ໂຢຊວຍ 14:2 - ພຣະຄຳພີສັກສິ

² ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້​ກັບ​ໂມເຊ ເຂດແດນ​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ​ທີ່​ຖືກ​ມອບ​ໃຫ້​ເກົ້າ​ເຜົ່າ​ເຄິ່ງ​ນັ້ນ ໃຫ້​ພວກເຂົາ​ກຳນົດ​ເອົາ​ໂດຍ​ການ​ໃຊ້​ສະຫລາກ.

ໂຢຊວຍ 14:2 Iomraidhean Croise

ສຸພາສິດ 16:33

ມະນຸດ​ໃຊ້​ສະຫລາກ​ຢາກ​ຮູ້​ພຣະປະສົງ, ແຕ່​ແມ່ນ​ພຣະເຈົ້າຢາເວ​ເອງ​ທີ່​ເປັນ​ຜູ້​ໃຫ້​ຄຳ​ຊີ້ຂາດ.

ສຸພາສິດ 18:18

ຖ້າ​ວ່າ​ສອງ​ຄົນ​ມີ​ອຳນາດ​ໂຕ້ຖຽງ​ກັນ​ໃນ​ສານ ຈົ່ງ​ລະງັບ​ເຫດການ​ໂດຍ​ການ​ໃຊ້​ສະຫລາກ.

ເອເຊກຽນ 45:1

ເມື່ອ​ທີ່ດິນ​ໄດ້​ຖືກ​ແບ່ງ​ໃຫ້​ເປັນ​ສ່ວນ​ຂອງ​ແຕ່ລະເຜົ່າ​ແລ້ວ ຈົ່ງ​ຖວາຍ​ທີ່ດິນ​ຕອນ​ໜຶ່ງ​ໃຫ້​ເປັນ​ສ່ວນ​ຂອງ​ພຣະເຈົ້າຢາເວ. ທີ່ດິນ​ຕອນ​ນີ້​ໃຫ້​ຍາວ​ສິບສອງ​ກິໂລແມັດ​ເຄິ່ງ ແລະ​ໃຫ້​ກວ້າງ​ສິບ​ກິໂລແມັດ. ທີ່ດິນ​ຕອນ​ນີ້​ທັງໝົດ​ຈະ​ສັກສິດ.

ຈົດບັນຊີ 26:52

ພຣະເຈົ້າຢາເວ​ໄດ້​ບອກ​ໂມເຊ​ວ່າ,

ຈົດບັນຊີ 33:54

ຈົ່ງ​ແບ່ງປັນ​ດິນແດນ​ໃຫ້​ເຜົ່າ ແລະ​ຕະກຸນ​ຕ່າງໆ​ໂດຍ​ວິທີ​ໃຊ້​ສະຫລາກ​ຄື: ຕະກຸນ​ທີ່​ມີ​ຫລາຍ​ຄົນ​ໃຫ້​ມີ​ດິນແດນ​ຫລາຍ ແລະ​ຕະກຸນ​ທີ່​ມີ​ໜ້ອຍ​ຄົນ​ໃຫ້​ມີ​ດິນແດນ​ໜ້ອຍ ທຸກຄົນ​ຈະ​ໄດ້​ຮັບ​ດິນແດນ​ເປັນ​ກຳມະສິດ ຕາມ​ທີ່​ສະຫລາກ​ໄດ້​ຕົກ​ຖືກ​ຕົນ ການ​ແບ່ງປັນ​ນີ້​ໄດ້​ເຮັດ​ຕາມ​ຕະກຸນ​ປູ່ຍ່າຕາຍາຍ​ຂອງ​ແຕ່ລະເຜົ່າ.

ຈົດບັນຊີ 34:13

ສະນັ້ນ ໂມເຊ​ຈຶ່ງ​ປະກາດ​ຕໍ່​ຊາວ​ອິດສະຣາເອນ​ວ່າ, “ອັນນີ້ ແມ່ນ​ດິນແດນ​ທີ່​ພວກເຈົ້າ​ຈະ​ໄດ້​ຮັບ​ໂດຍ​ວິທີ​ໃຊ້​ສະຫລາກ ຄື​ດິນແດນ​ທີ່​ພຣະເຈົ້າຢາເວ​ໄດ້​ມອບ​ໃຫ້​ແກ່​ເກົ້າ​ເຜົ່າ​ເຄິ່ງ.

ຈົດບັນຊີ 34:17

“ປະໂຣຫິດ​ເອເລອາຊາ​ແລະ​ໂຢຊວຍ​ລູກຊາຍ​ຂອງ​ນູນ ຈະ​ເປັນ​ຜູ້​ແບ່ງປັນ​ດິນແດນ​ໃຫ້​ປະຊາຊົນ.

ມັດທາຍ 25:34

ແລ້ວ​ຈອມ​ກະສັດ​ກໍ​ຈະ​ກ່າວ​ແກ່​ບັນດາ​ຜູ້​ທີ່​ຢູ່​ເບື້ອງຂວາ​ຂອງ​ພຣະອົງ​ວ່າ, ‘ມາເຖີດ ພວກເຈົ້າ​ຜູ້​ທີ່​ໄດ້​ຮັບ​ພຣະພອນ​ຈາກ​ພຣະບິດາເຈົ້າ​ຂອງເຮົາ ຈົ່ງ​ມາ​ຮັບ​ເອົາ​ຣາຊອານາຈັກ ຊຶ່ງ​ໄດ້​ຖືກ​ຈັດຕຽມ​ໄວ້​ສຳລັບ​ພວກເຈົ້າ ຕັ້ງແຕ່​ຕົ້ນເດີມ​ສ້າງ​ໂລກ.

ກິດຈະການ 1:26

ແລ້ວ​ພວກເພິ່ນ​ກໍ​ໃຊ້​ສະຫລາກ ເພື່ອ​ເລືອກ​ເອົາ​ຜູ້ໜຶ່ງ​ໃນ​ສອງ​ຄົນ​ນີ້ ແລະ​ຜູ້​ທີ່​ຖືກ​ເລືອກ​ໄດ້​ແມ່ນ​ມັດເທຍ. ດັ່ງນັ້ນ ມັດເທຍ​ຈຶ່ງ​ຖືກ​ນັບ​ເຂົ້າ​ເປັນ​ຄົນ​ໜຶ່ງ ໃນ​ພວກ​ອັກຄະສາວົກ​ສິບເອັດ​ຄົນ​ນັ້ນ.

ໂຢຊວຍ 13:7

ບັດນີ້ ໃຫ້​ເຈົ້າ​ແບ່ງປັນ​ດິນແດນ​ນີ້​ໃຫ້​ແກ່​ເກົ້າ​ເຜົ່າ ແລະ​ເຜົ່າ​ມານາເຊ​ເຄິ່ງ​ເຜົ່າ ເພື່ອ​ໃຫ້​ເປັນ​ກຳມະສິດ​ຂອງ​ພວກເຂົາ.”

ໂຢຊວຍ 18:10

ໂຢຊວຍ​ໄດ້​ໃຊ້​ສະຫລາກ​ໃຫ້​ພວກເຂົາ​ຢູ່​ທີ່​ຊີໂລ​ຊ້ອງໜ້າ​ພຣະເຈົ້າຢາເວ ແລະ​ໄດ້​ມອບ​ດິນແດນ​ໃຫ້​ແກ່​ທຸກໆ​ເຜົ່າ​ທີ່​ເຫຼືອ​ຢູ່​ນັ້ນ ຕາມ​ສ່ວນແບ່ງ​ຂອງ​ໃຜ​ລາວ.

ໂຢຊວຍ 18:6

ໃຫ້​ພວກເຈົ້າ​ແຕ້ມ​ແຜນທີ່​ຂອງ​ດິນແດນ​ເຈັດ​ສ່ວນ​ເຫຼົ່ານີ້ ແລະ​ນຳ​ມາ​ໃຫ້​ຂ້າພະເຈົ້າ. ແລ້ວ​ຂ້າພະເຈົ້າ​ກໍ​ຈະ​ໃຊ້​ສະຫລາກ ຕໍ່ໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ສຳລັບ​ພວກເຈົ້າ.