1 PETER 3:4 - DAÜLANGPÜ LAIHING (BSI)

⁴ Haleimeyü, ammei owhiaiyü mongpa leipü vampü inyainyempü hatü nenaokpü laangha den kü nyuhen dhemeilaüma, mepa Kahvang touei douvang nyüpa, ha nyuhütuh.

1 PETER 3:4 Iomraidhean Croise

MENVIH KESHO 131:2

Shejao ngelei laangha nenmü nyüpeih; naüja hük nyüei lakei nyupükei ngelei laangha nenmü nyüpeih.

MENVIH KESHO 147:6

Shembüpai phangpalei nyupüthü phuknyeih; büpai nemeipüthü kahdokei shüktüknyeih.

MENVIH KESHO 149:4

Mehenangkü Shembüpai laophülei nanglak kü monghahnyeih; büpai maanpü leipüthü aokpü danghünyeih.

MENVIH KESHO 25:9

Büpai maanpü leipüthü jiüpü kü mülangnyeih, hatü büpalei lemthü nyuhnyeih.

MENVIH KESHO 45:13

Onglanyüyü ongshemeinela longi meishi nyüke; pinnyülei bhagthuh-ü honi thüngtü nyüke.

MENVIH KESHO 51:6

Hingmei nüngi mongei shahhing nyupü ha lümnyüke; hanangkü ngelei mongdang mongpalei nüngei kihikonnyuhshih.

ISAIAH 11:4

shejao taopathü kü daülangshemshepai, hatü kahdoknyü kü nehahneyingpüthü kü shahhingi shahphenhen. Büpai büpalei ju kübü nyiamlüngi kahdoknyü kü bheihen, hatü büpalei ju kübü ngüi nemeipüthü jütükhen.

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

JEREMIAH 51:59

Judah kü Zedekiah ongpai vanglem lempü bong alipabü kü büpa mü Babylonei chemi heihpü Mahseiahlei cheha Neriah, Neriahlei cheha Seraiah lakchongbü kü Jeremiah-i shuohpü shahjang.

MATHI 11:29

Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

MATHI 21:5

“Zion nela kü etuh, Veituh, ammei ong am touei, nenteiaokpai gadu dok shangkü, gadu cheha kü uotü peikünyüke.”

MATHI 23:26

Am mükphüngpü Phariseethü! Shongei nükshung pati mong shong vaütüktuh; shejüang shakdokao daüdaihen.

MATHI 5:5

Nenteiaokpüthü moihiman; mehenangkü jomi kahdoknyü mükjüp danghen.

LUK SHAHSHA APPÜ 11:40

Amphong ngapathü! Shakdok lingpübai mongao nelingangpü je?

LUK SHAHSHA APPÜ 16:15

Hanangkü büpai jomphong kü, “Ammi laophü nyingi mih touei dahshaknyüke, shejao Kahvangi ammei mong nyingnyeih; mehenangkü hangkui mehe douvang shei deih, hayü Kahvang touei jiühitbenüng” shei e.

ROM SHAHSHA APPÜ 1:23

hatü mechemao nedipü Kahvang müknyinshekhang hangku lepü nevaijü ouhiyüh nevaijü yemhimak nevaijü biühimakthülei lajeithü lepü kü jeiteinyüke.

ROM SHAHSHA APPÜ 2:29

Halangmao üpai monglei nyu büpayü hingmeipü Jehoda am, hatü hingshangi japtükpeyü mongdangei shahhidou; hapayü nyingnyoi dou nevai laangha dou. Hapa keipü shennyakü mih leipü nevai Kahvang leipü dupü-oupü dangnyeih.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

ROM SHAHSHA APPÜ 7:22

Mehenangkü ngelei mong mongpalei ngei Kahvangei shahkung kü mongmeinyeih,

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

2 KORINT 4:16

Hanangkü hami mong nelainyih. Hamei shakdok büm viüei wong nekohjao hamei mongpa laanghayü nyihjeih ja leinyüpeih.

GALATIA 5:23

inyainyempü hatü laophü nying ungei-aeipü. Hapa keipü douthü khüei shahkungnyü neshiü.

EPHESIA 4:2

Nenteiaokpü, inyainyempü hatü peü munenpai bampü kü hüki hük mü nenteituh,

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

KOLOSI 3:3

mehenangkü am diteke, hatü ammei yangnyu-ü Khrista mü Kahvang kü joshi nyüke.

1 THESALONIKA 4:11

Nenmü nyuhen kentuh, laophülei dousho kü mong shuohtuh, hatü hami am kü epükei laophülei laki dou düktuh,

2 THESALONIKA 3:12

Hapa keipü shennyakthüi chongkhenei nyutuh hatü jomei shünyü langei nyutuh shei Shembüpa Jisu Khrista kü hami shahkung shuoh-ei enyeih.

1 TIMOTI 2:2

ongthü hatü laphen dok kü vanglem lempüthü shing nyutuh, shejüang jeni Kahvang nyingpü hatü dhüm kohpü kü nenmü hatü chingmei yangnyu nyuaokhen shei ngei nüng kü kangnyeih.

2 TIMOTI 2:25

laophü kü khüpüthü kü inyainyemi yeanpü shuohaokpü vaihen vongbong. Üpai nying, jom mong lepei shahhing nyingei leihen Kahvangi shuohhen aok,

TITUS 3:2

üpa kao ten ne-ehen, depülaopü nenyuhen, inyainyemi nyuhen, hatü peü touei nenteiaokpü huhen eyeishuoh.

JAKOB 1:21

Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

1 PETER 3:15

shejao ammei mongei Khristayü Shembüpa shei deihtuh. Nüng kü nyupü monglem nangkü hanei ami nüng kü nih-ei ehen phephüjema, düngei shahnyok shuohhen temtüktü nyutuh.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”