1 JOHAN 5:1 - DAÜLANGPÜ LAIHING (BSI)

¹ Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

1 JOHAN 5:1 Iomraidhean Croise

MATHI 16:16

Simon Peteri, “Nüngü vanyangyem Kahvang Ha Khrista” shei jangei e.

LUK SHAHSHA APPÜ 7:5

mehenangkü büpai jenei nanglak kü longi bamnyeih, hatü hamphong shing Sinagog vephopeyü büpa hih” shei e.

JOHAN 1:3

Douthü peü büpa homei vam; lingei nyupü douthü peü büpa ne-omi hükao neling.

JOHAN 15:23

Üpai ngei kü jiühitnya, Opa kao jiühitnyüke.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 6:69

Nüngü Kahvang kübü Daülangpü Hük shei hinglemei peinyüke hatü nyingnyüke” shei e.

JOHAN 8:42

Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.

PHONGSHANTHÜ DOU 8:36

Jiji chemi daishingkü yung nyupü shingei ngoi, hatü ban tüktükpü shennyaki, “Veihümao, hatouei yung nyüke! Ngei baptükhen mehe wongpü nyüpa?” shei e.

PHONGSHANTHÜ DOU 8:37

Philipi, “Nüngei mong kempai hinglemjema nüng baptüknüng aokhen” shei e. Büpai jangei, “Jisu Khristayü Kahvang Ha shei ngei hinglemnyeih” shei e.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,

1 JOHAN 2:10

Üami jeihinaü nevaijü nyahinaü hük kü bamnya, vangngai kü nyüke, hatü hapa keipü shennyak hük kü huluh shuohhen mü meheyao neshiü.

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

1 JOHAN 3:14

Jen hüki hük mü bamteipü nangkü jen dipü kübü yangnyuyem touei daiteke shei jeni nyingnyüke. Üpai nebamnya, dipü kü nyunyüke.

1 JOHAN 3:17

Hanei ami kahdoknyü mop angtü laophülei jeihinaü hatü nyahinaü taopü eetüktü nesheühjema mekei etü Kahvang bampü büpa kü nyuhen?

1 JOHAN 3:9

Kahvangi bühpü üpayao sheüshi mang nethahnyih; mehenangkü Kahvangei sheili büpa kü nyunyeih; büpa Kahvangi bühpü nangkü büpai nedoh-i mang thah-ei nenyunyih.

1 JOHAN 4:2

Ammi Kahvang Laanghayü hapai nyinghen: Jisu Khrista phai leiyei peipeih shei lahpü laangha kemei Kahvang leipü,

1 JOHAN 4:20

Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.

1 JOHAN 4:7

Bampü küphüthü, jen hüki hük mü bamteishah; mehenangkü bampeyü Kahvang leipü nyüke; hatü üpai bamnya, büpayü Kahvangi bühpü hatü Kahvang nyingnyüke.

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.

1 JOHAN 5:4

mehenangkü mepa mepa Kahvangi büh kahdoknyü neüaoknyeih. Kahdoknyü neüei aokpü dangpeyü jen hinglempü hapa hih.

1 JOHAN 5:5

Kahdoknyü neüaokpeyü üpaang shei shejema Jisu-ü Kahvang Ha shei hinglempü shennyak hih.