1 JOHAN 2:5 - DAÜLANGPÜ LAIHING (BSI)

⁵ shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

1 JOHAN 2:5 Iomraidhean Croise

MENVIH KESHO 105:45

Hathü kemei jomi büpalei shahkungthü banghen, hatü dükhen nangkü ha vampeih. Shembüpalei men longtuh.

MENVIH KESHO 106:3

Üami shahhing dou dük, hatü daülangshemshepü hepak peü kü dük, jom moihiman.

MENVIH KESHO 119:146

Ngei nüngei shahkung bangei dükhen shangmü ngei nüng kü lennyeih, ngei yangshihma.

MENVIH KESHO 119:2

Üami büpalei shahkungthü notei, hatü mongdang kempai büpa yem, jom moihiman.

MENVIH KESHO 119:4

Kenhingei dükhen shingvaishi nüngi nüngei shahkungthü shuoh.

KANDOK 28:7

Üami shahkung noteinya, jomphongü kon kohpü hapeüthü; shejao hahnempüthü mü jemteipüthüi laophülei pa hai danghünyeih.

KANDOK 8:32

Hanangkü shaang, ngelei hapeüthü, ngei epü kü bangtuh: Ngelei lem kü kampüthü moihiman!

CHONGVENBÜ 8:5

Üami büpalei shahkungnyü bangnya, meheyao vongshüh neponghen, hatü lipühapü mongdangi hapalei hepak hatü lem nyinghen.

EZEKIEL 36:27

Ngei am kü laangha ja hük shihphahen, hatü ngelei shahkungnyü kü mühühen, hatü ngelei vanglem noteihen kenhinghühen.

LUK SHAHSHA APPÜ 11:28

Shejao büpai, “Üami Kahvangei shah danei düknya, hathüang moihiman!” shei e.

JOHAN 14:21

Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JOHAN 15:5

Ngeiyü pünyü büm, amphongü kaothü. Üpai ngei kü nyuhen, ngei büpa kü nyuhen, hatü büpai betjük longi jükhen; mehenangkü ngei mü yanei ammi meheyao nedükaokhen.

JOHAN 6:56

Üami ngelei phai hah hatü ngelei iy ying, ngei kü nyunyüke, hatü ngei jom kü nyunyeih.

ROM SHAHSHA APPÜ 8:1

Hanangkü shaang Khrista Jisu kü nyupüthü shingvaishi nyonghüpü neshiü.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

2 KORINT 5:17

Hanangkü hanei ami Khrista kü nyujema, büpayü ja bühpü; chang lemphü peihdaiteke, veituh, lemphü ja leiteke!

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

JAKOB 2:22

Büpalei dou mü vaipü dou chemi nyuteke, hatü vaipeyü dou homei changhüpeih shei eenyüke.

1 JOHAN 3:24

Büpalei shahkungnyü bangpü peü büpa kü nyüke, hatü büpa jom kü nyunyeih, hatü büpai jen kü shuohpü Laangha homei büpa jen kü nyunyeih shei hapai jeni nyingnyüke.

1 JOHAN 4:17

Jen kü bampeyü hapakei changhüpeih: shahphenpü nyih jen monglonghen; mehenangkü büpa keiha jenao kahdoknyülei nyüke.

1 JOHAN 4:18

Bampü kü nyempü neshiü, shejao hingshangpü bampai nyempü changtüknyeih; mehenangkü nyempeyü hanghi ponghen kü nyüke, hatü üami nyemnya bampü kü changpüshapü mangngoi.

1 JOHAN 5:2

Mechem jeni Kahvang kü bamnya hatü büpalei shahkungnyüthü bangnya, hapa homei jeni Kahvangei hapeüthü kü bamnyüke shei jeni nyingnyüke.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

2 JOHAN 1:6

Jeni büpalei shahkung aimü kamhen khih; hayü bampü nyüke, hapayü chongpangpülei nüngi danei heihpü shahkung nyüke– nüngi ha kü kamtuh.

SHAKEI VAMPÜ 12:17

Hahepak kü hapa Dragoni nyüha kü mongshih-ei Kahvangei shahkung bangpü hatü Jisulei denpü kü vaipü aopü lebü hapeüthü mü hoknüng dai.

SHAKEI VAMPÜ 14:12

Daülangpüthü üami Kahvangei shahkung bang, hatü Jisu kü hinglempü kü wongshongi shong, hathü kü munenhen thongnyüke.