1 PETER 1:7 - DAÜLANGPÜ LAIHING (BSI)

⁷ Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

1 PETER 1:7 Iomraidhean Croise

JOB SHAHSHA APPÜ 23:10

Shejao ngei daipü lemshong peü büpai nyingnyeih; mechem büpai ngei kü dokhen, ngei hon keiha leidaihen.

JOB SHAHSHA APPÜ 28:1

Hingmei, ngin yahpü shing nyüpeih; hatü hon daüshing hük nyüpeih.

MENVIH KESHO 17:3

Nüngi ngelei mongdang dokei veijü, nüngi yanüng ngei dokei veijao nüngi mehe tenao nedangpih; ngelei jui mang nethahnyih.

KANDOK 16:16

Hon mao kihikon danghen-üng mekei meipa! Ngin mao nyingpühingpü yahhen mekei meipa!

KANDOK 17:3

Hon hi nginü awi doknyüpeih, shejao mongdangü Shembüpai doknyüpeih.

KANDOK 8:19

Ngelei betjükü daülangpü, hon mao meipüba; ngei mehe vamhü, hayü hon mao meipüba.

CHONGVENBÜ 5:14

Shejao lashüh neshiüi hapa mop kemei mahdaitü mechem hapeü bühhenshang, tuhhen meheyao neshiüi leidainyeih.

ISAIAH 48:10

Hon aw kü jakei daühüpü keiha, ngei am kü shanghah homei doktepih, shejao amphong yahlak neshiü.

JEREMIAH 48:36

Hanangkü liping ngeü keiha Moab nangkü hatü Kir-Heres nanglakthü shingvaishi thepnyüpeih; mehenangkü jomi dangpü mophimothü mahdaiteke.

JEREMIAH 9:7

Hanangkü Jeiyong Shembüpai hapakei enyüke: Ngei shaang jom dokei veihen, ngelei mang nanglakthü kü ngei mehe dükhenang?

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

MALAKI 3:3

Büpayü nyiam jakei hienpü shennyak keiha nyukahen; büpai Levi am daühühen hatü daülangshemshepü kü Shembüpa kü moila shuohhen shingvaishi büpai jom hon hatü ngin kei daühühen.

BHEI-IE 5:28

Shejao pinnyü pungpü neshiü, hatü nedaünelangpü kübü yangei nyupü vaijema, pinnyü kü thaüvaü nehethen hatü hapeü bühhen aokhen.

MATHI 19:28

Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 25:23

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

LUK SHAHSHA APPÜ 12:33

Ammei mopthü yutü taopathü kü shuohtüktuh. Ammi laophü shing chang neleibenüng loptuw linghahtuh, gühpa yopailei nepei, thepi nehahpü vangsholei mechemao nemahnemenhen mop jaotuh.

LUK SHAHSHA APPÜ 17:30

Hapa keiha Shennyakei Ha shakei vampü nyih nyukahen.

JOHAN 12:26

Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

PHONGSHANTHÜ DOU 8:20

Shejao Peteri büpa kü, “Nüngei ngin nüng mü mahdaituh; mehenangkü Kahvangei thintho lopi dangnyeih shei nüngi deihpü khih!

ROM SHAHSHA APPÜ 2:10

shejao mei dükpüthü peü shingvaishi müknyinshekhang, dhüm hatü chingmei nyuhen: Shongpü kü Jehoda am shingvaishi, hapheikü Kung am shingvaishi.

ROM SHAHSHA APPÜ 2:29

Halangmao üpai monglei nyu büpayü hingmeipü Jehoda am, hatü hingshangi japtükpeyü mongdangei shahhidou; hapayü nyingnyoi dou nevai laangha dou. Hapa keipü shennyakü mih leipü nevai Kahvang leipü dupü-oupü dangnyeih.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

ROM SHAHSHA APPÜ 8:19

Mehenangkü lingpü douthüi Kahvangei hathü shakei vampü ongyangei dannyüke;

1 KORINT 3:13

büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

1 PETER 1:13

Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

1 PETER 2:4

Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

1 PETER 2:7

Shaang am meshüki hapa yaong kü douvang shei hinglem, hapayü douvang, shejao üami ha kü hingnelem, hathü shingvaishi hapayü, “Shem vepüthüi yaktükpü yaong peü mü shongnyü shoukbaong yaong leipeih.”

1 PETER 4:12

Bampü küphüthü, am kü shaang ngangahük kü lemhük vamnyukei am kü dokpü homei ponghahpü kü thamaei tedeih.

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

2 PETER 1:4

Hathü homei büpai jen kü longi longpü hatü douvang lahpüthü shuohteke, shejüang hathü homei ammi Kahvang nyingnyoi kü hean yah-aokhen hatü mangi yahhahhüpü homei kahdoknyü kü vamhüpü ten kübü yangaokhen.

2 PETER 3:14

Hanangkü bampü küphüthü, ammi ha douthü danshingkü ammi büpa mü chingmei kü kawhikang hatü eela neshiüi nyushi büpai am eehen mü kentuh,

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

SHAKEI VAMPÜ 3:10

Mehenangkü ammi ngelei shah munenei bangteke; kahdoknyü kü nyupüthü peü touei dokhen hepak hük ngoikünyüke, ha dokpü hepak kü ngei am yangei tuhhen.

SHAKEI VAMPÜ 3:18

Hanangkü am shemmei leihen, hatü veübenüng ammei bümkong eelangmangkü ha banghen ashak shola ümhen, hatü ammei mük eehen nangkü meli shakhen aw kü jakei daütükpü hon shakhahtuh shei enyeih.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.