1 PETER 2:2 - DAÜLANGPÜ LAIHING (BSI)

² Naüja keiha daülangpü laangha amma yinghen kentuh, shejüang am yemleipü kü longhen.

1 PETER 2:2 Iomraidhean Croise

2 SAMUEL 23:5

Ngelei mong Kahvang mü hapakei nenyupü je? Lemphü kü shüpeikengei, yangei, büpai ngei mü nedohnetenpü vangpüshuwpü nelingangpü je? Büpai ngei napü peü kü betjük nejükhühen je?

JOB SHAHSHA APPÜ 17:9

Shejao daülangpü jomei lem kü jiüshangi nyuhen, hatü lak daülangi nyupüthü wong koh-ei leihen.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.

HOSEA 14:7

Büpalei püdhüm kü shao shennyakthü nyuhen, büpa sheili pemong kei nyuhen, hatü nyalingngupai kei punghen, jom vong meipeyü Lebanon yiü kei nyuhen.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MATHI 18:3

“Hingmei ngei am kü enyeih, amphong yeiyaei maanpü naüthü kei manglei thahshi amphongi vangsho ongchingei shününg neaokpih.

MATHI 19:14

shejao Jisui, “Maanpü hashihthü ngei touei deikei, hathü kü tekhüamshuoh; mehenangkü vangsho ongchingü hapa keipüthü shing hih” shei e.

MARK 10:15

Hingmei ngei am kü enyeih, maanpü hashih hük kei leitü üami Kahvang ongching neyahhenshang, halei neshüaokpih” shei e,

LUK SHAHSHA APPÜ 18:17

Hingmei, ngei am kü enyeih, üpai maanpü hashih keiha Kahvang ongching neyahhenshang, halei neshüaokpih” shei e.

ROM SHAHSHA APPÜ 6:4

Hanangkü dipü kü baptükpai jen büpa mü mahng vüteke; shejüang Pa müknyinshekhangi Khrista dipü kübü yangei leishihpü keiha jenphongao yangnyu ja kü kamhen.

1 KORINT 14:20

Jeihinaü hatü nyahinaüthü, chudeih kü hashih kei tenyu; ten nangkü hashih kei nyutuh, shejao chudeih kü behe kei nyutuh.

EPHESIA 2:21

Büpa kü düklingyangyeü kemei shenshi nyüke hatü Shembüpa kü daülangpü phopshem hük leinyüke;

EPHESIA 4:15

Shejao bampü kü shahhing eyei, Khrista, üpa shangjing nyüpa, lemphü lem kü büpa kü longhen khih.

2 THESALONIKA 1:3

Jeihinaü hatü nyahinaüthü, am shingvaishi hami düngei Kahvang kü menvih shuohhen vongbong nyüke, hatü ha jiüphei; mehenangkü am hinglempü nyeinya nyeinya longnyüke, hatü am hüki hük kü bamteipü nyeinya danyüke.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.