1 JOHAN 1:9 - DAÜLANGPÜ LAIHING (BSI)

⁹ Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

1 JOHAN 1:9 Iomraidhean Croise

1 ONGPATHÜ 8:30

Hapa shing philei meetü nüngei chongphobü ngei hatü nüngei Israel nanglakthüi phoppü danlangshih. Nüng nyushing vangsho leipü hami phoppü danei mang tükshih.

1 ONGPATHÜ 8:47

jomi jom wüpküpei nyushi mong yeiyaei mong lepei vepa kahdokei nüng kü phopei, “Ham mang thahteke, nejiüi dükteke; hami nemei-i dükteke” shei ejema;

NEHEMIAH 1:6

shaang ngei nyakhingai thüngei nüngei chongphopüthüi Israel nanglakthü shing, nüng khüei Israel ami thahpü mang lah-ei phopnyüpeih; nüngei dhaong shaangshih, nüngei müki veishih hatü ngei phoppü danlangshih. Ngei hatü ham shemi mang thahteke.

MENVIH KESHO 19:12

Büpai pungpü üpai yepaokhen? Joshi nyupü ngelei mang tükshih.

MENVIH KESHO 32:5

Hapheikü ngelei mang nüng kü nyinghü, hatü ngelei mang nejolang; Ngei, “Shembüpa kü ngelei mang lahhen” shei e, hatü nüngi ngei pungpü mang tüktükpeih.

MÜLANGPÜ 34:7

Denshem haja haja kü bampü lakshing nyupü; Mang hatü pungpü shaipü mang tükpü, shejao nejiüpü am kü hanghi neshuoh-i netuhpü; Büpai hapeüthü hatü jomei hüpeüthü kü chebü chepai thahpü mang shingvaishi denshem jem ali thahshi hanghihünyeih” shei lenei peiteke.

KANDOK 28:13

Mang jopü shennyak mechemao moihiman nedangpih, shejao üami mang lahnya, hatü ha nedüknya, jomi phahji dangnyeih.

ISAIAH 45:21

Shahphen shingei peiyei ammei nang etuh: jom chemi shahnying meipü yemtuh! Hapa vamkahen shei üpai shelei mebü teteivanpa? Peihdaipü hepak kübü-üng üpai hapa ehampa? Hapayü ngei, Shembüpai ephei nevaipü je? Ngei mü lenei daülangpü hatü lebü yemleipü Kahvang neshiüpih; Ngei mü lenei lebü üpaao neshiü.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

JEREMIAH 33:8

Ngei khüei pungpü jomei mang peü ngei daütükhen, hatü ngei khüei thahpü mang hatü khüei yaongpü mang peü ngei tükhen.

YOUNG LAI 3:23

Jomphongü nepjeih ja kei khanha; nüng monglempü longpü nyüke.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

EZEKIEL 37:23

Sheyü jom nyingi jomei lajeithü, hatü jiühitnalaipü douthü nevaijü lebü pungpüshaipü homei mang nethahhen; mehenangkü ngei jomphong vüpü mang kübü yanghen, hatü ngei jom daütükhen. Shejüang jomphongü ngelei nanglak, hatü ngeiyü jomei Kahvang vaihen.’ ”

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

MATHI 3:6

hatü jomei mangthü lah-ei Jordan yungyenei büpai jom kü yung kü hünghüteke.

MARK 1:5

Judea kahmük hatü Jerusalem kübü nanglakthü peü büpa touei peiyei jomei mang lah-ei Jordan yungyenei baptük.

LUK SHAHSHA APPÜ 22:57

Shejao Peteri, “Nyüha, ngei büpa nenyingnyih” shei nelahaoki e.

JOHAN 17:25

Daülangpü Opa, kahdoknyüi nüng nenyingnyu, shejao ngei nüng nyingnyüpeih, hatü nüngi ngei shompü khih shei hathüi nyingnyüke.

PHONGSHANTHÜ DOU 19:18

Shao vaipüthü longshi shingi jomi dükpü ngaiheyei eyei pei.

ROM SHAHSHA APPÜ 3:26

Büpai hayü shaangpü hepak kü büpayü daülangshemshepü hatü üpai Jisu kü hinglem büpai dahshakhünyeih shei huhen shingvaishi ha dükteke.

1 KORINT 1:9

Kahvangü shahhing; büpai laophülei Ha Jisu Khrista jenei Shembüpa mü mongjemhühen am kü nyükpeih.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

EPHESIA 5:26

shejüang shah homei yungi paüei daüpai pinnyü daülangi leihen;

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

1 TIMOTI 1:15

Hapayü dhao mü yah-aokbenüng hingshangpü shah: Khrista Jisu-ü mangthü yangnüng kahdoknyülei yiü, ha khongkü ngei peü mü nemeipüba.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

HEBREW 10:23

Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

HEBREW 11:11

Hinglempai büpa viüdaijao hatü Sarah nyülan leidaijao hapeü anghen wong dang; mehenangkü hapa lahpü jiühühen büpai Kahvang kü hinglem.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

1 JOHAN 1:7

shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!