1 KORINT 1:2 - DAÜLANGPÜ LAIHING (BSI)

² Korintlei nyupü Kahvangei attoi, Jisu Khrista kü daütükpüthü, daülangpüthü vaihen nyükpüthü mü chemi shing peülei jenei Shembüpa Jisu Khrista– jomei hatü jenei Shembüpa men kü nyükpüthü touei,

1 KORINT 1:2 Iomraidhean Croise

KAHBHAO 12:8

Hapheikü büpa shao daiyei Bethel kü heongphi lemei ashakshem ve; Bethel heshü philei hatü Ai heong philei nyuteke. Hatouei büpai Shembüpa kü moidü hük lingtü Shembüpa kü khümteke.

KAHBHAO 4:26

Seth-i shao yeshang hük büh, hatü büpai naü kü Enosh shei men. Hapa hepak kü hangkui Kahvangei men eshi khümhen chongpangteke.

MENVIH KESHO 45:11

Nüng nela meipü ongpai lümei deihhen; büpa nüngei shembü vaipü nangkü büpa touei aümei shatuh.

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

PHONGSHANTHÜ DOU 15:9

hatü hinglempai jomei mong daühüei büpai jom hatü jen aa kü meheyao baong hanei nenoang.

PHONGSHANTHÜ DOU 18:1

Hapheikü Pauli Athen leipü Korintlei heih.

PHONGSHANTHÜ DOU 22:16

Mehekei nüng pheinya? Layaongtuh, baptüktuh, hatü nüngei mang paütüktü büpalei men kü nyüktuh” shei ephopeih.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

PHONGSHANTHÜ DOU 9:13

Shejao Ananias-i, “Shembüpa, hapa shennyaki Jerusalemei nyupü nüngei nanglakthü kü meshük ten dükpa ha jung ngei longi leipü dantepih;

PHONGSHANTHÜ DOU 9:14

hatü halei büpai ngongpathü leipü wong yahtü nüngei men kü nyükpüthü peü yepei shahen peipü khih” shei e.

PHONGSHANTHÜ DOU 9:21

Büpai epü danpüthü peüi thamaei, “Jerusalemei hapa men kü vaipüthü kü shüveipeyü hapa shennyak nevaipü je, hatü büpa hatouei hathü yepei shatü ngongpathü touei deihen mükhong kü peipü nevaipü je?” shei e.

ROM SHAHSHA APPÜ 1:7

Kahvangi bampü hatü daülangpüthü vaihen nyüklangpü Romei nyupüthü peü touei: Jenei Pa Kahvang hatü Shembüpa Jisu Khrista leipü phahji hatü chingmei am mü nyute.

ROM SHAHSHA APPÜ 10:12

Mehenangkü Jehoda hatü Greek am aa kü baong hanpü neshiü; hapa aihük Shembüpayü peüei Shembüpa, hatü büpa kü nyükpü peü kü moihimannyeih.

ROM SHAHSHA APPÜ 3:22

Hapayü vaipüthü peü kü Jisu Khrista kü hinglempü homei peipü daülangshemshepü nyüke. Mehenangkü baong hanpü neshiü;

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

1 KORINT 10:32

Jehoda am kü vaituh, Greek am kü vaituh nevaijü Kahvangei attoi kü vaituh, huluh teshuohhü;

1 KORINT 12:27

Shaang amphongü Khristalei büm, hatü pabüm ieyei hapalei phaihan.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

2 KORINT 1:1

Paul, Kahvangi mongpü homei Khrista Jisulei phongshan, hatü jenei jeihinaü Timoti nyi-i, Akhaia kü nyupü daülangpüthü peü omshi Korint kü nyupü Kahvangei attoi touei,

2 KORINT 4:5

Mehenangkü hami laophü jung nebaongnyih; hami Jisu Khristayü Shembüpa, hatü hamü Jisulei men kü ammei aathü shei baongnyeih.

GALATIA 1:2

ngei mü nyupü jeihinaüthü peüi Galatia leipü attoithü touei:

EPHESIA 5:26

shejüang shah homei yungi paüei daüpai pinnyü daülangi leihen;

1 THESALONIKA 1:1

Paul, Silas hatü Timoti leipü Pa Kahvang hatü Shembüpa Jisu Khrista kü Thesalonika attoi touei phahji hatü chingmei nyute.

1 THESALONIKA 4:7

Mehenangkü Kahvangi jenphongü nedaünelangpü kü nevai, shejao daülangpü yangnyu nyuhen nyükpeih.

2 THESALONIKA 1:1

Paul, Silas hatü Timoti leipü Kahvang, jenei Pa hatü Shembüpa Jisu Khrista kü Thesalonikalei nyupü attoi touei:

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

1 TIMOTI 3:15

Shejao ngei pheidaijema, Kahvangei shemong, mepa vanyangyem Kahvangei attoi kü shahhing shemnyü hatü chongnyiam nyüpa, hapa kü mekei shennyakthüi dükhen ha nyinghen vongbong.

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

2 TIMOTI 2:22

Thehila hepak iyjeiphailei kübü nyaidaituh, hatü daülangshemshepü, hinglempü, bampü hatü chingmeivangmei changei daülangpü mongdang kübü vamei Shembüpa kü nyükpüthü mü daituh.

HEBREW 10:10

Jisu Khristalei büm den shing chem mon moila shuohpü homei jen daüdaipeyü Kahvangi mongpü nyüke.

HEBREW 13:12

Hanangkü Jisuao büpalei iy homei nanglakthü daühühen shingvaishi chingnyü haolei shangpongpeih.

HEBREW 2:11

Mehenangkü daühüpüba hatü daütükpüthü peüei Pa hük nyüke. Ha tata kü Jisui jomphong peü kü jeihinaü hatü nyahinaüthü shei nyükhen neveünyu.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”