1 JOHAN 3:14 - DAÜLANGPÜ LAIHING (BSI)

¹⁴ Jen hüki hük mü bamteipü nangkü jen dipü kübü yangnyuyem touei daiteke shei jeni nyingnyüke. Üpai nebamnya, dipü kü nyunyüke.

1 JOHAN 3:14 Iomraidhean Croise

MENVIH KESHO 16:3

Shembüpa kü hinglempü nanglakthü meshük meipüang! Ngei mongongpü peü jom kü nyüpeih.

KANDOK 21:16

Üpai danaokpü lem tuhtü lemnyong kü dainya, büpayü dipü khongkü omdainyeih.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

LUK SHAHSHA APPÜ 15:24

mehenangkü ngelei hapa hapeü didai-i nyuteke, hatü yangei leiteke; büpa mahdai-i nyuteke, hatü dangteke!” shei e. Hapheikü jomphong mo mohen pang.

LUK SHAHSHA APPÜ 15:32

Shejao jeni mo hah-ei mongongshah; mehenangkü nüngei naüpeü didai-i nyuteke, hatü yem leiteke; büpa mahdai-i nyuteke, shejao dangteke” shei e.

LUK SHAHSHA APPÜ 7:5

mehenangkü büpai jenei nanglak kü longi bamnyeih, hatü hamphong shing Sinagog vephopeyü büpa hih” shei e.

JOHAN 13:35

Am hüki hük mü bamteijema, hapai amphongü ngelei nanglomthü khih shei peüi nyinghen” shei e.

JOHAN 15:12

Ngei am kü bampü keiha am hüki hük mü bamteituh; hapayü ngelei shahkungnyü.

JOHAN 15:17

Am hüki hük mü bamteihen shingvaishi ngei hathü shahkung shuohnyeih.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

2 KORINT 5:1

Jen nyupü kahdoknyü leipü ashakshem tendaijema, laki nevepü Kahvang leipü shem hük vangsholei den kü nyüpeih shei jeni nyingei nyüke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

EPHESIA 1:15

Ammi Jisu Khrista kü hinglempü hatü daülangpüthü peü kü bampü jung ngei dantepih. Ha shojung kü,

EPHESIA 2:1

Ammi pungpü hatü ammei mang homei am diyei nyuteke,

EPHESIA 2:5

mechem jen pungpü homei diyei nyupa, Khrista mü chemi yangei leishihpeihphahjipai am yangpeih;

KOLOSI 1:4

Mehenangkü Khrista Jisu kü ammi hinglempü hatü daülangpüthü peü kü ammi bampü jung hami dantepih;

1 THESALONIKA 4:9

Shaang jeihinaü hatü nyahinaüthü bamteihen nangkü hami am kü nyanghen napü neshiü; mehenangkü am nyingi hüki hük mü bamteihen Kahvangi nyuhteke.

HEBREW 13:1

Nedoh-i hüki hük mü bamteipü nyutuh.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

2 PETER 1:7

Kahvang nyingpü mü jeihinaü bamteipü, hatü jeihinaü bamteipü mü bampü nyutuh.

1 JOHAN 2:3

Shaang jeni büpalei shahkungnyü bangjema, hapai jeni büpa nyingnyeih shei lekhen.

1 JOHAN 3:23

Hapayü büpalei shahkungnyü: büpai jen kü shahkung shuohpükei jeni Cheha Jisu Khristalei men kü hinglemhen hatü hüki hük mü bamteihen vongbong.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 JOHAN 5:13

Am kü yangnyuyem nyüke shei nyinghühen nangkü Kahvang Ha kü hinglempüthü kü ngei hathü dou jung nyangnyeih.

1 JOHAN 5:2

Mechem jeni Kahvang kü bamnya hatü büpalei shahkungnyüthü bangnya, hapa homei jeni Kahvangei hapeüthü kü bamnyüke shei jeni nyingnyüke.