1 PETER 2:9 - DAÜLANGPÜ LAIHING (BSI)

⁹ Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

1 PETER 2:9 Iomraidhean Croise

MENVIH KESHO 106:5

Nüngi jelangpü nanglakthü dapüshepü ngei eehütuh; nüngei jat mongongpü kü ngeiyao mongonghütuh; nüngei mükjüp yahpü ami menvih shuohpü kü ngeiyao omhütuh.

MENVIH KESHO 118:27

Shembüpayü Kahvang, büpai jen kü vangngai shuohteke. Phenhavunglak bhagei notü mohitap pangei moidü shinei daituh.

MENVIH KESHO 135:4

Mehenangkü Shembüpai Jakobü laophü shing, hatü Israelü büpalei lompü vaishi jelangteke.

MENVIH KESHO 22:30

Pheinaüi büpa chongphohen; ngoikahen hüshom pheinaüi Shembüpa jung ehen.

MENVIH KESHO 33:12

Kahvangü üam jatei Shembüpa nyu, hatü büpai laophülei mükjüp vaihen jepü nanglakü moihimanpü!

MENVIH KESHO 73:15

Ngei henüng shahthü paoh etüklangmeyü ngei am shennyakthü khongkü ngei hingshangpü nevaihah shepeih.

ISAIAH 26:2

Hinglempü nyupü daülangpü jatthü shühen shingvaishi shaden apshih.

ISAIAH 41:8

Shejao nüng, Oh Israel, ngelei chongphobü, ngei jepü Jakob, ngelei mongjempa Abrahamei hühihathü,

ISAIAH 42:16

Ngei mükphüngpüthü jomi chemao nekampü lem kü mühen; Ngei jom touei vangnyakü vangngai leitükhen, hatü nemeipü lemthü lemnyeü meishi lingtükhen. Ngei dükhen dou-ü hathü, hatü ngei jom netuhphongpih.

ISAIAH 44:1

Shejao shaang bangtuh, Oh Jakob, ngelei chongphobü, Ngei jepü Israel am.

ISAIAH 61:6

Shejao amphong keyü Shembüpalei ngongpathü shei nyükhen, hatü jenei Kahvang chongphobüthü shei menhen. Ammi jatthülei mopi mohmeihen, hatü jomei nükhinyiami am changmeihen.

ISAIAH 62:12

Amphong keyü, “Daülangpü Nanglak, Shembüpai yanglangpüthü” shei nyükhen; hatü Jerusalem kü, “Yemei Dangpü, Kahvangi Neyakphongpü Chingnyü” shei nyükhen.

ISAIAH 66:21

hatü ngei amphong khongkü hanei ngongpa hatü Levi am vaihen jehen.”

ISAIAH 9:2

Vangnyak kü kampü shennyakthüi vangngai longpü eeteke; shangmang kahdok kü nyupüthü kü vangngai-i khangteke.

MALAKI 3:17

“Jomü ngelei nanglakthü, hatü hapa nyih jomü ngelei thushong dounyü vaihen, hatü pa hüki laophü chongphopü hapeü yangpükei ngei jom yanghen” shei Shembüpa Kahvangi enyüke.

MATHI 4:16

Shangmang kü nyupü shennyakthüi vangngai longpü hük eeteke, hatü dipü yingdhüm kahdokei nyupüthü touei vangngai vamteke.”

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

LUK SHAHSHA APPÜ 1:79

shangmang hatü dipü vangdhüm kü nyupüthü kü vangngai shuohhen, hamei la chingmei lem kü mühen.

JOHAN 17:19

Jomao shahhing kü daühühen shingvaishi jomei men kü ngei nyingi daütüknyeih.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

PHONGSHANTHÜ DOU 26:28

Agrippa-i Paul kü, “Nüngi ngei kü hajük lomshi Khristan nyemvaikei shei yawhnyu je?” shei e.

ROM SHAHSHA APPÜ 9:24

Jenphongao büpai nyüklangpüthü, Jehoda am mon nevai, shejao Kung amao omshi jeyei nyüklangpüthü.

1 KORINT 3:17

Hanei ami Kahvangei phopshem mangtükjema, Kahvangi hapa shennyak mahtükhen. Mehenangkü Kahvangei phopshemü daülangpü, hatü amphongü hapa phopshem nyüke.

EPHESIA 1:14

Kahvangi jelangpü büpalei nanglakthü anglanghen mangngoi thahshi hapayü jeni danghen nyupü mükjüp khüamei vangpüshuwpü hük nyüke. Jeni büpalei müknyinshekhang kü vihshah.

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

EPHESIA 3:21

büpa kü attoi hatü Khrista Jisu kü denshem peü kü düngei müknyinshekhang nyutuh! Amen.

SHAHKÜP 10:15

Shejao Shembüpai ammei bühipa kü ahshi-üng bampü nangkü büpai lebü jatthü shak kü am jepü khih hatü shaang thahshi amphongü büpai jelangpü nanglak nyüke.

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

SHAHKÜP 18:2

Jomü lebü jatthü kei kahdok mükjüp nedanghen; Shembüpai jom kü lahpükei Shembüpa chongphopeyü jomei hean hatü mükjüp vaihen.

SHAHKÜP 4:20

Shejao amphongü shinnyih nyupükei büpalei mükjüp yahpü am vaihen shingvaishi bahpü awbhaong Ijip leipü Shembüpai müei leipeih.

SHAHKÜP 7:6

Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

PHILIPPI 3:14

Khrista Jisu kü vangsho lemei Kahvangi nyükpü thintho danghen shingvaishi ngei ha mükhong philei moknyeih.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

SHAKEI VAMPÜ 1:6

hatü jen ongching hük leihü, hatü büpalei Pa Kahvang chongphohen ngongpathü leihü, büpa kü müknyinshekhang hatü vanglem lempü den den kü nyute. Amen.

SHAKEI VAMPÜ 20:6

Shongpü yangei leipü khongkü hean yahpüthü moihiman hatü daülangpü. Jom shak kü nyipabü dipülei ngan neshiü, shejao jomü Kahvang hatü Khristalei ngongpathü vaihen, hatü jomphongü Khrista mü bong haja hük vanglem lemhen.

SHAKEI VAMPÜ 5:10

nüngi hathüyü ongching, hatü jenei Kahvang chongphopü ngongpathü leihüteke, hatü jom kahdoknyülei vanglem lemhen.”

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.