ຈົດບັນຊີ 26:54 - ພຣະຄຳພີສັກສິ

^54-56 ໃນ​ການ​ແບ່ງປັນ​ດິນແດນ​ເທື່ອ​ນີ້ ຈົ່ງ​ໃຊ້​ສະຫລາກ​ເປັນ​ວິທີ​ແບ່ງປັນ ແລະ​ເຜົ່າໃດ​ທີ່​ມີ​ຈຳນວນ​ຄົນ​ຫລາຍ ກໍ​ຈະ​ໄດ້​ສ່ວນ​ແບ່ງ​ດິນແດນ​ຫລາຍ ແລະ​ເຜົ່າໃດ​ທີ່​ມີ​ຈຳນວນ​ຄົນໜ້ອຍ ກໍ​ຈະ​ໄດ້​ສ່ວນ​ແບ່ງ​ດິນແດນ​ໜ້ອຍ.”

ຈົດບັນຊີ 26:54 Iomraidhean Croise

ຈົດບັນຊີ 26:53

“ຈົ່ງ​ແບ່ງ​ດິນແດນ​ໃຫ້​ແກ່​ຊາວ​ອິດສະຣາເອນ​ເຜົ່າ​ຕ່າງໆ​ຕາມ​ຈຳນວນ​ປະຊາຊົນ.

ຈົດບັນຊີ 32:3

“ດິນແດນ​ສ່ວນ​ທີ່​ພຣະເຈົ້າຢາເວ​ໄດ້​ຢຶດເອົາ​ສຳລັບ​ປະຊາຊົນ​ອິດສະຣາເອນ​ເຊັ່ນ: ເມືອງ​ອາຕາໂຣດ, ດີໂບນ, ຢາເຊ, ນີມຣາ, ເຮັດຊະໂບນ, ເອເລອາເລ, ສິບມາ, ເນໂບ ແລະ​ເບໂອນ ເປັນ​ດິນ​ດີ​ຊຶ່ງ​ເໝາະ​ສຳລັບ​ລ້ຽງ​ສັດ ແລະ​ພວກ​ຄົນ​ຮັບໃຊ້​ຂອງທ່ານ​ກໍ​ມີ​ຝູງສັດ​ຫລາຍ.

ຈົດບັນຊີ 32:5

ກະລຸນາ​ມອບ​ດິນແດນ​ເຫຼົ່ານີ້​ໃຫ້​ເປັນ​ສົມບັດ​ຂອງ​ພວກເຮົາ​ເຖີດ ແລະ​ຢ່າ​ໃຫ້​ພວກເຮົາ​ຂ້າມ​ແມ່ນໍ້າ​ຈໍແດນ​ໄປ​ຕັ້ງ​ຖິ່ນຖານ​ຢູ່​ທາງ​ຟາກ​ພຸ້ນ​ເລີຍ.”

ຈົດບັນຊີ 33:54

ຈົ່ງ​ແບ່ງປັນ​ດິນແດນ​ໃຫ້​ເຜົ່າ ແລະ​ຕະກຸນ​ຕ່າງໆ​ໂດຍ​ວິທີ​ໃຊ້​ສະຫລາກ​ຄື: ຕະກຸນ​ທີ່​ມີ​ຫລາຍ​ຄົນ​ໃຫ້​ມີ​ດິນແດນ​ຫລາຍ ແລະ​ຕະກຸນ​ທີ່​ມີ​ໜ້ອຍ​ຄົນ​ໃຫ້​ມີ​ດິນແດນ​ໜ້ອຍ ທຸກຄົນ​ຈະ​ໄດ້​ຮັບ​ດິນແດນ​ເປັນ​ກຳມະສິດ ຕາມ​ທີ່​ສະຫລາກ​ໄດ້​ຕົກ​ຖືກ​ຕົນ ການ​ແບ່ງປັນ​ນີ້​ໄດ້​ເຮັດ​ຕາມ​ຕະກຸນ​ປູ່ຍ່າຕາຍາຍ​ຂອງ​ແຕ່ລະເຜົ່າ.

ຈົດບັນຊີ 35:8

ຈຳນວນ​ເມືອງ​ຂອງ​ຊາວ​ເລວີ​ແຕ່ລະເຜົ່າ​ນີ້​ໃຫ້​ກຳນົດ​ເອົາ​ຕາມ​ຂະໜາດ​ຂອງ​ເຂດແດນ.”

ໂຢຊວຍ 17:14

ພວກ​ເຊື້ອສາຍ​ຂອງ​ໂຢເຊັບ​ໄດ້​ຖາມ​ໂຢຊວຍ​ວ່າ, “ເຫດໃດ​ທ່ານ​ຈຶ່ງ​ແບ່ງປັນ​ດິນແດນ​ພຽງ​ສ່ວນ​ດຽວ​ເທົ່ານັ້ນ ໃຫ້​ເປັນ​ກຳມະສິດ​ຂອງ​ພວກເຮົາ? ພວກເຮົາ​ມີ​ຄົນ​ຫລາຍ ເພາະ​ພຣະເຈົ້າຢາເວ​ໄດ້​ອວຍພອນ​ພວກເຮົາ.”

ໂຢຊວຍ 19:9

ດ້ວຍວ່າ, ສ່ວນ​ທີ່​ໄດ້​ມອບ​ໃຫ້​ເຜົ່າຢູດາ​ນັ້ນ​ໃຫຍ່​ເກີນ​ຄວາມ​ຕ້ອງການ. ດັ່ງນັ້ນ ສ່ວນ​ໜຶ່ງ​ໃນ​ເຂດແດນ​ນີ້​ຈຶ່ງ​ຖືກ​ມອບໝາຍ​ໃຫ້​ແກ່​ເຜົ່າ​ຊີເມໂອນ.