1 JOHAN 4:4 - DAÜLANGPÜ LAIHING (BSI)

⁴ Maanpü hashihthü, amphongü Kahvang leipü nyüke hatü ammi hathü neüteke; mehenangkü üpa am kü nyu, büpayü kahdoknyülei nyupüba mao longpüba.

1 JOHAN 4:4 Iomraidhean Croise

JOHAN 12:31

Shaangü hapa kahdoknyü kü shahphenhen hepak; shaangü hapa kahdoknyü kübü vanglem lembü changtükhen hepak.

JOHAN 14:30

Ngei amphong mü hajük kü ahshi ne-ehen; mehenangkü hapa kahdoknyü vanglem lembü peikünyüke. Büpa ngei shak kü mehe wongao neshiü;

JOHAN 16:11

shahphenpü nangkü, mehenangkü hapa kahdoknyü vanglem lempüthü nyonghüteke.

JOHAN 17:23

Ngei jom kü hatü nüng ngei kü nyüke; jomphong hük leiyei mongjemhen, shejüang nüngi ngei shompü khih, hatü nüngi ngei kü bampükei ngei jomphong kü bampü khih shei kahdoknyüi nyinghen.

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

ROM SHAHSHA APPÜ 8:37

Nevai, hathü dou peü kü jen kü bampü büpa homei jenü aokpü dangpü mao nyeipeih.

1 KORINT 2:12

Shaang jenphongü kahdoknyü laangha neyah, shejao Kahvangi jen kü shuohpü thinthothü nyinghen Kahvang leipü Laangha yahpeih.

1 KORINT 6:13

“Hahyingü shünyü shingvaishi hatü shünyü-ü hahying shingvaishi nyüke,” hatü Kahvangi nyiphen mahtükhen. Bümü iyjeiphailei shingvaishi nevai, shejao Shembüpa shingvaishi, hatü Shembüpayü büm shingvaishi nyüke.

2 KORINT 4:4

Jom nang keyü Kahvangei lajei, Khristalei müknyinshekhang shahjangmei vangngai jomi ne-eehühen shingvaishi hapa kahdoknyü kübü kahvangthüi nevaipüthülei mongdang mük phüngtükteke.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

EPHESIA 3:17

hatü bampü kü am tünglang yiüei chongwongei hinglempü homei Khrista ammei mongdangei nyuhen ngei phopnyeih.

EPHESIA 6:10

Shompülei, Shembüpa kü hatü büpalei ngan kü wong kohtuh.

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

1 JOHAN 2:13

Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü ammi ten neüteke.

1 JOHAN 3:20

Mechem jenei mongi jen nyonghühen, jen Kahvang touei monglongpü nyüke hatü büpai peü nyingei nyüke.

1 JOHAN 3:24

Büpalei shahkungnyü bangpü peü büpa kü nyüke, hatü büpa jom kü nyunyeih, hatü büpai jen kü shuohpü Laangha homei büpa jen kü nyunyeih shei hapai jeni nyingnyüke.

1 JOHAN 4:13

Hapai jen büpa kü nyunyeih hatü büpa jen kü nyunyeih shei jeni nyingnyüke; mehenangkü büpalei laangha büpai jen kü shuohteke.

1 JOHAN 4:16

Hanangkü jen shingvaishi Kahvang bampü nyupü jeni nyingteke hatü hinglemnyeih. Kahvangü bampü hatü üami bampü kü nyunya Kahvang kü nyunyüke, hatü Kahvang jom kü nyunyeih.

1 JOHAN 4:6

Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

1 JOHAN 5:4

mehenangkü mepa mepa Kahvangi büh kahdoknyü neüaoknyeih. Kahdoknyü neüei aokpü dangpeyü jen hinglempü hapa hih.

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.