1 PETER 1:2 - DAÜLANGPÜ LAIHING (BSI)

² Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

1 PETER 1:2 Iomraidhean Croise

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

ISAIAH 65:22

Hajük kü jomi vepü shem kü mih nenyuhen, nevaijü jomi sheipü mih-i nehahhen. Pü hükei den lupü keiha ngelei nanglakthü yangnyu shoshoshi nyuhen.

ISAIAH 65:9

Ngei Jakob kübü hühihathü, hatü Judah leipü ngelei kahshangthü mükjüp yahhenthü vamhühen; Ngei jepü nanglakthüi hathü mükjüp yahhen, hatü ngelei chongphobüthü halei nyuhen.

DANIEL 4:1

Nebukadnezzar ongpai kahdoknyü kü nyupü nanglakthü, jatthü hatü shahlem laolao epüthü peü touei hapa selam shahjang shomnyeih; am longi angeideiyei nyutuh!

DANIEL 6:25

Hahepak kü Darius ongpai kahdoknyü kübü jatphüliphü kü shahlem laolao epü peü touei hapakei nyangteke: “Amphong mü moihiman nyutuh, selam!

LEVI 1:5

Hapa mohohbaongü Shembüpa tou kü jühen vongbong, hatü Aaronei cheha ngongpathüi ashakshem shadenei nyupü moidü shing peü shinei iy haihütuh.

MATHI 24:22

Hathü nyih shoh-ei neleilangmeyü üpayao neyangaokhen vaipeih, shejao jelangpüthülei men kü hapa nyih Kahvangi shohtükpeih.

MATHI 24:24

Mehenangkü shahshem khristathü hatü shahshem thibüthü vamkahen hatü nyangeihepü hatü yashanyale douthü dükei longshi shing lemnyongei mülanghen; aokjema jelangpüthüao lemnyongei mülanghen.

MATHI 24:31

hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

MARK 13:20

Shembüpai hathü nyih shoh-ei neleitüklangmeyü üpayao neyangaokhah shepeih, shejao büpai üam je, hathülei men kü büpai nyih shohtükpeih.

MARK 13:22

Shahshem khrista hatü shahshem thibüthü longi vamkahen hatü nyangeihepü hatü yashanyale longi hukahen; aokjema daülangpüthüao lemnyongei mülanghen.

MARK 13:27

Hahepak kü büpai kahdoknyü vaungjung ali kü kahdok dohpü kübü vangsho dohpü ngoishi büpalei vangsho phongshanthü shomei büpai jelangpüthü thailanghen.”

LUK SHAHSHA APPÜ 18:7

Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?

PHONGSHANTHÜ DOU 15:18

ha nyinghüphei kü hepak longi daiteke.’ ”

PHONGSHANTHÜ DOU 2:23

Kahvangei küpjan hatü yeihshi nyingei nyupükei hapa shennyak ammei lak kü lanei shuoh, hatü ammi nemeipüthülei lak homei büpa shophang kü apei jütük.

PHONGSHANTHÜ DOU 20:32

hatü shaang ngei amphong Kahvang kü hatü büpalei phahji shahjangmei am lingei leiaokhen hatü daütükpüthü khongkü am kü mükjüp shuohhen shahjangmei kü lanei shuohnyeih.

ROM SHAHSHA APPÜ 1:5

büpalei men kü Kung am peü hinglempai ven danpü touei mühen shingvaishi büpa homei jeni phahji hatü phongshan vaihen dangteke,

ROM SHAHSHA APPÜ 1:7

Kahvangi bampü hatü daülangpüthü vaihen nyüklangpü Romei nyupüthü peü touei: Jenei Pa Kahvang hatü Shembüpa Jisu Khrista leipü phahji hatü chingmei am mü nyute.

ROM SHAHSHA APPÜ 11:2

Büpai yeihshi nyingei nyupü laophülei nanglak Kahvangi neyaktükangpih. Laihingi Elijah nang mehe e, mekei büpai Israel am khüei Kahvang kü phoppa, ammi nyingla?

ROM SHAHSHA APPÜ 11:28

Shahjangmei nangkü ammei men kü jomphongü Kahvangei vepathü, shejao jepü philei jomü chebü chepalei men kü bampüthü;

ROM SHAHSHA APPÜ 15:16

Kung am touei Kahvangei shahjang meipü kü ngongdou dükei Khrista Jisulei chongphobü vaihen phahji shuohpeih, shejüang Kung amei moilayü Laangha Daülangpai daütükpü, hatü yahaokbenüng leihen.

ROM SHAHSHA APPÜ 16:19

Peüi am ven danpü jung danteke, hanangkü ngei am nangkü mongongpai maei nyüpeih, shejao ngei napeyü mehe mei, ha nangkü nahshilangshi hatü nemeipü phikü mang neshiüi nyemnyu shei deihnyeih.

ROM SHAHSHA APPÜ 16:26

shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,

ROM SHAHSHA APPÜ 8:13

Mehenangkü amphong phai-i mongpükei nyujema, am dihen, shejao ammi Laanghai büm douthü jütükjema, am yemmü nyuhen.

ROM SHAHSHA APPÜ 8:33

Kahvangi jelangpü khüei üpai thaüvaüaokhen? Hapayü Kahvangi dahshakhüpeih.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

SHAHKÜP 7:6

Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

2 THESALONIKA 2:13

Shejao Shembüpai bampü jeihinaü nyahinaüthü, hami düngei am shingvaishi Kahvang kü menvih shuohhen vongbong nyüke; mehenangkü Kahvangi amphongü daühüpü Laangha dou homei hatü shahhing kü hinglempü homei yemleihen shingvaishi shongpü betjük vaihen jelangpeih.

2 TIMOTI 2:10

Hanangkü nedohnetenpü müknyinshekhang mü Khrista Jisu kü jomphongao yemleipü danghen shingvaishi jepüthülei men kü ngei lemphü munennyeih.

TITUS 1:1

Paul, Kahvang chongphobü hatü Kahvangi jepüthüi hinglempü men kü hatü Kahvang nyingpü kü shahhing nyingpü Jisu Khristalei phongshani,

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

HEBREW 11:28

Hinglempai büpai Hompü Mo hah, hatü iy nyioei tuh; hanangkü hashongpathü jüpübai Israel amei hashongpathü nejütük.

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

1 PETER 1:14

Ven danpü hashihthü keiha nenyingi shelei am kü nyupü ten yahhahhüpü kü tevukdai.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

1 PETER 1:20

Büpayü kahdoknyü lingshekü jepeih, shejao ammei men kü dohpü nyih kü shakei vamteke.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

2 PETER 1:2

Kahvang hatü Jisu jenei Shembüpa nyingpü kü changpüshapü phahji hatü chingmei ammei vaituh.

2 JOHAN 1:1

Behe leipü jelangpü nyüha hatü pinnyülei hapeüthü touei: Am kü ngei hatü ngei mon nevai shahhing nyingpüthü peüi shahhing kü bamnyeih;

2 JOHAN 1:13

Jelangpü nüngei anaülei hapeüthüi nüng kü selamja.

JUD SHAHSHA APPÜ 1:2

Phahji, nyiushemmei, hatü bampü am mü changshi nyute.