1 PETER 5:3 - DAÜLANGPÜ LAIHING (BSI)

³ Am phangkü nyupüthü shak kü am shembü telei, shejao mithü touei lappü meipü leituh.

1 PETER 5:3 Iomraidhean Croise

MENVIH KESHO 33:12

Kahvangü üam jatei Shembüpa nyu, hatü büpai laophülei mükjüp vaihen jepü nanglakü moihimanpü!

MENVIH KESHO 74:2

Nüngi shelei jeyei tuhpü nanglakthü, nüngei mükjüp vaihen nüngi angei leipüthü deih-ei dangtuh. Nüng peiyei nyupü Zion Kahshang deih-ei dangtuh.

EZEKIEL 34:4

ammi wong nekohpüthü kü wong koh-ei neleihü, tüngpü kü nejung, maju nethüng, paüeiyonei lüdaipüthü müei nelei, mahdaipüthü neyem, shejao kangeishungei loh-ei mangei jom shak kü vanglem lemteke.

MIKA 7:14

Nüngei lenshuoh-i nüngei nanglak mithü, nüngei mükjüp mi khong haümtuh. Jom yingnyü yingmongei paüeiyonei lüdaijao, jom shonei phenha vunglak nyüke. Peihdaipü aivang nyih kü keiha, jomphong Bashan hatü Gilead phenni üh-ei haümtuh.

BHEI-IE 18:7

Shejao nüng hatü anhapeüthüi mon ngongpa kei moidü hatü Longi Daülangpü Shingei chongphohen. Ngei nüng kü thintho hük vaishi hapa ngongdou shuohpeih. Üpai daülangpü douhinang yopailei heihhenshang dihen” shei eteke.

JOHAN 13:15

Mehenangkü ngei amphong kü lappü hük, ngei dükpü keiha amphongiyao düktuh shei shuohnyeih.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

1 KORINT 11:11

Shejoongpa Shembüpa kü nyüha hük baha neomi nenyu, hatü baha hük nyüha neomi nenyu.

1 KORINT 3:5

Shejema Apollos meheang? Paul meheang? Henjiphen Shembüpai dou dükhen shuohpü am hinglempü lemei müpü chongphobü nyi mon.

1 KORINT 3:9

Mehenangkü henjiyü chemi dou dükpü Kahvang chongphobü nyi; amphongü Kahvangei kah, Kahvangei shem.

2 KORINT 1:24

Hapayü hami am hinglempü shak kü shembü vaihen nangkü nevai, shejao am vaipü kü wongshongi yaongpü nangkü am mongonghen shingvaishi hamü am mü chemi dou dükbüthü hih.

2 KORINT 4:5

Mehenangkü hami laophü jung nebaongnyih; hami Jisu Khristayü Shembüpa, hatü hamü Jisulei men kü ammei aathü shei baongnyeih.

SHAHKÜP 32:9

Mehenangkü Shembüpalei heanü büpalei nanglakthü nyüke; Jakobü büpalei mükjüp nyüke.

PHILIPPI 3:17

Jeihinaü hatü nyahinaüthü, ngei kü veiyei ngei kapituh, hatü hami am kü epü yangnyu lappükei nyupüthü kü veituh.

PHILIPPI 4:9

Ammi nyingpü, yahpü hatü danpü hatü ngei kü eepü douthü dükei nyutuh, hatü chingmei Kahvang am mü nyukahen.

1 THESALONIKA 1:7

Hanangkü amü Macedonia hatü Akhaia kü vaipüthü peü touei lappü meipü leiteke.

2 THESALONIKA 3:9

Hami ha dükpeyü hami henüng keipü sheühpü yahhen jiüpü nevai shei nevai, shejao ammi mühen shingvaishi hami lappü hük leihen nangkü dükpeih.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

TITUS 2:7

Doumei peü kü nüng nyingi lappü meipü hutuh, hatü nüngi nyuhpü kü shahhing, hatü mih yepei leiaokhen mü nyuhtuh,

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.