1 JOHAN 1:8 - DAÜLANGPÜ LAIHING (BSI)

⁸ Jen nyingi ham mang neshiüpih shei ejema, jen nyingi luhahnyüke, hatü jen kü shahhing nenyu.

1 JOHAN 1:8 Iomraidhean Croise

1 ONGPATHÜ 8:46

Mechem nüngei nanglakthüi nüng khüei mang thahhen– mehenangkü mang nethahpü hükao neshiü, hatü nüngi jom kü mongshih-ei jomei vepalei lak kü shuohjü vepathüi jomei kahdokei wüpküpei deiyei tailuei nevaijü yopailei tuhshingkü,

2 ONGPATHÜ 20:15

Thibüpai büpa kü, “Nüngei shem leipü jomi mehe mehe eepa?” shei e. Hezekiah-i, “Ngelei shemei nyupü lemphüli jomi eetepih; ngei jom kü nehupü shemei meheyao nenyupih” shei jangei e.

2 SHÜPPÜKENGPÜ 6:36

Jomi nüng khüei mang thahjema; mehenangkü mang nethahpü üpayao neshiü, hatü nüngi ha nangkü mongshih-ei vepathülei lak kü yopailei hatü tailu kahdokei wüpküpei yah-ei daihen shuohtükjü,

JOB SHAHSHA APPÜ 14:4

Nedaünelangpü kübü üpai daülangpü ngaiaokhen? Üpaiyao neaokpih!

JOB SHAHSHA APPÜ 15:14

Hingmei shennyak daülangi leiaokhen je? Nevaijü nyüi paipü moi daülangi nyuaokhen je?

JOB SHAHSHA APPÜ 25:4

Mekei etü Kahvang touei shennyaki daülangpü leiaokhen? Nyüi bühpü hangkuli büpa touei daülangi leiaokhen je?

JOB SHAHSHA APPÜ 9:2

“Hapayü jiüangke shei ngeiyao deihnyüpeih; shejao mekei etü hangkui Kahvang touei daülangpü leiaokhenang?

MENVIH KESHO 143:2

Nüngei chongphobü shahphenshingei tedei; mehenangkü üpayao nüng touei daülangpü neshiü.

KANDOK 20:9

“Ngelei mongdang daülangi nyüpeih; ngei daülangi mang neshiüi nyüpeih” shei üpai eaokhen?

CHONGVENBÜ 7:20

Kahdoknyü kü mang nethah-i jiüpü mon dükpü daülangpü shennyak üpayao neshiü.

ISAIAH 53:6

Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.

JEREMIAH 2:35

“Ngei mang neshiüpih; büpai ngei kü mongneshihnyih” shei nüngi enyüke. “Ngei mang neshiüpih” shei epü nangkü shaang ngei nüng shahphenshingei deihen.

LEVI 13:12

Büpalei büm lüpei ma vamjema, hatü ngongpai veipülei ma vampü shennyak kü shangnyüshang kübü lajaang laishi ma hoiyei vamjema,

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

ROM SHAHSHA APPÜ 3:10

Hapa nyangei nyüke: “Daülangpü üpaao neshiü, hükao neshiü;

ROM SHAHSHA APPÜ 3:23

mehenangkü peüi mang thahteke hatü Kahvang müknyinshekhang nengoinyu;

1 KORINT 3:18

Am laophü nyingi telutelemhah. Hapa den kü amphong nahpeih shei deihjema, am nahpü am leihen shingvaishi ngapa leihen vongbong.

GALATIA 6:3

Üami menüngao nevaipü kü lemhük vaipükei deihnya, laophü nyingi luhahnyüke.

1 TIMOTI 6:5

hatü sholi mongdang tendai, shahhing neshiüi düngei dokteikhaungkhei vamnyeih. Kahvang yempeyü mop danghen lem shei jomi deihnyüke.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

JAKOB 1:22

Shejao amphongü dan mon dantü laophü nyingi luhahpü am nevai, shejao shah-i dou leiyei dükpü am leituh.

JAKOB 1:26

Hanei ami laophü nyingi vaipü am shei deihjema, hatü laophülei yei neshümaokjema, büpa vaipeyü angsha, hatü laophü nying luhahnyüke.

JAKOB 3:2

Jen peüi longi pungnyüpeih. Üpai epü kü nepung, büpayü changpüshapü, hatü laophülei büm kemei shümei tuhaokpü nyüke.

2 PETER 2:13

Jomi nejiüpü dükpü nangkü jomao shanghahnyüke. Nyihnüng mongong monglehenü mong hambenüng shei jomi deihnyüke. Ammei mohitap kü jom hahyingei mongmeipeyü veübenüng hatü kawhikang nyüke.

1 JOHAN 1:10

Jeni mang nethah-angpih shei ejema, jeni büpa shahshem leihünyüke, hatü büpalei shah jen kü nenyu.

1 JOHAN 1:6

Jen vangnyak kü kamyaki jen büpa mü mongjemnyeih shei ejema jeni shahshem enyüke, hatü mehe shahhing ha nedüknyu;

1 JOHAN 2:4

Üami, “Ngei büpa nyingnyeih” shei etü büpalei shahkungnyü nebangnya, büpayü shahshem, hatü henüng shennyak kü shahhing nenyu;

1 JOHAN 4:20

Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.

2 JOHAN 1:2

mehenangkü hapa shahhing ham kü nyüke, hatü düngei ham kü nyuhen.

3 JOHAN 1:3

Jeihinaüthü hanei ngoiyei nüngi shahhing kü hinglempü hatü ha kü nedoh-i kampü jung denpü shuohpü danei ngei ahshi-üng mongongpeih.