1 JOHAN 4:6 - DAÜLANGPÜ LAIHING (BSI)

⁶ Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.

1 JOHAN 4:6 Iomraidhean Croise

2 SHÜPPÜKENGPÜ 18:21

“Ngei daihen hatü büpalei thibüthülei ju kü shahshem laangha hük leitü teteivanei ehühen” shei e. Shembüpai, “Büpa yawhhen nüngi aokhen khih. Daituh hatü ha düktuh” shei e.

ISAIAH 29:10

Mehenangkü Shembüpai amphong kü shükshi shihen laangha shuohteke; Thibüthüi büpai ammei mük kü shaktükteke, hatü manghkhang eepüthüi ammei shangjing kü jümtükteke.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

HOSEA 4:12

Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

MIKA 3:8

Shejao ngei shingvaishi payü Jakob kü jom pungpü, hatü Israel am kü jomei mang eshuohhen, Ngei kü Shembüpalei laangha, hatü ngan hatü shahhingi maei nyüpeih.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

JOHAN 10:16

Hapa mi khaok kü nepaümpü lebü mithü nyüpeih. Ngei jomphong müei leihen hatü hathüi ngelei ngeü banghen. Hanangkü mi khong hük hatü mi yombü hük mon nyuhen.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

JOHAN 10:3

Shaden yombüi büpa kü mi khaok sha apnyüke, hatü mithüi büpalei ngeü dannyüke. Büpai laophülei mithü kü men homei nyüknyeih, hatü müei dainyüke.

JOHAN 13:20

Hingmei ngei enyeih, üami ngei shompü hük yahnya ngei yahnyüke, hatü üami ngei yahnya, ngei shompübaao yahnyüke” shei e.

JOHAN 14:17

Hapayü shahhing Laangha. Kahdoknyüi büpa neyah-aok; mehenangkü kahdoknyüi büpa ne-eeaok nevaijü nenyingaok. Shejao ammi büpa nying; mehenangkü büpa am mü nyüke, hatü am kü nyukahen.

JOHAN 15:26

Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.

JOHAN 16:13

Mechem shahhing Laangha peikahen, büpai shahhing peü lemei am müphahen; mehenangkü büpai büpa nang ne-ehen, shejao büpai danpüthü ephahen, hatü ngoikahen douthü jung am kü ephahen.

JOHAN 18:37

Pilati büpa kü, “Shejema nüngü ong je?” shei phe. Jisui jangei, “Nüngiang ngeiyü ong hük khih shei enyüke. Ha tata kü ngei bühpeih, hatü ha tata kü ngei hapa shahhing denpü shuohhen nangkü ngei kahdoknyülei yiüpeih. Hapa shahhing kü nyupü peüi ngei epü bangnyeih” shei e.

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

JOHAN 8:19

Hahepak kü jomi büpa kü, “Ampa melei nyüpa?” shei phe. Jisui, “Ammi ngei nevaijü Opa nenying. Ammi ngei nyinglang meyü Opayao nyinghen vaipeih” shei e.

JOHAN 8:23

Jisui jomphong kü, “Amphongü phang leipü, ngeiyü shangphi leipü; amphongü kahdoknyülei, ngeiyü kahdoknyülei nevai.

ROM SHAHSHA APPÜ 1:1

Paul, Khrista Jisu chongphobü, phongshan hük vaihen nyükpü hatü Kahvangei shahjangmei shingvaishi khaatei tuhpü,

ROM SHAHSHA APPÜ 11:8

Hapa nyangei nyüke: “Kahvangi jomphong kü vaükpü laangha, ne-eehen mük, nedanhen dhaong shinnyih thahshi shuohtük.”

1 KORINT 14:37

Hanei ami thibü hük hih shei, nevaijü laangha nganthü nyüpeih shei ejema, ngei mehe nyang, hayü Kahvang leipü shahkung hih shei nyingei yahtuh.

2 KORINT 10:7

Amphongü shakdok leipü dou kü mon veinyüke. Amphong hanei ami hamphongü Khristalei shei monglemei nyujema, amphong Khristalei vaipükei hamphongao Khristalei shei deih-ei dangtuh.

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

1 TIMOTI 4:1

Pheilei hanei ami vaipü tuhphongtü lupülempü laanghathü hatü shepe-i nyuhpüvenpü kü mong shuoh-ei mühen shei shaang Laanghai ngaiheyei enyüke.

2 PETER 3:2

Peihdaipü hepak kü daülangpü thihivamthüi epü shahthü hatü Shembüpalei shahkung hatü ammei phongshanthü homei Yemleipübai epü shahthü deih-ei dangtuh.

1 JOHAN 4:1

Bampü küphüthü, laangha peü kü ammi hingtelem, shejao hathüyü Kahvang leipü laanghathü vaila shei dokei veituh; mehenangkü shahshem thibüthü kahdoknyü kü longi vamei daiteke.

1 JOHAN 4:4

Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

1 JOHAN 4:8

Üami nebamnya, Kahvang nenyingnyu; mehenangkü Kahvangü bampü nyüke.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

JUD SHAHSHA APPÜ 1:17

Shejao bampü küphüthü, jenei Shembüpa Jisu Khristalei phongshanthüi tetei epü deih-ei danghümao;