1 PETER 2:4 - DAÜLANGPÜ LAIHING (BSI)

⁴ Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

1 PETER 2:4 Iomraidhean Croise

ISAIAH 28:16

Hanangkü Shembüpa Kahvangi, “Veituh, ngei Zionlei chongnyiam yaong, hatü dokhen yaong hük, chongnyiam shing wong kohhen shingvaishi douvang shongkaong yaong hük tuhnyüpeih. Üpai hapa kü hinglemhenshang, neshanghahhen.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

DANIEL 2:34

Mechem nüngi ha kü chishi nyupa, shennyakei laki nehongpü kü yaongvak kübü yaong longpü hük lokteke. Hapa yaongi nyiam hatü ashemi lingpü lajeilei la kü shüktü nihtükteke.

DANIEL 2:45

Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

ZEKHARIAH 3:9

Ngei Joshua touei haüpü yaong kü veituh. Hapa yaong hük kü dhe nyet nyüke, hatü ngei hapa yaong kü nyanghen shei Jeiyong Shembüpai enyüke, hatü hapa kahdok kübü mang ngei nyihcha hük kü thitei yaktükhen.

ZEKHARIAH 4:7

“Oh wong kohpü kahshang, nüng meheang? Zerubbabel touei nüngü kahji leidaihen. Nüngi phopshem nyipabü lingei leihen, hatü shompü yaong shihshingkü nanglakthüi meiangke, hapa moihimantuh shei lenhen.”

MATHI 11:28

Amphong nyiupünangpü hatü hanggovih kopüthü ngei touei peikei, hatü ngei amphong kü nyiushemmei yahphahen.

MATHI 12:18

“Ngei jelangpü ngelei chongphobü hatouei nyüke, ngei bampü, büpa kü ngelei laanghai mong hahnyeih. Ngei ngelei laangha büpa kü shihshuohhen, hatü büpai jatthü kü shahhing baonghen.

MATHI 21:42

Jisui jomphong kü, “Ammi Laihingei hapakei ne-ieangpü je?” “Shem vebüthüi mepa yaong nemei shei yaktük, hapa yaong shemshouk kü shongnyü yaong leipeih; hapayü Shembüpai dükpü khih, hatü hayü thamabenüng” shei e.

JOHAN 14:19

Kansho hük pheikü kahdoknyüi ngei ne-eehen, shejao ammi ngei eehen; mehenangkü ngei yemmü nyupü nangkü amao yemmü nyuhen.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 5:26

Mehenangkü Pa kü büpa kü-üng yangnyuyem nyupü keiha Ha kao büpa kü yangnyuyem nyuhen shuohpeih;

JOHAN 5:40

shejao yangnyuyem danghen shingvaishi ammi ngei touei peihen nemongnyu.

JOHAN 6:37

Pa-i ngei kü shuohpüthü peü ngei touei peikahen, hatü üpa ngei touei peinya, ngei mechemao nechangtükhen;

JOHAN 6:57

Vanyangyem Opa-i ngei shompü keiha, hatü ngei büpa homei nyupü keiha, üami ngei hahhen, ngei homei mon nyuhen.

ROM SHAHSHA APPÜ 5:10

Mehenangkü jen Kahvangei vepa vaishi dangkao büpalei Ha dipü homei jen büpa mü mongjem pongpü vaijema, meshük nyeishi mongjem pheikü büpalei yangnyu homei jen yanghen!

1 KORINT 3:11

Mehenangkü lingtükpü chongnyiam, Jisu Khrista mü lenei üpaiyao lebü chongnyiam linghen neaok.

KOLOSI 3:4

Mechem Khrista, ammei yangnyu shakei vamkahen, hahepak kü amphongao müknyinshekhang kü büpa mü shakei vamhen.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

1 PETER 2:7

Shaang am meshüki hapa yaong kü douvang shei hinglem, hapayü douvang, shejao üami ha kü hingnelem, hathü shingvaishi hapayü, “Shem vepüthüi yaktükpü yaong peü mü shongnyü shoukbaong yaong leipeih.”

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

2 PETER 1:4

Hathü homei büpai jen kü longi longpü hatü douvang lahpüthü shuohteke, shejüang hathü homei ammi Kahvang nyingnyoi kü hean yah-aokhen hatü mangi yahhahhüpü homei kahdoknyü kü vamhüpü ten kübü yangaokhen.