1 PETER 5:2 - DAÜLANGPÜ LAIHING (BSI)

² Am kü yomhen tuhpü Kahvangei mikhong kü veiyei haümtuh; hapayü kangeishungei nevai, shejao Kahvangi dükhahhüpükei monghumpai düktuh; lop kü kenei nevai, shejao chongphohüei chongphotuh.

1 PETER 5:2 Iomraidhean Croise

2 ONGPATHÜ 12:6

Shejao Joash-i vanglem lempü bong hapüjem ngoidaijao ngongpathüi phopshem mangdaipü neling.

SOLOMONEI KESHO 1:8

Nyühathü khongkü peü mü nela meipü nüngi nenyingjema, mithülei lameen dhaümei daituh, hatü mi yombüthülei ashakshem yopailei nüngei yum chehathü kü het ühhütuh.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

ISAIAH 6:8

Shembüpai, “Ngei üpa shomhen, hatü ngei shingvaishi üpa daihenang?” shei epü ngeü ngei dan, Hatü ngei eteke, “Ngei hammü nyüpeih; ngei shomtuh.”

ISAIAH 63:11

Hahepak kü jomphongi Shembüpalei chongphobü Mosalei nyih deih-ei dang, hatü jomi, “Laophülei mi yombüthü mü hathü yungching leipü yangpübamelei nyüpa? Jomphong kü laophülei Laangha Daülangpü shuohpü melei nyüpa?

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 13:20

Ngangei veituh, hatü apshaphi leipü peiküpüthü kü veituh. Nüng kü shuohpü nethe meipü mithü melei daipa?

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

EZEKIEL 34:23

Ngei jom shak kü mi yombü hük, ngei chongphobü David tuhhen, büpai jom kü ühyinghen hatü büpa jomei mi yombü vaihen.

EZEKIEL 34:31

Amphongü ngelei mithü, hatü ngelei thüngkon shangei üh-ei haümpü mithü, hatü ngeiyü ammei Kahvang shei Shembüpa Kahvangi enyüke.

EZEKIEL 46:24

Hahepak kü büpai ngei kü, “Hapayü nanglakthüi shuohpü moila phopshemei chongphopüthüi cheühen shing hih” shei ngei kü ephüteke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MIKA 5:4

Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

MIKA 7:14

Nüngei lenshuoh-i nüngei nanglak mithü, nüngei mükjüp mi khong haümtuh. Jom yingnyü yingmongei paüeiyonei lüdaijao, jom shonei phenha vunglak nyüke. Peihdaipü aivang nyih kü keiha, jomphong Bashan hatü Gilead phenni üh-ei haümtuh.

ZEKHARIAH 11:17

Oh mithü yakphongpü aung neleipü mi yombü onyükei! Yanlui büpalei bhagchong, hatü mük lakdahphi kü baphütuh! Büpalei bhagchong juwtüktuh, büpalei mükdah chemjalak kü phüngtüktuh.”

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

BHEI-IE 18:7

Shejao nüng hatü anhapeüthüi mon ngongpa kei moidü hatü Longi Daülangpü Shingei chongphohen. Ngei nüng kü thintho hük vaishi hapa ngongdou shuohpeih. Üpai daülangpü douhinang yopailei heihhenshang dihen” shei eteke.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

PHONGSHANTHÜ DOU 20:29

Ngei leidaipheikü mi aoei netuh-i hahtükhen mangpü shuw am touei peikahen shei ngei nyingnyüke.

PHONGSHANTHÜ DOU 21:13

Hahepak kü Pauli, “Mehekei am thepnya hatü ngelei mongdang manghünya? Ngeiyü yepei shahahhen mon nevai, shejao Shembüpa Jisulei men kü Jerusalemei dihenao temei nyüpeih” shei jangei e.

ROM SHAHSHA APPÜ 1:15

Hanangkü am Romei nyupüthü kao hapa shahjangmei chongvenhen longi nyakeikenei deihnyeih.

1 KORINT 9:7

Üpai laophülei lop tükei veshan dou düknya? Üpai nyalingngupai sheitü haleipü betjük nehah-i nyunya? Nevaijü üpai mi haümtü haleipü amma neyingi nyunya?

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

1 TIMOTI 3:8

Hapa keiha deaconthüao nyingnyoi meipü, shüpünyiükpü, yei nyi nekohpü, yiü neyingpü, lop kü nenempü,

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

TITUS 1:7

Mehenangkü attoi mübü hükü Kahvangei dou kü khei vaibü vaipü nangkü eela neshiüpü vaihen vongbong; büpayü changmeipü nevaijü mongshih lomi vampü nevaijü yiü chokteipü, nevaijü depülaopü hatü lop kü bampü nevaihen vongbong;

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

TITUS 3:1

Nanglakthü kü vanglem lempü hatü wong nopüthü phangkü nyuhen, ven danhen, doumei lemphü tempülempü nyuhen,

PHILEMON 1:14

shejao nüngi bampü doumei dük, hayü kangeishongei nevai shejao nüngei mong kübü vampü vaihen nangkü ngei nüngi nemongpü kü meheyao nedükhü.

HEBREW 12:15

Üpaiyao Kahvang phahji nedangi nenyuhen, hatü shanghah vamhen mü hatü longi nesheihhen mü shahyakpü tünglang nevamhühen yomtuh.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.