1 JOHAN 4:1 - DAÜLANGPÜ LAIHING (BSI)

¹ Bampü küphüthü, laangha peü kü ammi hingtelem, shejao hathüyü Kahvang leipü laanghathü vaila shei dokei veituh; mehenangkü shahshem thibüthü kahdoknyü kü longi vamei daiteke.

1 JOHAN 4:1 Iomraidhean Croise

1 ONGPATHÜ 13:18

Hahepak kü Bethel leipü thibü changi büpa kü, “Ngeiyao nüng keipü thibü hih. Shembüpalei shah homei vangsho phongshan hüki, ‘Hahyinghen shingvaishi hapa shennyak nüng mü müei leituh’ shei ephopeih” shei e. (Shejao büpai shahshem eshuohteke.)

KANDOK 14:15

Ngapai lemphüli kü hinglemnyeih, shejao kenhingpübai laophülei lakdük lateen nyingnyüpeih.

JEREMIAH 14:14

Hahepak kü Shembüpai ngei kü, “Hathü thibüthüi ngelei men noshi shahshemi teteivannyüke; ngei jomphong neshom, nevaijü nanglakthü kü etuh shei ngei jom kü ne-eangpih. Jomi am kü shahshem manghkhang, yahlak neshiüpü tetshahvanshah, hatü jomei sholi kü peipü lushahlemshah enyüke.

JEREMIAH 23:16

Jeiyong Shembüpai hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

MARK 13:21

Hapa hepak kü hanei ami, “Veituh, ‘Khrista hatouei nyüke!’ nevaijü ‘Büpa antolei nyüke!’ shei ephüjü ha kü hingtelem.

LUK SHAHSHA APPÜ 12:57

Ammi laophü shing mehe jiü, ha shahphen mehekei neyahnya?

LUK SHAHSHA APPÜ 21:8

Büpai e, “Am lemnyong kü nemühen lituh; mehenangkü longshi shing ngelei men kü, ‘Ngeiyü büpa hih’ hatü ‘Hepak ngoiteke’ shei eshi peikahen. Ammi jom phei tedai.”

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

PHONGSHANTHÜ DOU 20:29

Ngei leidaipheikü mi aoei netuh-i hahtükhen mangpü shuw am touei peikahen shei ngei nyingnyüke.

1 KORINT 12:10

hükpa kü yashanyale douthü dükhen, hükpa kü tetpüvenpü, hükpa kü laanghathü yao-aokpü, hükpa kü shahlem laolao ehen, hükpa kü shahlem laolao nih-ei eaokpü thintho shuoh-ei nyüke.

1 KORINT 14:29

Shah ebü nyi-i nevaijü jemi etuh hatü mehe enya, ha kü lebüthüi dokei veituh.

1 THESALONIKA 5:20

thihivam shahthü ne-ienelemi teyaktük,

1 THESALONIKA 5:21

shejao lemphüli kü dokei veituh; meipü mehe nyüpa, ha kü shoungtuh;

2 THESALONIKA 2:2

Shembüpalei nyih ngoiteke shei hamphong leipü peipeih shei eshi thihivam shah, nevaijü shah mü, lai mü peiyei nyujema am mong nejenlenhen nevaijü mongneshanghen shingvaishi khümei enyeih.

1 TIMOTI 4:1

Pheilei hanei ami vaipü tuhphongtü lupülempü laanghathü hatü shepe-i nyuhpüvenpü kü mong shuoh-ei mühen shei shaang Laanghai ngaiheyei enyüke.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

1 JOHAN 2:18

Bampü hashihthü, hapayü dohpü hepak nyüke. Khrista khüpü vamkünyüke shei ammi danei nyupükei shaang Khrista khüpüthü longi vamteke. Ha homei shaang jeni hapayü dohpü hepak shei nyingnyüke.

1 JOHAN 2:7

Bampü küphüthü, ngei am kü shahkung ja nenyangnyih, shejao shelei mebü nyupü shahkung chang nyangnyeih; hapa shahkung changü ammi danhampü shah hih.

2 JOHAN 1:7

Peileipüthü longi, üami Jisu Khrista phai kü peipeih shei nyingei nelahnya, hathü kahdoknyülei yaüei daiteke; hapa keipü shennyakü peileipa hatü Khrista khüpü nyüke.

3 JOHAN 1:11

Bampü küphü, mehe ten nyüpa, ha nevai, meipü veiyei yahtuh. Üami mei dük, hayü Kahvang leipü; üami ten dük, hathüi Kahvang ne-eeang.

SHAKEI VAMPÜ 2:2

“Ngei ammei dou hatü ammi khe-ei dükpü, hatü am munenpü ngei nyingnyeih. Ammi nemeipüthü kü veishi nenyuaoknyu shei ngei nyingnyüpeih; ammi phongshanthü hih shei epüthü dokei veiteke shejao jom nevaiang, hatü jomü shahshem shei dangaokteke.