1 JOHAN 4:12 - DAÜLANGPÜ LAIHING (BSI)

¹² Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 JOHAN 4:12 Iomraidhean Croise

KAHBHAO 32:30

“Hanangkü Jakobi hapa shing kü Peniel shei men; mehenangkü büpai ngei Kahvang dhe dhe gongei eetepih shei e, shejao ngelei yangnyu yangei nyüpeih” shei e.

MÜLANGPÜ 33:20

Shejao büpai, ‘Nüng kü ngelei dhe nehuphapih; mehenangkü üpaiyao ngei eetü yemmü nenyuaokpih’ ” shei eteke.

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

1 KORINT 13:13

Shaang hathü jem aoei nyüpeih: hinglempü, monglempü, hatü bampü, shejao hathü peü mü longpeyü bampü.

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

HEBREW 11:27

Hinglempai büpai ongpai mongshihpü kü nenyemi Ijip tuhphong; mehenangkü büpai müki ne-eepü Kahvang eepheikei munenei nyu.

1 JOHAN 2:5

shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

1 JOHAN 3:24

Büpalei shahkungnyü bangpü peü büpa kü nyüke, hatü büpa jom kü nyunyeih, hatü büpai jen kü shuohpü Laangha homei büpa jen kü nyunyeih shei hapai jeni nyingnyüke.

1 JOHAN 4:16

Hanangkü jen shingvaishi Kahvang bampü nyupü jeni nyingteke hatü hinglemnyeih. Kahvangü bampü hatü üami bampü kü nyunya Kahvang kü nyunyüke, hatü Kahvang jom kü nyunyeih.

1 JOHAN 4:20

Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.

1 JOHAN 4:6

Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.