1 JOHAN 3:9 - DAÜLANGPÜ LAIHING (BSI)

⁹ Kahvangi bühpü üpayao sheüshi mang nethahnyih; mehenangkü Kahvangei sheili büpa kü nyunyeih; büpa Kahvangi bühpü nangkü büpai nedoh-i mang thah-ei nenyunyih.

1 JOHAN 3:9 Iomraidhean Croise

JOB SHAHSHA APPÜ 19:28

“Mekei etü jeni büpa kü shüveihen; mehenangkü shanghah tünglang büpa touei nyüke” shei ammi eteihen aok.

MENVIH KESHO 119:3

Jomi nejiüpü meheyao nedüknyu, jomi büpalei lemthü kü kamnyüke.

LEVI 11:37

Sheihen sheilivungla kü hathü yemha mahng hük dangkao vüei shükjema, hayü daülangpü vaihen.

MATHI 7:18

Meipü pü hüki nemeipü betjük nejükaok, nevaijü nemeipü pü hüki meipü betjük nejükaok.

JOHAN 1:13

Jomphongü iy nevaijü phai-i mongpü nevaijü hangku-i mongpü kü bühpü nevai, shejao Kahvangi bühpüthü.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

PHONGSHANTHÜ DOU 4:20

mehenangkü mehe hami ee, hatü dan, ha ne-e-i nenyuaokpih” shei jangei e.

ROM SHAHSHA APPÜ 6:2

Lanshei nevai! Mekei etü jeni mang kü didaishuoh pheikü jeni ha kü nedoh-i nyuei daihen?

GALATIA 5:17

Mehenangkü mehe phai-i yahhü, ha Laangha khüei, hatü mehe Laanghai yahhü, ha phai khüei nyüpeih; mehenangkü ammi napü nedükhühen jiji hüki hük mü khüteinyeih.

TITUS 1:2

shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

1 JOHAN 3:6

Büpa kü nyupü üpaiyao mang nethahnyih; mang thahpü üpaiyao büpa ne-ee, nevaijü nenying.

1 JOHAN 4:7

Bampü küphüthü, jen hüki hük mü bamteishah; mehenangkü bampeyü Kahvang leipü nyüke; hatü üpai bamnya, büpayü Kahvangi bühpü hatü Kahvang nyingnyüke.

1 JOHAN 5:1

Üpai Jisu-ü Khrista shei hinglem, büpayü Kahvangi bühpü, hatü üpai nyühipa kü bam hapeü kao bamnyeih.

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.

1 JOHAN 5:4

mehenangkü mepa mepa Kahvangi büh kahdoknyü neüaoknyeih. Kahdoknyü neüei aokpü dangpeyü jen hinglempü hapa hih.

3 JOHAN 1:11

Bampü küphü, mehe ten nyüpa, ha nevai, meipü veiyei yahtuh. Üami mei dük, hayü Kahvang leipü; üami ten dük, hathüi Kahvang ne-eeang.