3 hatü peüi aihük laangha hahying hah,
Jom aeipü kü nüngi vangsho leipü hahying shuoh, hatü jom yung lepü kü yaong leipü yung shuoh, hatü nüngi jom kü shuohhen shei lahpü kahdok yahnüng daihen eteke.
Nüngi jom kü nyuhhen nüngei laangha meipü shuoh, hatü jomei ju kübü manna neshonglang, hatü jom yung lepü kü yung shuoh.
Jomi yüjü büpai jom kü adhit outhü shuoh, hatü vangsho leipü hahying changshi shuoh.
Mechem Israel ami ha eepa, jom hüki hük mü, “Hapayü meheang yo?” shei etei. Mehenangkü ha meheshang jomi nenying. Mosai jom kü, “Hapayü Shembüpai am kü hahhen shuohpü hahying khih” shei e.
Israel ami vangbong pinyi thahshi jom nyuhen kahdok, Kanan viong mangngoi thahshi manna hahteke.
Hahepak kü Shembüpai Mosa kü, “Ngei am shingvaishi vangsho leipü hahying vang keipükei shomphahen, nyihjeih nanglakthüi daiyei laophü shingvaishi changshi homei leituh. Ngei epü kü jomi mü-ülashangkü hapakei ngei jom kü dokhen.
Büpai amphong aeiyeileyei ang, hatü am hatü ammei bühipai mechemao manghahpü manna hahhen shuohteke. Shennyaki aani mon yangnyu nenyunyih shejao Shembüpalei ju kübü vampü shah ieyei mon yangnyu nyunyüpeih shei am kü nyuhhen shingvaishi hapa dükteke.
