1 JOHAN 4:21 - DAÜLANGPÜ LAIHING (BSI)

²¹ Jeni büpa leipü dangpü shahkungü ha khih: Üami Kahvang kü bam, hathüi nyahinaü hatü jeihinaüthü kao bamhen vongbong.

1 JOHAN 4:21 Iomraidhean Croise

LEVI 19:18

Ammi bhüh teyem, nevaijü laophülei nanglak hük eela-ei te-e, shejao nüngi laophü kü kei laophülei chingyowpa kü bamtuh. Ngeiyü Shembüpa.

MATHI 5:43

“Nüngi laophülei chingyowpa kü bamtuh, hatü vepa kü jiühittuh” shei ehampü ha ammi danei nyüke.

LUK SHAHSHA APPÜ 10:37

“Büpa kü phahji hupü shennyak” shei büpai e. Jisui büpa kü, “Daiyei hapakei düktuh” shei e.

JOHAN 15:12

Ngei am kü bampü keiha am hüki hük mü bamteituh; hapayü ngelei shahkungnyü.

GALATIA 5:14

Mehenangkü shahkungnyü kemei shahkung hük kü shenshi nyüke, “Nüngi laophülei chingyowpa kü laophü kü kei bamtuh.”

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

1 THESALONIKA 4:9

Shaang jeihinaü hatü nyahinaüthü bamteihen nangkü hami am kü nyanghen napü neshiü; mehenangkü am nyingi hüki hük mü bamteihen Kahvangi nyuhteke.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

1 PETER 4:8

Peü shak kü hüki hük mü bamteishi nyutuh; mehenangkü bampai mang longi küptüknyeih.

1 JOHAN 2:7

Bampü küphüthü, ngei am kü shahkung ja nenyangnyih, shejao shelei mebü nyupü shahkung chang nyangnyeih; hapa shahkung changü ammi danhampü shah hih.

1 JOHAN 3:11

Mehenangkü jen hüki hük mü bamteihen vongbong shei chongpangpülei ammi hapa shahjang danteke.

1 JOHAN 3:14

Jen hüki hük mü bamteipü nangkü jen dipü kübü yangnyuyem touei daiteke shei jeni nyingnyüke. Üpai nebamnya, dipü kü nyunyüke.

1 JOHAN 3:18

Maanpü hashihthü, jeni shah-i nevaijü epai mon nebamshah, shejao shahhing kü hatü doui bamteishah.

1 JOHAN 3:23

Hapayü büpalei shahkungnyü: büpai jen kü shahkung shuohpükei jeni Cheha Jisu Khristalei men kü hinglemhen hatü hüki hük mü bamteihen vongbong.

1 JOHAN 4:11

Bampü küphüthü, Kahvangi jen kü longi bampü nangkü jenao hüki hük mü bamteihen vongbong.