1 JOHAN 2:3 - DAÜLANGPÜ LAIHING (BSI)

³ Shaang jeni büpalei shahkungnyü bangjema, hapai jeni büpa nyingnyeih shei lekhen.

1 JOHAN 2:3 Iomraidhean Croise

MENVIH KESHO 119:32

Nüngei shahkungnyü lem kü ngei moknyüpeih; mehenangkü nüngi ngei bümei leihü.

MENVIH KESHO 119:6

Mechem ngei nüngei shahkung peü deih-ei danghenshang, ngei neveühühen.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

LUK SHAHSHA APPÜ 6:46

Mehekei ammi ngei kü, “Shembüpa, Shembüpa” shei nyüktü ngei epü nedüknya?

JOHAN 14:15

Ammi ngei kü bamjema, ngelei shahkungthü banghen.

JOHAN 15:10

Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

JOHAN 15:14

Ngei am kü epü dükjema amphongü ngelei küphüthü.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

1 JOHAN 2:13

Pathü, ngei am kü nyangnyeih, mehenangkü chongpangpülei nyupü büpa ammi nyingnyüke. Thehilathü, ngei am kü nyangnyeih, mehenangkü ammi ten neüteke.

1 JOHAN 3:14

Jen hüki hük mü bamteipü nangkü jen dipü kübü yangnyuyem touei daiteke shei jeni nyingnyüke. Üpai nebamnya, dipü kü nyunyüke.

1 JOHAN 3:19

Hapa homei jenü shahhing kübü shei jeni nyinghen hatü büpa touei jen monglemhen.

1 JOHAN 3:6

Büpa kü nyupü üpaiyao mang nethahnyih; mang thahpü üpaiyao büpa ne-ee, nevaijü nenying.

1 JOHAN 4:13

Hapai jen büpa kü nyunyeih hatü büpa jen kü nyunyeih shei jeni nyingnyüke; mehenangkü büpalei laangha büpai jen kü shuohteke.

1 JOHAN 4:7

Bampü küphüthü, jen hüki hük mü bamteishah; mehenangkü bampeyü Kahvang leipü nyüke; hatü üpai bamnya, büpayü Kahvangi bühpü hatü Kahvang nyingnyüke.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

1 JOHAN 5:2

Mechem jeni Kahvang kü bamnya hatü büpalei shahkungnyüthü bangnya, hapa homei jeni Kahvangei hapeüthü kü bamnyüke shei jeni nyingnyüke.

1 JOHAN 5:3

Büpalei shahkungthü bangpeyü Kahvang kü bampü hih, hatü büpalei shahkungthüyü hanggovih nevai;

SHAKEI VAMPÜ 12:17

Hahepak kü hapa Dragoni nyüha kü mongshih-ei Kahvangei shahkung bangpü hatü Jisulei denpü kü vaipü aopü lebü hapeüthü mü hoknüng dai.

SHAKEI VAMPÜ 14:12

Daülangpüthü üami Kahvangei shahkung bang, hatü Jisu kü hinglempü kü wongshongi shong, hathü kü munenhen thongnyüke.

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.