1 SAMUEL 2:3 - DAÜLANGPÜ LAIHING (BSI)

³ Hajük ahshi changmei shah te-e; nüngei ju kübü changmei shah tevamhü; Mehenangkü Shembüpayü kihikon Kahvang, hatü büpai dükpü douthü peü doknyüpeih.

1 SAMUEL 2:3 Iomraidhean Croise

1 ONGPATHÜ 8:39

nüng nyushing vangsho leipü nüngi bangtuh, hatü mang tüktü dou düktuh. Shennyak ieyei mü büpai dükpü aimü dükeishuoh; mehenangkü nüngi büpalei mong nyingei nyüke, nüngi mon hangkulei mongdangei mehe nyu, ha nyingei nyüke.

JOB SHAHSHA APPÜ 31:6

Kahvangi ngei jiüpü dok kü nyemdokpha, shejüang büpai ngeiyü shahhing kü nyüke shei nyinghen.

MENVIH KESHO 147:5

Longpübayü jenei Shembüpa, hatü ngan kü changpüshapü nyüke; büpalei kihikonü neshet-aoki nyüke.

MENVIH KESHO 17:10

Shinshanghen jomei mongdang küplang, jomei ju-i changmei shah enyüke.

MENVIH KESHO 31:18

Daülangpüthü khüei changmeipai nyonghüei shahshem epüthülei ju nentükhütuh.

MENVIH KESHO 44:21

hamei mongdang leipü shahjo nyingpü Kahvangi ha nenyinghen je?

MENVIH KESHO 75:5

“am nyingei ngamshah longi te-e nevaijü shahlong te-e” shei enyeih.

MENVIH KESHO 94:4

Jomi changmeipü shah enyüke; shennyaktenthüi changmeinyüke.

KANDOK 16:2

Peüi laophülei lemthüyü jiüpeih shei mon deihnyüpeih, shejao Shembüpai mongdeih doknyüpeih.

KANDOK 24:12

“Hami ha nang nenyingangpih” shei nüngi ejema, mongdang dokpü Kahvangi hapa ne-eehen je? Nüngei yangnyu yompübai ha nenyinghen je? Shennyak peü kü laophüi dükpü aimü neshuohhen je?

KANDOK 8:13

Shembüpa nyempeyü mang kü jiühitpü; ngei changmeipü, mang lem, hatü shahshem epü jiühitnyeih.

ISAIAH 26:7

Daülangpüthülei lemü lemnyeü meishi, hatü hingshangpüthülei lemü nyülüki nyüke.

ISAIAH 37:23

Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

EZEKIEL 35:13

“Ajükiyao neyingi ammi ngei khüei changmei shah epeih, hatü ha ngei dantepih.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

DANIEL 5:27

Tekel: Nüng dok kü dokteke, shejao dok ne-aongang.

MALAKI 3:13

Ammi ngei khüei shahlong eteke shei Shembüpai enyüke. Shejao, “Hami nüng khüei mekei shahlong epa?” shei ammi enyüke.

HEBREW 4:12

Kahvangei shah-ü yem hatü dou düknyüke, nah nyi kohpü yanlu mao nahpüba, yembüm hatü laangha, vangbaong hatü vangni baong hanei peiyei shüaokpü; mongdangei deihpü hatü lepü shahphenaokpü nyüke.

JOSHUA 22:22

“Jeiyongpayü Kahvang! Büpayü Shembüpa! Jeiyongpayü Kahvang hih! Büpayü Shembüpa! Hami mekei dükpa, ha büpai nyingnyeih, hatü ammiyao ha nyingtuh. Hapayü khüei nevaijü Shembüpa kü hingnelemi dükpü vaijema, shinnyih ammi ham yemmü tetuhphong.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

SHAHPHENBÜTHÜ 9:38

Hahepak kü Zebuli büpa kü, “Jeni mehekei Abimelekh chongphohen shei shahlong etükpü ju shaang melei daipa? Nüngi naamshi deihpü veshanthü nevaiang je? Vamei daiyei jom mü hoktuh” shei eteke.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”