1 JOHAN 1:3 - DAÜLANGPÜ LAIHING (BSI)

³ Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

1 JOHAN 1:3 Iomraidhean Croise

JOB SHAHSHA APPÜ 13:1

“Veituh, ngelei müki hathü kemei eetepih, hatü ngelei dhaongi hathü peü dantepih.

MENVIH KESHO 2:7

Ngei Shembüpalei shahkung baonghen: Büpai ngei kü, “Nüngü ngelei ha; shinnyih ngei nüngei Pa leitepih” shei eteke.

MENVIH KESHO 22:22

Ngei ngelei jeihinaüthü kü nüngei men baonghen; thaihiyu kü ngei nüng vihhen.

ISAIAH 66:19

Ngei jomphong kü nyangeihepü hük shuohhen, hatü jomphong khongkü hanei yangei nyupüthü Tarshish, Libya, hatü Lydia (lahhan meishi kap-aokpüthü), Tubal hatü Greek hatü ngelei men mangdanpü hatü ngelei müknyinshekhang mang-eepü tailu kahdokthülei ngei jomphong shomhen. Jomphongi ngelei müknyinshekhang jung jatthü kü baonghen.

BHEI-IE 10:32

Nüng ham mü daiküjema, Shembüpai ham kü shuohpü moihimanthü peü hanphahen” shei e.

JOHAN 17:11

Shaang ngei hajük kü kahdoknyülei nenyuhen, shejao jomphong payü kahdoknyülei nyüke, hatü ngei nüng touei peikünyeih. Daülangpü Opa, nüngi ngei kü shuohpüthü nüngei men kü yangei tuhtuh, shejüang ji hük vaipükei jomphongao hük leihen.

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

JOHAN 17:25

Daülangpü Opa, kahdoknyüi nüng nenyingnyu, shejao ngei nüng nyingnyüpeih, hatü nüngi ngei shompü khih shei hathüi nyingnyüke.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

JOHAN 19:35

(Üpa shennyaki ha vampü ee, denpü shuohteke, hatü büpalei denpeyü shahhing. Büpai shahhing enyeih shei büpai nying, hatü ammi hinglemhen shingvaishi ha jung denpü shuohnyüke).

PHONGSHANTHÜ DOU 13:32

Hami am touei shahjangmei koei peikünyeih; mepa Kahvangi jenei bühipathü kü dükhen shei lah,

PHONGSHANTHÜ DOU 13:41

“Veituh, amphong mih vüshihpüthü! Am thamatuh, hatü didaituh! Mehenangkü ammei nyih kü ngei dou hük düknyeih; hanei ammi am kü ejao ammi hapa kü hingnelemhen.”

PHONGSHANTHÜ DOU 2:42

Jomphongi phongshanthüi nyuhpü kü hatü mongjempü kü, aan bhaokei hatü phoppü kü lanei shuoh.

PHONGSHANTHÜ DOU 20:27

mehenangkü Kahvangei küpjan kempü ngei am kü ne-e-i shümei netuh-angpih.

PHONGSHANTHÜ DOU 4:20

mehenangkü mehe hami ee, hatü dan, ha ne-e-i nenyuaokpih” shei jangei e.

ROM SHAHSHA APPÜ 15:27

Jomi ha dükhen mongong, hatü jomi hathü kü ha dükhenü hang nyüke; mehenangkü Kung ami Jehoda amei laangha moihimanthü hanteijema, Kung amiyao Jehoda am kü jomei mophimo hanteihen jiüpeih.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

1 KORINT 1:9

Kahvangü shahhing; büpai laophülei Ha Jisu Khrista jenei Shembüpa mü mongjemhühen am kü nyükpeih.

1 KORINT 15:1

Jeihinaü hatü nyahinaüthü, ngei am kü baongpü shahjangmei mepa ammi yah, hatü ha kü am yaongshi nyüpa, hapa ngei shao am kü shaang ehünyüke.

EPHESIA 3:6

ha lappai, Kung amao aihük mü mükjüp yahpü am, büm hük kü aihük phaihan, hatü shahjangmei homei Khrista Jisu kü lahpü kü hean yahpü am leipeih.

PHILIPPI 1:7

Am peü nang hapakei deihhenü ngei shingvaishi jiüpü khih; mehenangkü am peü ngelei mongei nyüpeih; ngei khoklatei nyujao nevaijü shahjangmei nangkü khangtei shingkü nevaijü hapa nih-ei venshingkü ammi ngei mü hapa Kahvang phahji kü hean yahpeih.

PHILIPPI 2:1

Hanangkü Khrista kü lemhük nangthongpü nyujema, bampü kübü lemhük nyiushemmei nyujema, Laangha kü mongjempü lemhük nyujema, yahyang shinshangpü lemhük nyujema,

PHILIPPI 3:10

Ngei Khrista hatü büpa yangei leipü ngan nyinghünyeih, hatü büpa dipü kü büpa kei leiyei büpa shangpongpü kü hanteihünyeih.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

1 THESALONIKA 1:10

hatü vangsho leipü Cheha Jisu, üpa büpai dipü kübü yangei leishih, hatü ngoikahen mongshih kübü jen yangnya, jomi ha jung enyüke.

1 TIMOTI 6:2

Aathü, üam vaipü shembüthü nyüpa, jomphong kü dhüm neshuoh-i tenyu; mehenangkü jomphongao jeihinaüthü nyüke. Shejao jomi hathü meipüba kü chongphohütuh; mehenangkü jomei dou kübü nanglei dangpeyü bampü vaipüthü nyüke. Hathü dou jung nüngi jomphong kü nyuh-ei etuh.

HEBREW 2:12

Büpai enyüke: “Ngelei jeihinaü hatü nyahinaüthü kü ngei nüngei men baonghen; thaipü khong chi kü ngei nüngei men longhen.”

HEBREW 3:1

Hanangkü jeihinaü hatü nyahinaüthü, vangsho ami nyükpü kü daülangpü hean yahpüthü, jeni lahpü Jisu, phongshan hatü ngongchong deih-ei dangtuh.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

2 PETER 1:16

Mechem hami ngan hatü jenei Shembüpa Jisu Khrista peipü am kü nyinghüpa, hami kon kohshi lingpü yimpilathü phei müei ne-e, shejao hamphongü büpalei müknyinshekhang müki eepü denbüthü hih.

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

1 JOHAN 1:5

Kahvangü vangngai hatü büpa kü vangnyak lanshei neshiü shei hapa shahjang hami büpa leipü danpü am kü baongnyeih.

1 JOHAN 1:7

shejao büpa vangngai kü nyupükei jeni vangngai kü kamjema, jen hüki hük mü mongjempü nyüpeih, hatü Cheha Jisulei iy homei mang peü kübü jen daütüknyüke.