1 JOHAN 4:9 - DAÜLANGPÜ LAIHING (BSI)

⁹ Kahvang bampeyü hapakei jen touei shakei vampeih: Büpa homei jen yemmü nyuhen shingvaishi Kahvangi laophülei Halom kahdoknyülei shompeih.

1 JOHAN 4:9 Iomraidhean Croise

KAHBHAO 22:2

Büpai, “Nüngei halom Isak nüngi bampü ha müei Moriah kahdokei daituh, hatü ngei nüng kü huphahen kahshang hükei büpa jüei jakpü moila shuohtuh” shei e.

MENVIH KESHO 2:7

Ngei Shembüpalei shahkung baonghen: Büpai ngei kü, “Nüngü ngelei ha; shinnyih ngei nüngei Pa leitepih” shei eteke.

MARK 12:6

Büpai shao shomhen hük ao, hapayü büpai bampü hapeü. Shomshi büpai cheha kü, “Jomi ngelei ha kü dhüm hukahen” shei etü shom.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

JOHAN 10:10

Gühpayü gühhen, jühen hatü mangtükhen nangkü mon peinyeih. Ngeiyü jomphong yangnyuyem nyuhen, hatü changshi nyuhen shingvaishi yiüpeih” shei e.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

JOHAN 3:18

Üpai büpa kü hinglemnya, nenyonghünyih; shejao üpai hingnelem, nyonghütükteke; mehenangkü hathüi Kahvang Halomei men kü hingnelem.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

JOHAN 6:29

Jisui jomphong kü, “Büpai shompü üpa nyüpa, büpa kü hinglemtuh; hapayü Kahvangei dou hih” shei e.

JOHAN 6:51

Ngeiyü vangsho leipü yiüpü yangnyu hahying. Üami hapa hahying hahhen, den kü yemmü nyuhen, hatü kahdoknyü kü ngei shuohpü yangnyu hahyingü ngelei phai’ ” shei eteke.

JOHAN 6:57

Vanyangyem Opa-i ngei shompü keiha, hatü ngei büpa homei nyupü keiha, üami ngei hahhen, ngei homei mon nyuhen.

JOHAN 8:29

Üpai ngei shom, büpa ngei mü nyüpeih; büpai ngei mon netuhphongnyih; mehenangkü ngei düngei büpai mehe kü mong hah, ha düknyüpeih” shei e.

JOHAN 8:42

Jisui jomphong kü, “Kahvangü ammei Pa vailangmeyü ammi ngei kü bamhah shepeih; mehenangkü ngei Kahvang leipü peipeih, hatü shaang ngei hatouei nyüpeih. Ngei mongpü kü ngei nepei, shejao büpai ngei shompeih.

JOHAN 9:3

Jisui e, “Hapa shennyak nevaijü nyühipa üpaiyao mang nethah; büpa mükphüngdaitü bühpeyü Kahvangei dou büpa kü shakei vamhen shingvaishi nyüke.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

HEBREW 1:5

Hanangkü mepa vangsho phongshanthü kü Kahvangi hei epa? “Nüngü ngelei Hapeü; shinnyih ngei nüngei Pa leitepih;” Nevaijü shao, “Ngeiyü büpalei Pa vaihen, hatü büpayü ngelei Ha vaihen.”

1 JOHAN 3:16

Jeni hapai bampü nyingnyüke: büpai jen shing büpalei yangnyu lanei shuoh, hapakei jeniyao hüki hük shing yangnyu lanei shuohteihen vongbong.

1 JOHAN 4:10

Hapa bampü kü, jeni Kahvang kü bampü nevai, shejao büpai jen kü bampeih, hatü jenei mang shing mang tükhen moila shuohhen nangkü büpai laophülei Halom shompeih.

1 JOHAN 4:16

Hanangkü jen shingvaishi Kahvang bampü nyupü jeni nyingteke hatü hinglemnyeih. Kahvangü bampü hatü üami bampü kü nyunya Kahvang kü nyunyüke, hatü Kahvang jom kü nyunyeih.

1 JOHAN 5:11

Denpeyü hapa hih: Kahvangi jen kü yangnyuyem shuohpeih, hatü hapa yangnyuyemü büpalei Ha kü nyüke.

1 JOHAN 5:13

Am kü yangnyuyem nyüke shei nyinghühen nangkü Kahvang Ha kü hinglempüthü kü ngei hathü dou jung nyangnyeih.