1 JOHAN 1:5 - DAÜLANGPÜ LAIHING (BSI)

⁵ Kahvangü vangngai hatü büpa kü vangnyak lanshei neshiü shei hapa shahjang hami büpa leipü danpü am kü baongnyeih.

1 JOHAN 1:5 Iomraidhean Croise

MENVIH KESHO 139:12

vangnyakü nüng keyü vangnyak nevai; vangnyakü vangngai mao nyapüba, vangnyakü nüng shingvaishi vangngai kei nyüke.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

MENVIH KESHO 36:9

Mehenangkü nüng mü yangnyu yunglok nyüke; nüngei vangngai kü hami vangngai eenyeih.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

ISAIAH 2:5

Peikei, Oh Jakob shem am, jeni Shembüpalei vangngai kü kamshah.

ISAIAH 60:19

Hajük kü nyihnüng am shingvaishi vanghenyü, nevaijü yanüng shing lennyü vangngai nenahen; Mehenangkü Shembüpayü nedohnetenpü ammei vangngai, hatü Kahvangü ammei müknyinshekhang vaikahen.

DANIEL 2:22

Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.

JOHAN 1:19

Hapayü Jehoda ami Jerusalem leipü ngongpathü hatü Levi ami büpa kü, “Nüng üpaang?” shei phenüng shomshingkü Johani shuohpü denpü nyüke.

JOHAN 1:4

Büpa kü yangnyuyem nyu, hatü ha yangnyu-ü hangkuli peüei vangngai nyuteke.

JOHAN 1:9

Peü kü vangngai shuohpü hapa hingshangpü vangngai kahdoknyülei pei.

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

JOHAN 9:5

Ngei kahdoknyülei nyupü thahshi ngei kahdoknyü vangngai.”

1 KORINT 11:23

Mehenangkü mehe ngei SHEMBÜPAleipü dang, ha ngei am kü shuohnyeih: Shembüpa Jisu yuhahpü ya büpai aan hük yah,

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

1 JOHAN 3:11

Mehenangkü jen hüki hük mü bamteihen vongbong shei chongpangpülei ammi hapa shahjang danteke.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

SHAKEI VAMPÜ 22:5

Halei vangnyak lanshei neshiü; jomi awdük vangngai nevaijü vanghe vangngai napü neshiü; mehenangkü Shembüpa Kahvangü jomei vangngai, hatü jom den den kü vanglem lemhen.