លូកា 10:16 - ផាប់ គ្រែដៃ

¹⁶ គ្រែដៃ យីស៊ូ ហាយ ឌី លុកស៊ិក ហ រៀន៖  «ហ ឆិ ឡា រូគ ចង់ហៀង វែ ហ អ៊ែ ចង់ហៀង អៃ ពទឺ។ ហ ឆិ ឡា តរូគ ឡាប់ វែ ហ អ៊ែ កគ់ តរូគ ឡាប់ អៃ ពទឺ។ ហ ឆិ ឡា តរូគ ឡាប់ អៃ ហ អ៊ែ តរូគ ឡាប់ គ្រែដៃ ឡា ប្រ៉ៃ អៃ ទឺស ទឹ នែ ពទឺ»។

លូកា 10:16 Iomraidhean Croise

ម៉ាថាយ 10:40

«ហ ឆិ ឡា ឡាប់ វែ ហ អ៊ែ ឡាប់ អៃ ពទឺ ឡើយ  អ៊ែ ហ ឆិ ឡា ឡាប់ អៃ ហ អ៊ែ ឡាប់ គ្រែដៃ ឡា ប្រ៉ៃ អៃ ទឺស ទឹ នែ ពទឺ។

ម៉ាថាយ 18:5

ហ ឆិ ឡា ឡាប់ អ្ងគ្លែត មរ៉ា ប៉ាគ់ អ្ងគ្លែត នែ ញ៉ន ឌី អៃ ហ អ៊ែ ឡាប់ អៃ ពទឺ ឡើយ»។

ម៉ាកុះ 9:37

«ហ ឆិ ឡា ឡាប់ អ្ងគ្លែត មរ៉ា ប៉ាគ់ អ្ងគ្លែត នែ ញ៉ន ឌី អៃ ហ អ៊ែ ឡាប់ អៃ ពទឺ ឡើយ អ៊ែ ហ ឆិ ឡា ឡាប់ អៃ អ៊ែ តត្រ ឡាប់ ឡូវ អៃ អ៊ឺម ហ អ៊ែ ឡាប់ គ្រែដៃ ឡា ប្រ៉ៃ អៃ ទឺស ទឹ នែ ពទឺ»។

លូកា 9:48

ដូវ អ៊ែ ហ ហាយ ឌី មែ រៀន៖  «ហ ឆិ ឡាប់ អ្ងគ្លែត នែ ញ៉ន ឌី អៃ ហ អ៊ែ ឡាប់ អៃ ពទឺ អ៊ែ ហ ឆិ ឡា ឡាប់ អៃ ហ អ៊ែ ឡាប់ គ្រែដៃ ឡា ប្រ៉ៃ អៃ ទឺស ទឹ នែ ពទឺ ខង ហ ឆិ លកិ កន់ដ្រូម មែ កនុង បូវ វែ លែក រ៉ា ហ អ៊ែ ឡើយ ឡា ទិះ មិញ»។

យ៉ូហាន 12:44

សាគ់ អ៊ែ គ្រែដៃ យីស៊ូ សង់អូក ហាយ ទុត ថាំង៖ «ហ ឆិ ឡា សឿ មឹង អៃ ហ អ៊ែ តសឿ មឹង កាស ឡូវ អៃ ឞាល់ អិះ អ៊ឺម ហ អ៊ែ សឿ មឹង ហ្នដឹប ហ ឡា ប្រ៉ៃ អៃ រ៉ិ ទឹ នែ ពទឺ។

យ៉ូហាន 12:48

ហ ឆិ ឡា ឝ៉ើស តាក់ អៃ វ៉ា តា ផម ចង់ហៀង ប្រម៉ាង អៃ ហ អ៊ែ ប៊ិច ហ ឡា តាត់ស៊ិន ចិះ ថូត ឡើយ។ ប្រម៉ាង អៃ ឡា ហាយ អ៊ែ ឡើយ ឡា ម៉ា តាត់ស៊ិន ចិះ ថូត ឌី ហ ហ៊ឹ តង៉ៃ ព្រឡូច អ្នទុន។

យ៉ូហាន 13:20

អៃ ហាយ ឌី វែ ម៉ាត់ ម៉ាត រៀន  ហ ឆិ ឡា ឡាប់ បនិះ អៃ ឡា ប្រ៉ៃ រ៉ិ អ៊ែ ហ អ៊ែ ឡាប់ អៃ ឡើយ អ៊ែ ហ ឆិ ឡា ឡាប់ អៃ ហ អ៊ែ គ្រែដៃ ឡា ប្រ៉ៃ អៃ ទឺស ទឹ នែ ពទឺ ឡើយ»។

ហណាយ 5:4

តដាន់ សៃ ឡា ហ្មពួត ពដិះ អ៊ែ ពឆិ តត្រ ពដិះ សៃ កឡឹ អ៊ឺម? សាគ់ សៃ ហ្មពួត ប្លូច ឡើយ លៀន អ៊ែ តត្រ លៀន សៃ កឡឹ អ៊ឺម? ពឆិ ឌី សៃ ឃឹត បើម ពនែ? សៃ ព្រញ៉ា ហាយ អាំ លៀន លែក ព្រនឺ សៃ កដក មូយ ព្រណាក សៃ បើម នែវ នែ សៃ តវ៉ាយ ឌី គ្រែដៃ ឡើយ តត្រ តវ៉ាយ ឌី បនិះ អ៊ឺម នែ»។

ឝ៉ាឡាទី 4:14

ហាក់ឌី យ៉ះ អៃ ឈិ ដុ សុ លួច បើម ប៉ាប ពុន ហ៊ឹ វែ កតាម កគ់ វែ តា ឞ៊ឺងង៉ាយ លឺ តរែម តរូគ ឌី អៃ អ៊ឺម ពទឺ កើត ឌី វែ កន់ទ្រុក ហរុក អៃ ជុ ឞាល់ ឞាវ គ្រែ គ្រែដៃ លឺ ជុ អៃ ឞាល់ គ្រែដៃ គ្រិះ យីស៊ូ មិញ។

១ ធែសាឡូនិក 4:8

ប៉ាគ់ ពអ៊ែ មែ ឆិ ឡា តរូគ ឡាប់ ឡង ចង់ហៀង កាន ព្រតូវ ច្រូវ នែ អ៊ែ ឞាល់ មែ តរូគ ចង់ហៀង គ្រែដៃ ឡា ពដាយ អាំ ផវ យ៉ាង អ្យាគ់ រ៉ូម ហ ឌី វែ អ៊ែ ពទឺ ឡើយ តត្រ បនិះ អ៊ឺម មែ តរូគ ចង់ហៀង អ៊ែ។