü yangei lei, shejao hingnelempüthü mahtükpü jung ammi meishi nyingei nyujao ha deihhen leiyei ehünyüke.

1 SAMUEL 1:24

Pinnyüi naü jungei longpheikü naü yah-ei bong jem lompü mohoh chebaong hük, atta dok an, hatü yiü aüm hük yah-ei Shilohlei Shembüpalei shemei aong, hatü naü-ü longi hashih mü nyuteke.

1 SAMUEL 14:18

Sauli Ahijah kü, “Kahvangei Vangpüshuwpü Pela halei deikei” shei e. Hahepak kü hapayü Israel am mü shiüteke.

1 SAMUEL 4:2

Philistia ami Israel am khüei thepju kü yaonghen veshanthü show kü uoteke, hatü hokei heihshingkü Philistia ami Israel am kü neü, hatü thep pongshingei shennyak haja ali thahshi mah.