1 JOHAN 4:7 - DAÜLANGPÜ LAIHING (BSI)

⁷ Bampü küphüthü, jen hüki hük mü bamteishah; mehenangkü bampeyü Kahvang leipü nyüke; hatü üpai bamnya, büpayü Kahvangi bühpü hatü Kahvang nyingnyüke.

1 JOHAN 4:7 Iomraidhean Croise

JOHAN 13:34

Ngei am kü shahkung ja hük shuohnyeih, am hüki hük mü bamteituh.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

1 KORINT 8:3

shejao üpai Kahvang kü bamnya, Kahvangi büpa nyingnyeih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

SHAHKÜP 30:6

Ammei mongdang kempai hatü ammei laangha kempai, amphongi büpa kü bamhen hatü kahdok kü yüluei nyuhen shingvaishi Shembüpa, ammei Kahvangi am hatü ammei hühihathü kü ven danpü dhentoimongdang yahphahen.

2 TIMOTI 1:7

Mehenangkü Kahvangi jen kü nyemhen veühen laangha nevai, shejao ngan, bampü hatü ungeiaeipü laangha shuohpeih.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

1 JOHAN 2:10

Üami jeihinaü nevaijü nyahinaü hük kü bamnya, vangngai kü nyüke, hatü hapa keipü shennyak hük kü huluh shuohhen mü meheyao neshiü.

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

1 JOHAN 2:3

Shaang jeni büpalei shahkungnyü bangjema, hapai jeni büpa nyingnyeih shei lekhen.

1 JOHAN 2:4

Üami, “Ngei büpa nyingnyeih” shei etü büpalei shahkungnyü nebangnya, büpayü shahshem, hatü henüng shennyak kü shahhing nenyu;

1 JOHAN 2:7

Bampü küphüthü, ngei am kü shahkung ja nenyangnyih, shejao shelei mebü nyupü shahkung chang nyangnyeih; hapa shahkung changü ammi danhampü shah hih.

1 JOHAN 3:9

Kahvangi bühpü üpayao sheüshi mang nethahnyih; mehenangkü Kahvangei sheili büpa kü nyunyeih; büpa Kahvangi bühpü nangkü büpai nedoh-i mang thah-ei nenyunyih.

1 JOHAN 4:11

Bampü küphüthü, Kahvangi jen kü longi bampü nangkü jenao hüki hük mü bamteihen vongbong.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 JOHAN 4:16

Hanangkü jen shingvaishi Kahvang bampü nyupü jeni nyingteke hatü hinglemnyeih. Kahvangü bampü hatü üami bampü kü nyunya Kahvang kü nyunyüke, hatü Kahvang jom kü nyunyeih.

1 JOHAN 4:20

Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.

1 JOHAN 4:8

Üami nebamnya, Kahvang nenyingnyu; mehenangkü Kahvangü bampü nyüke.

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

2 JOHAN 1:5

Shejao shaang, bampü nyühima, ngei nüng kü shahkung ja hük nyangnyu kei ngei nüng kü nephenyih, shejao pangpü mebü jeni mepa shahkung dang, hapa keiha jen hüki hük mü bamteishah.