1 JOHAN 2:8 - DAÜLANGPÜ LAIHING (BSI)

⁸ Shejao ngei am kü shahkung ja hük nyangnyeih; hapa shahhingü büpa kü hatü am kü eenyüke; mehenangkü vangnyak peihdaiteke hatü hingshangpü vangngai khangteke.

1 JOHAN 2:8 Iomraidhean Croise

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

MENVIH KESHO 36:9

Mehenangkü nüng mü yangnyu yunglok nyüke; nüngei vangngai kü hami vangngai eenyeih.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

ISAIAH 9:2

Vangnyak kü kampü shennyakthüi vangngai longpü eeteke; shangmang kahdok kü nyupüthü kü vangngai-i khangteke.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MATHI 4:16

Shangmang kü nyupü shennyakthüi vangngai longpü hük eeteke, hatü dipü yingdhüm kahdokei nyupüthü touei vangngai vamteke.”

LUK SHAHSHA APPÜ 1:79

shangmang hatü dipü vangdhüm kü nyupüthü kü vangngai shuohhen, hamei la chingmei lem kü mühen.

JOHAN 1:9

Peü kü vangngai shuohpü hapa hingshangpü vangngai kahdoknyülei pei.

JOHAN 12:35

Jisui jomphong kü, “Amphong mü vangngai kansho hük nyuhen. Am mü vangngai nyushingkü vangngai kü kamtuh, shejüang vangnyaki am she neyeihen. Amphong shangmang kü kamjema, am melei dainya nenyinghen.

JOHAN 12:46

Ngei kü vaipü üpaiyao vangnyak kü nekamhen shingvaishi ngei kahdoknyülei vangngai hük kei yiüpeih” shei e.

JOHAN 13:34

Ngei am kü shahkung ja hük shuohnyeih, am hüki hük mü bamteituh.

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

PHONGSHANTHÜ DOU 17:30

Peihdaipü hepak kü hapakei nenyingpeyü Kahvangi hei-üng tuhphongpeih, shejao shaang büpai shing peü leipü hangkuthü kü mong lephen shahkung shuohnyüke.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

ROM SHAHSHA APPÜ 13:12

Vangnyak luangi daiteke; vangngai yopailei nyüke. Shejema jeni vangnyak douthü tuhphongshah, hatü vangngai ow owshah;

2 KORINT 8:9

Jenei Shembüpa Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

2 TIMOTI 1:10

shejao shaang hapayü jen Yemleipü Khrista Jisu yiüpü homei dipü mahtük, hatü shahjang meipü homei yangnyu hatü nemahnemenpü touei vangngai koei peipai shakei vamteke.

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

1 JOHAN 3:23

Hapayü büpalei shahkungnyü: büpai jen kü shahkung shuohpükei jeni Cheha Jisu Khristalei men kü hinglemhen hatü hüki hük mü bamteihen vongbong.

1 JOHAN 4:11

Bampü küphüthü, Kahvangi jen kü longi bampü nangkü jenao hüki hük mü bamteihen vongbong.

1 JOHAN 4:21

Jeni büpa leipü dangpü shahkungü ha khih: Üami Kahvang kü bam, hathüi nyahinaü hatü jeihinaüthü kao bamhen vongbong.