1 KORINT 1:6 - DAÜLANGPÜ LAIHING (BSI)

⁶ Khristalei shahjangmei denpü am mü chongwongei nyüke.

1 KORINT 1:6 Iomraidhean Croise

MARK 16:20

Nanglomthü daiyei peü lemei hapa shahjangmei chongven, hatü Shembüpai jom mü chemi dou dük, hatü yashanyale douthü dükpai jomphongei shahjangü hingshangpü shei lekhüteke.

PHONGSHANTHÜ DOU 11:17

Jeni Shembüpa Jisu Khrista kü hinglemshingkü büpai jen kü shuohpü aihük thintho Kahvangi jom kao shuohjema, Kahvangi epü bangtükhen ngei üpaang?”

PHONGSHANTHÜ DOU 11:21

Shembüpalei ngan jom mü nyu, hatü shennyak longi hinglem hatü Shembüpa touei lep.

PHONGSHANTHÜ DOU 18:5

Mechem Silas hatü Timoti nyi Macedonia leipü ngoijapa, Paulü Jehoda am kü chongvenei Jisu-ü Messiah hih shei denpü shuoh-ei nyu.

PHONGSHANTHÜ DOU 20:21

Ngei Jehoda hatü Greek am nyiphen kü Kahvang touei mong lephen hatü Shembüpa Jisu kü hinglemhen ngei denpü shuohteke.

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

PHONGSHANTHÜ DOU 22:18

hatü Jisui ngei kü, “Shülangi Jerusalem leipü laoei daituh; mehenangkü jomi ngei nang nüngi denpü neyahküpih” shei ephopeih.

PHONGSHANTHÜ DOU 23:11

Ha ya Shembüpa büpa yopailei yaongtü, “Nüng monglongtuh! Nüngi ngei jung Jerusalemei denpü shuohpükei nüngi Rom leiyao denpü shuohhen” shei e.

PHONGSHANTHÜ DOU 28:23

Jomi büpa mü ponghen nyih itteipheikü jomi büpa paümpü shingei khong longi pei. Dhom kübü om dhüshi büpai hapa jung nih-ei Kahvang ongching jung denpü shuoh, hatü Mosa shahkung hatü thihivam laithü kübü eyei jomphongao Jisu shingvaishi lepei leihen khe.

ROM SHAHSHA APPÜ 15:19

Nyangeihepü hatü yashanpü nganthü homei; Kahvang Laangha nganthü homei Jerusalem kübü daiyei Illirikum shinpü thahshi kü ngei Khrista shahjangmei changshi baongtepih.

2 KORINT 12:12

Hingshangpü phongshan hük sheiyü yashanyale, thamapü hatü nyangeihepü longi dükpai lekei hutepih, hatü ngei hathüyü longi nenteiaokpai dükpeih.

GALATIA 3:5

Ammi shahkungnyü dükpü nangkü Kahvangi am kü Laangha shuoh-ei yashanpü douthü dükpü hi nevaijü ammi danpü kü hinglempü kü dükpa?

2 THESALONIKA 1:10

hatü hapayü mechem büpa laophülei daülangpü nanglakthüi büpa kü müknyinshekhanghühen, hatü büpa kü hinglempüthü leipü dhüm yahhen yiühenshang ha vamhen. Ha kü amao omei nyüpeih; mehenangkü hami am kü epü shahjangmei kü ammi hinglemteke.

1 TIMOTI 2:6

Büpai laophü nying hangku peü angei leihen bhei shuoh, hatü hapayü jiüpü hepak kü denpü shuohteke.

2 TIMOTI 1:8

Jenei Shembüpa jung denpü nangkü nevaijü büpa nangkü khoklatei nyupü ngei nangkü nüng teveü, shejao Kahvangei ngan kü mongnyangtü shahjang meipü nangkü shangponghen ngei mü shepkei.

SHAKEI VAMPÜ 1:2

hatü Kahvangei shah kü denpü shuoh, hatü Jisu Khristalei denpü büpai eepü peü shuoh.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.

SHAKEI VAMPÜ 12:17

Hahepak kü hapa Dragoni nyüha kü mongshih-ei Kahvangei shahkung bangpü hatü Jisulei denpü kü vaipü aopü lebü hapeüthü mü hoknüng dai.

SHAKEI VAMPÜ 19:10

Hahepak kü ngei büpalei la tüngei khümnüng aümei sha, shejao büpai ngei kü, “Nüngi ha tedük! Ngeiyü nüng mü chemi chongphopüba hatü Jisulei denpü kopü nüngei küphü. Kahvang kü khümtuh. Mehenangkü Jisu jung denpeyü tetpüvanpü laangha” shei eteke.

SHAKEI VAMPÜ 6:9

Mechem büpai ngapabü füoshang appa, ngei moidü phangei Kahvangei shah nangkü, hatü jomi denpü shuohpü nangkü jütükpüthülei laangha eeteke;