1 PETER 1:6 - DAÜLANGPÜ LAIHING (BSI)

⁶ Shaang amphong kansho hük shing dokpü longi homei shangponghen nyujao ha kü am mongongtuh.

1 PETER 1:6 Iomraidhean Croise

MENVIH KESHO 119:28

Mongmangpai ngelei laangha nyaüdainyüke, nüngei shah aimü ngei wong kohhütuh.

MENVIH KESHO 119:75

Nüngi shahphenpeyü jiüpü khih shei ngei nyingnyüke, Oh Shembüpa; hatü nüng shahhing epai ngei kü hanghi shuohpeih.

MENVIH KESHO 34:19

Daülangpüthü longi ponghahnyeih, shejao Shembüpai hathü peü kübü jom yanglangnyeih.

MENVIH KESHO 35:10

Ngelei büm kempai, “Oh Shembüpa, nüng keiha üpa nyüpa?” shei ehen. Nüngi jom mü nyeishi wong kohpüthü toueipü wong nekohpüthü, hatü wong nekoh hatü nehahneyingpüthü jom leipü gühlangpüthü leipü yangnyeih.

MENVIH KESHO 69:20

Ne-ienelem ponghahpai ngelei mongdang mangdaiteke; hanangkü ngei mongshang kü nyunyeih. Ngei kü shinshangphahen yemjü hükao neshiü; nyiushem meiphahen yemjü hükao nedangnyu.

MENVIH KESHO 9:14

shejüang ngei Zion nelathülei penyüshalei ngei nüngei menvih baonghen, hatü nüngi yangphopü kü mongonghen.

MENVIH KESHO 95:1

Oh peikei, jeni Shembüpa kü kesho lokshah; jen yemleipü yaong küjeni mongongpü ngeü anshah!

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

MATHI 11:28

Amphong nyiupünangpü hatü hanggovih kopüthü ngei touei peikei, hatü ngei amphong kü nyiushemmei yahphahen.

MATHI 26:37

Büpai Peter hatü Zebedeelei cheha nyi müei dai, hatü mongshangei shangponghen chongpang.

MATHI 5:12

Am mongongtuh hatü mongmeituh; mehenangkü vangsholei ammei laklei longpü nyüpeih; am shekü nyupü thibüthü kao hapa keiha jomi shüveipeih.

LUK SHAHSHA APPÜ 1:47

hatü ngelei laanghai Kahvang, ngei yemleipü kü mongongnyeih;

LUK SHAHSHA APPÜ 10:20

Shejoongpa, mang laanghathüi amphong kü bangpü nangkü mongte-ong, shejao vangsholei ammei men nyangei nyupü kü mongongtuh” shei eteke.

LUK SHAHSHA APPÜ 2:10

Shejao vangsho phongshani jomphong kü, “Amphong tenyem; mehenangkü veituh, ngei am touei nanglak peü shingvaishi mongong longpü shahjang meipü koei peikünyeih:

JOHAN 16:22

Hanangkü shaang am tüngnyüke, shejao shao ngei am eehen, hatü am mongonghen, hatü am leipü ammei mongong üpaiyao neyahlanghen.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

ROM SHAHSHA APPÜ 12:12

Monglempü kü mongongtuh, shangpongpü munentuh, phoppü kü nyakeikentuh.

ROM SHAHSHA APPÜ 5:11

Shejao hapa mü nyeishi jen shaang mongjem pongpü jenei Shembüpa Jisu Khrista homei jen Kahvang mü shepei shahüteke.

ROM SHAHSHA APPÜ 5:2

Büpa homei hinglempai jeni hapa phahji dangei ha kü jen shaang nyunyeih, hatü Kahvang müknyinshekhang kü jen hanteihen monglempü kü jen changmeinyeih.

ROM SHAHSHA APPÜ 9:2

Ngei kü mongmang longpü hatü nedoh-i mongkü tüngpü ngelei mongkü nyüpeih.

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

2 KORINT 6:10

mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

PHILIPPI 2:26

mehenangkü büpai am peü deih-ei ongyanghampeih, hatü büpa tüngpü ammi danpü nangkü büpa mongshangei nyuteke.

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”

1 THESALONIKA 1:6

Ammi ham hatü Shembüpa kapiteke; ammi shüveidoidei pongjao Laangha Daülangpai shuohpü mongong mü ammi shahjangmei mongongshi yahteke.

JAKOB 1:2

Ngelei jeihinaü hatü nyahinaüthü, mechem ammi menüng keipü dokpü heühenshang hayü meheyao nevai, shejao mongong shei deih-ei dangtuh;

JAKOB 1:9

Taopü jeihinaüi büpalei laphen dokpalei anpü nangkü mongmeituh.

JAKOB 4:9

Mongshangtuh, mahng theptuh hatü vaütuh. Am nyipüwapeyü mahng theppü, hatü am mongongpü mongmang leihütuh.

1 PETER 3:17

Shangponghenü Kahvangi mongpü vaijema ten dükei shangpongpü meyü mei dükei shangpongpü meipeih.

1 PETER 4:7

Dou peü dohhen yopailei nyüke; hanangkü ammi phoppü men kü am nyingi kenhingei ungei-aeiyei nyutuh.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

1 SAMUEL 2:1

Hapheikü Hannah-i phopei eteke: “Ngelei Shembüpa kü mongongnyeih; ngelei mong Shembüpa kü shangei anshihnyeih. Ngelei jui vepathü kü naamnyi nyinyüpeih; mehenangkü nüngi yangpü nangkü ngei mongongnyeih.