1 JOHAN 4:5 - DAÜLANGPÜ LAIHING (BSI)

⁵ Jomphongü kahdoknyü leipü; hanangkü jomi mehe e, hapayü kahdoknyü leipü nyüke, hatü jomi epü kü kahdoknyüi bangnyüke.

1 JOHAN 4:5 Iomraidhean Croise

MENVIH KESHO 17:4

Ngei mih-i kei ten ne-enyih, nüngi epü bangei, ngei depülaopü lem kü nekamnyih.

JEREMIAH 29:8

Mehenangkü Jeiyong Shembüpa, Israel Kahvangi hapakei enyüke: “Am mü chemi nyupü thibüthü hatü phongyompüthüi am kü lueilemhen mü tenyu, hatü jomi manghpü manghthü kü tebangtei;

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

LUK SHAHSHA APPÜ 16:8

“Shahhing ne-epü kheibüi kon kohshi dükpü nangkü shembüi büpa kü vih-ei e; mehenangkü vangngai hathü leimeyü hapa den kübü hapeüthüi kon kohshi düknyüke.

JOHAN 17:14

Ngei jomphong kü nüngei shah shuohtepih, hatü kahdoknyüi jom kü jiühitteke; mehenangkü ngei kahdoknyülei nevaipükei jomphongao kahdoknyülei nevai.

JOHAN 17:16

Ngei kahdoknyülei nevaipü keiha jomphongü kahdoknyülei nevai.

JOHAN 3:31

Üpa shangphi leipü pei, büpa peü shak kü longpüba; üpa kahdoknyü leipü nyupa, büpayü kahdoknyülei hatü kahdoknyü douthü jung enyeih. Üpa vangsho leipü yiü, büpa peü shak kübü.

JOHAN 8:23

Jisui jomphong kü, “Amphongü phang leipü, ngeiyü shangphi leipü; amphongü kahdoknyülei, ngeiyü kahdoknyülei nevai.

2 TIMOTI 4:3

Mehenangkü shennyakthüi nyuhpü venpü meipü kü nebanghen hepak hük peikahen, shejao jomi lümpü kü jiüshi ejahen, hatü jomei dhaongi banghahhüpü aimü ejahen nangkü jom shinei nyuhbüthü longi thaihahhen,

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.